Mt 10:23 - Testamente Ledrimpswha ni Mapsalma

²³ Loko van'wixanisa ku muti lowu, trutrumelani ku wumbeni; nihlayelamfuri nili ku n'wine: N'wingaka n'wingaheti miti hinkwayu ya Israyele na N'wana wa Mhunu angasinabuya.

Mt 10:23 Referans Kwoze

Mt 16:28

Nihlayelamfuri nili ku n'wine, amakari ka lava vayimiki kola, vakone van'we lava vangatikifa na vangavonanga kutlhasa ka N'wana wa Mhunu akuphatimeni ka Mfumu wakwe.

Mintiro Ya Vapostola 17:10

Loko dripelile, a vamakwavu vakahlula vafambisa Pawulosi na Silasi a Bereya. Loko vatlhasi kone, vanhingena asinagogeni dra va-Yuda.

Mintiro Ya Vapostola 8:1

Saulo yene afa apfumela kudlawa ka Stefano. Asikwini ledro kahumeleli kuxaniseka kukulu ka Kereke a Yerusalema; hinkwavu, handle ka vapostola, vahangalasiwa hi matiko ya Yudeya na Samariya.

Marka 13:26

Kolahu vatavona N'wana wa Mhunu, ahumelela matlavini hi ntamu lowu wukulu ni hi lidrumu.

Lk 21:27

Hilahu-ke vatakavona a N'wana wa Mhunu ata hi tlavi, na ani ntamu ni kuphatima kukulu.

Lk 18:8

Nan'wibyela nili: Atahangwesa avalulamisela a mhaka yavu. Kambe xana N'wana wa Mhunu, akutlhaseni kwake, atakuma vupfumeli amisaveni xana?

Yohana 7:1

Antrhaku ka swone afa Yesu afamba-famba Galileya; angadjulanga kuya famba-famba Yudeya hikusa va-Yuda afa vadjula kumudlaya.

Mt 26:64

Yesu ayangula aku ku yene: Uhlayi swone. Mfuri nan'wibyela leswaku, kusukela swoswi, n'witavona a N'wana wa Mhunu atrhami xineneni xa ntamu wa Xikwembu Nkulukumba, ata henhla ka matlavi ya tilo.

Mt 24:30

Hi laha kutakavoniwa atilweni a xikombiso xa N'wana wa Mhunu, a matiko hinkwawu ya misava matadrila, mfuri matavona a N'wana wa Mhunu loko abuya hi matlavi ya tilo na ani ntamu lowu wukulu ni kuphatima.

Mintiro Ya Vapostola 17:14

Kolahu a vamakwavu vakahlula vafambisa Pawulosi akuva aya likhulwini, kambe Silasi na Timotewu vasala kone.

Mt 25:13

Hileswo-ke hitekani, hikusa an'witivi a siku ni nkama.

Mt 24:48

Kambe kungaku loko a mutiri lweyi mfani, ahlaya mbilwini yake aku, a hosi yanga yahlwela,

Mt 24:27

Hikusa swanga hi lihati drivoniwaka na drivaninga kusukela avuxeni kuyatlhasa vupeladambu, switava tanu ni kubuya ka N'wana wa Mhunu.

Mt 23:34

Hileswo-ke nitan'wirumela a vaprofeta, tintlhari ni vatrali; kambe van'we vavu n'witavadlaya n'wiva n'wivavamba, van'wana n'witavaba amasinagogeni yenu, n'witavahlongolisa kusukela ku muti mun'we kuyatlhasa ku mun'wana.

Mt 4:12

Loko Yesu ayingeli leswaku Yohana Mubabatisi abohiwile, atlhelela Galileya.

Mt 2:13

Loko a tintlhari titava tifambile, a ntrumi ya HOSI yivoneka ku Yosefa anorweni, yiku: Pfuka, teka a ntrongwana ni mamana wakwe utrutrumela Egipta. Trhamisa kone kukondra nikutivisa, hikusa Heroda adjula ntrongwana akuva amudlaya.

Mintiro Ya Vapostola 20:1

Loko a dzolonga drihelile, Pawulosi ahlengeleta a vadondrisiwa; loko avatiyisile, avalelela, asuka aya Makedoniya.

Mt 16:27

A N'wana wa Mhunu atata hi kuphatima ka Tatana wakwe, kun'we ni tintrumi takwe, kutani atatlhelisela mun'wana-ni-mun'wana kuya hi matirela yake.

Mt 23:36

Nihlayelamfuri nili ku n'wine: Hinkwaswu leswo switata henhla ka lixaka ledri!

Mt 24:34

Nihlayelamfuri nili ku n'wine: A vhanu va nkama lowu vangaka vangakhaluti, na leswo hinkwaswu swingasinahumelela.