Mt 12:44 - Testamente Ledrimpswha ni Mapsalma

⁴⁴ wahangahlaya wuku: Nitatlhelela andlwini yanga lomu nihumiki kone. Loko wutlhela, wutatakuma a yindlu leyo na yingena mhunu, yikukuliwile yiva yibekisiwa.

Mt 12:44 Referans Kwoze

I Yhn 4:4

Vana vanga, n'wine n'wiva Xikwembu Nkulukumba, kutani mihluli vaprofeta va madrimi, hikusa lweyi atrhamaka ku n'wine i nkulu kutlula lweyi anga misaveni.

I Yhn 2:19

Vone vahumi makari kweru, kambe afa vange va kakweru. Loko afa vali veru afa vatava vatrhami na hine. Kambe va fambile akuva va vonekisiwa leswaku afa vange veru, na mun'we ku vone.

I Kor 11:19

Mfuri, swafanela akuva kuni kuhambana amakari kwenu, akuva kutavoneka lava vafanelaka a kukhensiwa.

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

Yohana 13:27

Ntrhaku ka kuyamukela akatinyana, Sathana anhingena ku Yudasi. Kutani Yesu aku ku yene: Leswi udjulaka kuswitira, kahlula uswitira.

Yohana 13:2

Kutani, loko vatrhami kudeni, Diyavulosi afa abeki khale ambilwini ya Yudasi Iskariyota, n'wana Simoni arengu dra kuwonga Yesu.

Yohana 12:6

Ahlayisa xileswo kunge hi leswi afaka ani mhaka ni swisiwana, kambe hi leswi afaka ali muyivi; kutani leswi afaka ali mutameli wa nkwama wa mali, afa ahamba ayiva leswi txheliwaka kone.

Mt 12:29

Xana a mhunu angaswikotisa kuyini akunhingena andlwini ya nuna wa ntamu ayiva a vukosi byake, loko angasungulanga hi kumutrimba? Hi kone-ke angakotaka a kuphanga a yindlu yake.

Mt 12:43

Loko a moya lowu mfani wuhuma ku mhunu, wufamba hi le mimbangwini leyi ya kuwoma akuva wuyatikumela a kuwisa, kambe loko wungakukumi,

Mt 12:45

Kolahu wufamba wuyateka min'wana ya ntlhanu na mibiri ya kubiha kutlula wone, mifamba hinkwayu miyatrhama ku mhunu lweyo, hikolahu a matrhamela ya mhunu lweyo matabiha kutlula a ya kusungula. Hi swoleswi switakahumelela a vhanu lava vamfani.

Lk 11:25

Wutiki wata, wuyikuma na yikukuliwile, yiva yilongisiwa.