Mt 11:28 - Testamente Ledrimpswha ni Mapsalma

²⁸ Tanani ku mine hinkwenu n'wine n'wikaraliki na n'wine n'wibindriwaka, nitan'wiwisisa.

Mt 11:28 Referans Kwoze

Mt 11:29

Tibyatrhelani a mpinga wanga, n'wiva n'widondra ku mine, hikusa ni wa kurula ni wa mbilu ya kutitrongohata. N'witakuma kuwisa amimoyeni yenu;

Yohana 7:37

Hi siku dra vugamu, dra nkhuvu, dringa ledri drikulu, Yesu asekeleka ayima, kutani atlakuxa ritu, aku: Loko mhunu ani tora, ate ku mine, atatanwa.

Yohana 6:37

Hinkwaswu leswi Tatana aninyikaka, switata ku mine; kutani lweyi ataka ku mine, ningaka ningamutxukumeti ni siku ni drin'we.

Gl 5:1

Akuva hi ntrhunxeka, avi Kriste angahi ntrhunxa. Kolahu-ke, trhamani n'witiya, n'wingahatlheli n'witinhingenisela ku mpinga wa wukarawa.

Mpfuletelo 22:17

A Moya ni Mutekiwa vaku: Tana! Ni lweyi a swiyingelaka, leswi aku: Tana! Ni lweyi anganitora, a atrhindrekele. Lweyi aswirandraka ayamukeli mati ya vutomi hi timpswalu.

Mt 23:4

Vatrimbelela mintrhwalu ya kubindra leyi mingakotiwikiki kumirwala, vantlhanteka a makatleni ya vhanu, kasi vone avadjuli kumihlekahlekisa, nambi hi litiho.

Va-Heberu 4:1

Ahitxhaveni-ke, hileswaku a xidumbiso xa kunhingena akuwiseni ka Xikwembu Nkulukumba xehe kone. Ahi tivoneleni leswaku kumbe mun'wana wenu anga txhuki akumiwi na atroniwile.

II Tsl 1:7

Ku n'wine lava vaxanisekaka swanga ha hine, atan'wiwisisa Yene, loko kutahumelela hi le Tilweni Hosi Yesu ni tintrumi ta ntamu wakwe.

Mintiro Ya Vapostola 15:10

Loko swili xileswi, xana n'wilwela yini ni Xikwembu Nkulukumba, hi kusindrisa vapfumeli lava kuyentxa ntxhumu lowu nambi vatatana veru, nambi hine, ahawukotanga ku wurwala?

Mintiro Ya Vapostola 20:35

Nin'wikombisi hi tindlela hinkwatu leswaku kudjuleka hipfunisa xiswoswo, hi kutira, lava vangani gome, na kudrimukiwa a maritu ya Hosi Yesu, hikusa Yene, hi ntshima yake ate: Kukateka ngopfu a kuhanana, kutlula a kuyamukela.