Mt 12:14 - Testamente Ledrimpswha ni Mapsalma

¹⁴ Kolahu loko a vafarisi vahumile, vayahamba a makungu ya leswaku vatamudlayisa kuyini.

Mt 12:14 Referans Kwoze

Yohana 11:53

Kutani kusukela siku ledro, va-Yuda vatrimbi makungu ya kudlaya Yesu.

Yohana 10:39

Kuva loko vayengeta vadringisa kumukhoma, kambe Yesu aphonyoka mavokweni yavu.

Yohana 5:18

Hinkonta ya ritu ledro, va-Yuda vahundrisa kudjula kumudlaya, hikusa afa angatlulanga Nawu ntsena, kambe, na kone, hi kuhlaya leswaku Xikwembu Nkulukumba hi ntshima, i Tatana wakwe, atiyentxa lweyi afananaka ni Xikwembu Nkulukumba.

Lk 6:11

Kambe vone vahlundruka ngopfu, vasungula kukhanelisana hileswaku vangakota a kuyentxa yini ha Yesu.

Marka 3:6

Vatiki vahuma a vafarisi, vahatla vahlengeletana ni va-Heroda vakhanela makungu ya leswaku xana vatamudlayisa ku yini Yesu.

Mt 26:4

vabekisa makungu ya kukhoma Yesu hi marengu akuva vamudlaya.

Yohana 11:57

Kambe a vaprista lava vakulu ni vafarisi afa valeleti leswaku, loko mhunu ativa laha Yesu angakone, a avativise, leswaku vatakota kumukhoma.

Mt 27:1

Loko byixile, hinkwavu vaprista lava vakulu ni vakulu va tiko vakhanela makungu ya kudlaya Yesu.

Marka 14:1

Afa kusali ntsena masiku mabiri akuva Paska ni nkhuvu wa makati lawa mangekena handrelo swiva kone. A vaprista lava vakulu ni vadondrisi va Nawu afa vadjula a rengu dra ku khoma Yesu, akuva vamudlaya.

Lk 22:2

Kutani a vaprista lava vakulu ni vadondrisi va Nawu afa vadjula leswi vangamudlayisaka xiswone Yesu, hikusa afa vatxhava tiko.

Yohana 7:30

Kutani vadringisa kumukhoma, kambe akuvangana mhunu lweyi angayisa voko ku yene, hikusa a nkama wakwe afa wungasanganatlhasa.

Yohana 7:32

A vafarisi vayingela leswi xitrhungu xi n'unun'utaka swone ha Yesu, kutani vaprista lava vakulu ni vafarisi varuma malandra kuya mukhoma.

Yohana 7:44

A van'wana ku vone afa varandra kumukhoma, kambe akavanga na mun'we angayisa voko ku yene.

Yohana 8:59

Kutani varola maribye akuva vamutxukumetela, kambe Yesu atumbela, kutani ahuma a Tempeleni.

Yohana 10:31

A va-Yuda vatlhela varola maribye vadjula kumukhandla.