Mt 12:28 - Testamente Ledrimpswha ni Mapsalma

²⁸ Ke loko mine nihlongola a mademoni hi Moya wa Xikwembu Nkulukumba, leswo swihlaya leswaku a Mfumu wa Xikwembu Nkulukumba wutlhasile ku n'wine.

Mt 12:28 Referans Kwoze

Lk 11:20

Kambe loko nihlongola a mademoni hi ntamu wa Xikwembu Nkulukumba, hileswaku a Mfumu wa Xikwembu Nkulukumba wutlhasile swoswi ku n'wine.

Mt 21:43

Hileswo-ke nan'wibyela nili a Mfumu wa Xikwembu Nkulukumba wutasusiwa ku n'wine, wutanyikiwa a tiko ledri dritakabeka a mihandru leyi mifanelaka wone. [

Mt 6:33

Djulisisani kusungula a Mfumu wa Xikwembu Nkulukumba ni kululama kwake, kutani hinkwaswu leswo n'witayengeteliwa.

Mintiro Ya Vapostola 10:38

Yinga mhaka ya Yesu lweyi apfiki hi le Nazarete, leswaku Xikwembu Nkulukumba amutoti hi Moya wa Kuxwenga ni ntamu, atifambela na ayentxa leswi swinene, ahanyisa hinkwavu lava vakandreteliwiki hi Diyavulosi, hikusa Xikwembu Nkulukumba afa ali na Yene;

Va-le-Kolosa 1:13

Yene ahihuluxile antan'wini wa munyama, ahirurisela Mfun'wini wa N'wana wakwe lweyi wa kurandriwa.

Rm 14:17

Hileswo-ke, a Mfumu wa Xikwembu Nkulukumba ahi mhaka ya swakuda ni swakunwa, kambe i mhaka ya kululama, kurula ni kutrhava loku pfaka ku Moya wa Kuhlawuleka.

Lk 16:16

A nawu wa Moxe ni dondro ya vaprofeta switirile kuya tlhasa nkameni wa Yohana Mubabatisi. Kolahu a Ivangeli ya Mfumu wa Xikwembu Nkulukumba yireriwa, mani na mani ayentxa hi ntamu kunhingena kone.

Marka 1:15

A nkama wuhetisekile, a Mfumu wa Xikwembu Nkulukumba wutlhasile. Xileswo ndrulukani n'wipfumela ku Ivangeli.

Mt 21:31

Hi wini ku lava vabiri ayentxiki a kurandra ka tatana wakwe? Vamuyangula vaku: Hi lweyi wa kusungula. Kutani Yesu aku ku vone: Hikusa nihlayelamfuri nili ku n'wine: A vahlengisi ni vavasati va vumbuye vatan'wirangela kunhingena a Mfun'wini wa Xikwembu Nkulukumba.

Lk 9:2

Avaruma kurera ta Mfumu wa Xikwembu Nkulukumba ni kuhanyisa timbabyi.

Marka 16:17

Lava vatakavani kupfumela vatatibyiwa hi swikombiso leswi: Hi vito dranga vatahlongola mademoni, ni kukhanela tindrimi timpswha.

Va-Heberu 12:28

Hileswo-ke, leswi hi yamukeliki mfumu lowu wungatrekatrekiki, hi fanekela kukhensa timpswalu, leti hitirelaka hi Xikwembu Nkulukumba ha tone, hi xitxhavu hinkwaxu;

Lk 10:11

Antrhuri wa muti wenu lowu wuhinamareliki hiwuphumunela ku n'wine. Nambi swili tanu, switivani leswaku a mfumu wa Xikwembu Nkulukumba wutlhasile.

Marka 11:10

Akukhensiwe a Mfumu lowu wutaka, wa tatana weru Davida! Hozana lweyi anga henhla-henhla.

Mt 12:18

Hi lweyi a nandra wanga, lweyi nimuhlawuliki, a murandriwa wanga, lweyi a hika dranga dringatrhavela yene. Nitabeka a Moya wanga a henhla kwake, yene atativisa a va-Matiko a kuyavanyisa.

Mt 4:24

Afa kutwala kwake kuhangalaka atikweni dra Siriya. Vamutisela hinkwavu lava vavabyaka hi mavabyi ya tinxaka-xaka, ni mahlomulo ni tinxanisa ni lava vangani mademoni, ni va mavabyi ya kuwutleka, ni vakuwonyana a swiro, kutani Yene afa avahanyisa.

Mt 12:29

Xana a mhunu angaswikotisa kuyini akunhingena andlwini ya nuna wa ntamu ayiva a vukosi byake, loko angasungulanga hi kumutrimba? Hi kone-ke angakotaka a kuphanga a yindlu yake.

I Yhn 3:8

Lweyo ni lweyo ayentxaka xidoho i waka Diyavulosi; hikusa Diyavulosi adohile kehe kusunguleni. Hikolaho ka leswo, a N'wana wa Xikwembu Nkulukumba ativonekisi akuva atahelisa mintiro ya Diyavulosi.