Mt 13:39 - Testamente Ledrimpswha ni Mapsalma

³⁹ A nala lweyi abyaliki lihungu hi yene Diyavulosi, lava vanga vahlengeleti va ntrhovelo i tintrumi.

Mt 13:39 Referans Kwoze

Mt 13:49

Hi swoswo switakahumelela akuheleni ka misava: a tintrumi titahuma a kutatatravukanisa a vhanu lava vamfani ku lava vanene,

Mt 25:31

Kambe kutaku loko a N'wana wa Mhunu ata vumenyemenyeni byake, kun'we ni tintrumi hinkwatu, atatrhamisa a xitrhan'wini xa vumenyemenye byake.

Mpfuletelo 19:20

Kambe kukhomiwi xihari xa kulebya kun'we ni muprofeta wa madrimi, lweyi hi kuyentxa mahlolana ni swikombiso amahlweni ka yone, akanganyisiki lava vangayamukela xikombiso xa xihari xa kulebya, afaka vakhisamela xifaniso xa xone. A xihari ni muprofeta wa madrimi vatxukumetiwa na vaha hanya ativeni dra ndrilo lowu wupfuraka, wa xivavula.

Mpfuletelo 13:14

Xikanganyisa lava yakiki misaveni hinkonta ya swikombiso leswi xinyikiwiki kuswitira mahlweni ka xihari xa kulebya, xibyela vayaki va misava yentxa xifaniso xa xihari xa kulebya lexi xinga tlhabyiwa hi tlhari, kutani xihanyiki.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

Mt 24:3

Kuti loko atrhami nhaveni ya Minhlwari, a vadondrisiwa vakwe vatrhindrekela ku Yene na vali swavu vaku: Hibyele a nkama lowu switakahumelela ha swone, utivisa ni xikombiso xa kubuya kwaku, ni xa kuhela ka misava?

Mt 13:25

Kambe avusikwini, loko vhanu hinkwavu vayetlelile, kuta nala atatabyala lihungu amakari ka mavele, ava atifambela.

Yd 1:14

Na yene Henoki, lweyi wa vuntlhanu na vabiri antrhaku ka Adamu, aprofetile ha vone, aku: Lavisa, Hosi yata ni madzana-dzana ya Yone,

I Ptr 5:8

Tikhomani, n'wilavelela! A nala wenu, Diyavulosi, aratela swanga hi nghonyama leyi yidruma-drumekaka, na yidjula lweyi yingamuphatlulaka yimuda;

Va-Heberu 9:26

Hikusa loko swilitanu, afa afanekelile kuxaniseka ha kunyingi, kusukela akutumbulukeni ka misava. Kambe swoswi ahumeleli kan'we akuhetisekeni ka minkama, atadrivalela swidoho hi kutinyiketa ava mhamba.

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

II Kor 11:3

Kambe ni txhava leswaku, swanga Eva lweyi angakanganyisiwa hi madrimi ya nyoka na n'wine a miyanakanyu yenu mingatxhuka mihoniwa, mitrika vunene ni kubasa leswi swiyisaka ku Kriste.

II Kor 2:17

Hikusa ahifani ni lava vakutala, lava vayentxaka bindru hi Ritu dra Xikwembu Nkulukumba; hi kusungula, hi vulavula ku Kriste swanga lava vapfaka ku Xikwembu Nkulukumba, ni hi kutitrongohata mahlweni ka Xikwembu Nkulukumba.

Mt 28:20

n'wivadondrisa a kubekisa hinkwaswu leswi nin'wileletiki swone. Na swone lavisani, mine nina n'wine masiku hinkwawu kukondra kuhela a minkama.

Mt 13:28

A n'winyi aku: I nala wa kukari ayentxiki leswo. Kutani a vatiri vamuvutisa vaku: Urandra leswaku hitruvula a lihungu xana?

Mt 12:32

Ni loko kumbe mhunu ahumexela ritu dra kubiha ku N'wana wa Mhunu, atadrivaleliwa kambe kungaku loko ahlayi, asandra a Moya wa Kuxwenga, angaka angadrivaleliwi, nambi kuva ankameni lowu, nambi ali nkameni lowu wutakata.

Mt 13:22

Kambe lweyi abyaliwki amitweni hi lweyi ayingelaka a ritu, kutani a kuhlatiyela ka nkama lowu ni kukanganyisa ka vukosi swikamalata a ritu, drindruluka dringabeki mihandru.

Mt 13:40

Swanga hi leswi a lihungu drihlengeletiwaka dritrimbeleliwa vadritxukumetela andrilweni vadrihisa, switava swoswo ni le kuheleni ka misava.

I Kor 10:11

A mintxhumu leyi mivahumelelile swanga swikombiso, kutani mitraliwile akuva mihikhwavela; hine hikumiwiki hi vugamu bya minkama.

Va-Heberu 1:2

A minkameni leyi ya vugamu, a khanelile na hine hi n'wana wakwe, lweyi amubekiki kuva mudi wapfindla dra mintxhumu hinkwayu, lweyi na kone avumbiki misava ha Yene.