Mt 11:5 - Testamente Ledrimpswha ni Mapsalma

⁵ Lava vakufa-mahlu vavona, a swilema swafamba, a va nhlokonho vabasisiwa, a vakufa-tindleve vayingela, a vafi vapfuxiwa, a swisiwana switivisiwa a Ivangeli.

Mt 11:5 Referans Kwoze

Lk 4:18

A Moya wa Hosi wule henhla kwanga, hikusa yi nitotile, akuva nidrungulela swisiwana a Ivangeli, yi nirumi kuhuwelela kuntrhunxeka ku lava vabohiwiki, ni kubuyisela kuvona ku lava vakufa-mahlu, ni kuntrhunxa lava vaxanisiwaka;

Yakobe 2:5

Yingelani swinene vamakweru lava varandriwaka. Xikwembu Nkulukumba atihlawuleli lava vangaswisiwana ku mahlu ya misava, akuva avayentxa swipfundri hi kupfumela ni kuvayentxa vadi vapfindla va mfumu lowu Yene awudumbisiki lava murandraka?

Mt 21:14

A vakufa-mahlu ni vakukhuta vatrhindrekela ku Yene a Tempeleni, avahanyisa.

Yohana 10:38

Kambe loko nitira mintiro ya Tatana, nambi n'wingapfumeli ku mine, pfumelani mintiro, n'witayingelisisa ni kutiva leswaku Tatana ale ku mine, na mine ni le ku Tatana.

Yohana 10:25

Yesu avayangula, aku: Nin'wibyelile, kambe an'wipfumeli. A mintiro leyi nimiyentxaka hi vito dra Tatana wanga, hi yone minihambelaka vumboni.

Yohana 5:36

Kambe mine nini vumboni lebyi byitlulaka bya Yohana. Hikusa a mintiro leyi Tatana aninyikiki leswaku nimihetisisa, minga yo mintiro leyi nimiyentxaka, hi yone leyi minihambelaka vumboni bya leswaku nirumiwi hi Tatana.

Yohana 3:2

Ayi ku Yesu ni vusiku, atlhasa aku: Mudondrisi, haswitiva leswaku u mudondrisi lweyi apfaka ku Xikwembu Nkulukumba, hikusa akuna mhunu lweyi angayentxaka mahlolana lawa umayentxaka, loko Xikwembu Nkulukumba ange na yene.

Yohana 2:23

Loko ali Yerusalema, ankhubyini wa Paska, a vhanu lava vanyingi vapfumela ku yene, hi kuvona mahlolana lawa amayentxaka.

Marka 9:25

Yesu avoniki xitrhungu lexi xitrutrumeliki ku yene, atshinya a moya lowu mfani aku ku wone: We moya wa mbheveve ni kuka ungayingeli, nakuleleta nili: huma ku ndrisanyana, ungahanhingeni ku yene!

Marka 7:37

Nakone afa vahlamala ngopfu-ngopfu, vaku: Ayentxi hinkwaswu swinene. Ayingelisa va kufa-tindleve ni kuvulavulisa timbheveve.

Mt 10:8

Hanyisani timbabyi, pfuxani lava vafiki, basisani a va nhlokonho, hlongolani mademoni. N'winyikiwi ntsena, na n'wine nyikani ntsena.

Mt 9:30

Kutani a mahlu yavu mapfuleka. Yesu avaleleta hi kutiyisa aku: Tivonelani leswaku kungavini mhunu lweyi aswitivaka.

Mt 5:3

Vakatekile lava vanga swisiwana amoyeni, hikusa a Mfumu wa Matilo i wavu!

Mintiro Ya Vapostola 2:22

Petrosi aya mahlweni aku: Vavanuna va Israyele yingisetani a maritu lawa: Yesu wa Nazarete, wanuna lweyi angakombisiwa hi Xikwembu Nkulukumba ku n'wine, hi mintiro ya ntamu, ni mahlolana ni swikombiso, leswi Xikwembu Nkulukumba aswiyentxiki ha Yene amakari kwenu, swanga hi leswi n'wiswitivaka na n'wine;

Mt 11:4

Kutani Yesu avayangula aku: Fambani n'wiyadrungulela Yohana leswi n'wiswivonaka ni leswi n'wiswiyingelaka:

Mt 12:13

Ahangabyela mhunu lweyo aku: Nalavuta a voko. Yene adrinalavuta dritlhela driwololoka, drifana ni drin'wana.

Yohana 9:7

ahangaku ku yene: Famba uyahlamba anhlobyeni ya Silowa (hileswaku Ntrumi.) Kutani aya hlamba; abuya na avona.