Mt 13:23 - Testamente Ledrimpswha ni Mapsalma

²³ Mfuri lweyi abyaliwiki amisaveni leminene, hi lweyi ayingelaka ritu adriyingelisisa, ava abeka a mihandru, a nhleke yin'we yibeka a dzana (100), a yin'wana ntlhanu wa makume na drin'we (60), a yin'wana makume mararu (30).

Mt 13:23 Referans Kwoze

Va-le-Filipiya 1:11

N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.

Yohana 15:16

Ahi n'wine n'winihlawuliki; kambe hi mine nin'wihlawuliki, nin'wibekiki akuva n'wiya n'wibeka mihandru, ni mihandru yenu miva leyi mitrhamiki; akuva nambi n'wikombela yini na yini ku Tatana hi vito dranga, atan'winyika.

Mt 12:33

Kumbe n'wingahlaya leswaku a nsinya i wunene, wuhumexa a mihandru minene; kumbe n'wingahlaya leswaku wubihile, wuhumexa a mihandru ya kubiha; hikusa a nsinya wutibyiwa hi mihandru ya wone.

Mt 13:8

Kutani tin'wana mfuri, tiwela amisaveni leminene, tihumexa a mihandru ya kuxonga: yin'we a mbewu yihumexa dzana (100), yin'wana ntlhanu wa makume na drin'we (60), ni yin'wana makume mararu (30) ya tinhleke.

Va-le-Kolosa 1:6

yitlhasiki ku n'wine ni le misaveni hinkwayu; yibeka mihandru na mikula swanga hileswi swihumeleliki makari kwenu, kusukela ku siku ledri n'witiviki timpswalu ta Xikwembu Nkulukumba hi xihlayelamfuri.

Mt 3:8

Humexani mihandru leyi mikombisaka kundruluka kwenu,

Lk 13:9

kumbe xana wutahumexa mihandru haxawu. Loko swingali tanu, utawutrema.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

II Ptr 3:18

Kutlula hinkwaswu, yanani mahlweni n'wikula atimpswalwini ni le kutiveni ka Hosi yeru ni Muhuluxi Yesu Kriste. Ku yene akunyikiwe lidrumu, kusukela swoswi nikuyatlhasa sikwini ledringahelikiki! Amen.

Va-le-Kolosa 1:10

akuva n'wifamba hi kululama amahlweni ka Hosi, n'wimutrhavisa ku hinkwaswu, n'wibeka mihandru amintirweni hinkwayu leminene, na n'wikula akutiveni ka Xikwembu Nkulukumba;

Va-Heberu 8:10

Hikusa lexi i xipfumelelanu lexi ni taka xiyentxa ni tiko dra Israyele ntrhaku ka masiku lawo, kuhlaya Hosi: Nita beka milawu yanga miyanakanywini yavu, na kone nita mitrala ni le timbilwini tavu. Nita va Xikwembu Nkulukumba wavu, na vone vatava tiko dranga.

Va-Heberu 4:2

Hikusa na hine hi yamukeli Ivangeli kufana na vone. Kambe a ritu ledri vangadriyingela adrivapfunanga ntxhumu, hikusa lava vangadriyingela ava driyamukelanga hi kupfumela.

II Tsl 2:10

Atatirisa vukanganyisi hinkwabyu bya vubihi, akuva akanganyisa lava lahlekaka, hikuva vanga khensanga, nambi kupfumela xihlayelamfuri lexi afaka xi tava huluxa.

I Tsl 4:1

A vugan'wini vamakweru, ha n'wikombela ni kun'witratriya ku Hosi Yesu leswaku, swanga hileswi n'wiyamukeliki ha hine leswi n'wifanekelaka kufambisa xiswone akuva n'witatrhavisa Xikwembu Nkulukumba, fambisani xiswoswo, akuva n'wiya mahlweni hi kuyandra ngopfu.

Va-le-Filipiya 4:17

A hileswaku ni djula swihanano, kambe ni navela leswaku miyengeseliwa a mhandru hinkonta yenu.

II Kor 9:10

Kutani, Yene lweyi anyikaka mbewu amubyali ni kati dra kuda, nangweso ata n'winyika ava ayandrisela timbewu leti n'witivilelaka atakulisa antrhovelo wa mihandru ya vunene byenu;

Mintiro Ya Vapostola 17:11

A va-Yuda lava afa vatxhaviseka kutlula a va-le-Tesalonika, hikusa vayamukeli ritu hi mbilu leyi yivilelaka ngopfu, na vakambisisa a Matralwa hinkwawu masiku, akuva vavona leswaku a timhaka leti Pawulosi atihlayaka ha kunene ti tanu.

Mintiro Ya Vapostola 16:14

Mun'we wansati atxhuliwaka Lidiya, muxavisi wa swivunguvungu, wa muti wa Tiyatira, afaka atxhava Xikwembu Nkulukumba, afa ahiyingela swinene, kutani a Hosi yimupfula mbilu akuva atikaratela leswi afaka swihlayiwa ha Pawulosi.

Yohana 8:47

Lweyi apfaka ku Xikwembu Nkulukumba ayingela maritu ya Xikwembu Nkulukumba. Leswi swiyentxaka leswaku n'wingayingeli, hileswaku an'wi va Xikwembu Nkulukumba.

Lk 8:15

A mbewu leyi yiweliki misaveni leminene, hi vhanu lava yingelaka a ritu hi timbilu leti tinene, vayingiseta kutani vadribekisa, vatiya vanyika a ntrhovelo wunene.

Marka 10:15

Drimukani leswi: lweyi wakuka angayamukeli a Mfumu wa Xikwembu Nkulukumba swanga hi ntrongwana angaka anganhingeni ku wone.

Marka 4:20

Kambe lava vabyaliwiki amisaveni leminene, hi lava vayingelaka a ritu dra Xikwembu Nkulukumba, vava vadriyamukela, vabeka mihandru, a nhleke yin'we makume mararu (30), yin'wana kambe ntlhanu wa makume na kume drin'we (60), yin'wana dzana (100).

Mt 3:10

A kawula ni swoswi drilulamisiwile kutrema a minsinya hi le mitrwini. A minsinya hinkwayu leyi mingabekiki mihandru leminene yatremiwa mitxukumetiwa andrilweni.

Va-Heberu 6:7

Hikusa a misava leyi minwaka mpfula leyi yitekisaka kuwela henhla ka yone, mimilisa timbowa leti tipfunaka lava vatidrimelaka yone, makukuma kukatekisiwa hi Xikwembu Nkulukumba.

Lk 8:8

Kambe axin'wana xiyenge xa timbewu tiwela amisaveni leminene, kutani timila, tinyika ntrhovelo wa kuxonga, tinyika dzana dra tinhleke yin'wana ni yin'wana. Kuku loko Yesu ahlayi leswo, atlakuxa a ritu aku: Lweyi angani tindleve ayingelisise!