Mt 11:25 - Testamente Ledrimpswha ni Mapsalma

²⁵ Ankameni wolowo, Yesu ayangula, aku: Nakukhensa Tatana, HOSI ya Tilo ni misava, hi leswi ungafihlela tintlhari ni vayingeli a timhaka leti, kambe utipfuleteliki ku vatrongwana.

Mt 11:25 Referans Kwoze

Mt 21:16

vaku ku Yene: Xana waswiyingela leswi vaswihlayaka, lava? Yesu aku ku vone: Im'na! Xana an'wingihlaya a tralwa ledri driliki: Anon'wini wa vatrongwana, ni wa lava vayan'waka utibekiseli lidrumu?

Mt 16:17

Kutani Yesu aku ku yene: Ukatekile wene Simoni n'wana Yona, hikusa ahi nyama ni ngati leswi swikupfuleteliki leswo, kambe hi Tatana wanga lweyi anga Matilweni.

II Kor 3:14

Kambe a miyanakanyu yavu minonon'whisiwile, kukondra kutlhasa masiku ya namunhla, hikusa loko vahlaya timhaka ta xipfumelelanu xa khale, a xixirelo lexo, xa ha vapfalela, vangapfuleteliwe leswaku, ku Kriste xa susiwa.

Mintiro Ya Vapostola 17:24

Xikwembu Nkulukumba lweyi angahamba misava ni hinkwaswu leswi swinga ku yone, anga Hosi ya tilo ni misava, angatrhamisi matempeleni ya kuhambiwa hi mavoko ya vhanu,

Yohana 11:41

Kolahu vahanga susa ribye, kutani Yesu atlakuxa mahlu yake, aku: Tatana, nakukhensa, hikusa uniyingelile.

Lk 22:42

Tatana, loko uswirandra, susa ntrheko lowu ku mine, kambe kunga yentxiwe kurandra kwanga, ake kuva kwaku. [

Lk 23:34

Kutani Yesu aku: Tatana, vadrivalele, hikusa avaswitivi leswi vaswiyentxaka! Vayavelana swiyambalu swake, hi kuswihlahluva hi mpswhampswha.

Yohana 12:27

Swoswi a moya wanga wakarateka. Xana ningaku yini? Xana nitaku Tatana, nihuluxe ku nkama lowu! Kambe, niteli swone, kuvona nkama lowu.

Yohana 12:28

Tatana, twalisa a vito draku! Kutani kutwala ritu, ledri dripfaka Tilweni driku: Nidritwalisile, nitatlhela nidritwalisa.

I Kor 2:10

kambe ku hine, Xikwembu Nkulukumba aswipfuletelile hikola ka Moya, hikusa a Moya wadjulisisa hinkwaswu, nambi a vuyentelelo bya Xikwembu Nkulukumba.