Mt 10:22 - Testamente Ledrimpswha ni Mapsalma

²² N'witahambuliwa hi misava hinkwayu hinkonta yanga; kambe lweyi atakatiyisela kutlhasa vugan'wini atahuluxiwa.

Mt 10:22 Referans Kwoze

Mt 24:13

Kambe lweyi atiyiselaka kuyatlhasa vugan'wini, atahuluxiwa.

Yakobe 1:12

Anindjombo lweyi atiyiselaka mindringweni, hikuva loko akumiwa na atiyiselili andringweni atayamukela a ngiyana ya vutomi lebyi byingahelikiki, lebyi Xikwembu Nkulukumba adridumbisiki lava vamurandraka.

Mpfuletelo 2:10

Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.

Marka 13:13

N'wine n'witavengiwa hi hinkwavu hinkonta yanga. Kambe lweyi atiyiselaka kutlhasa vugan'wini, atahuluxiwa.

Mt 10:39

Lweyi abekisaka a vutomi byake atabyilahla, kambe lweyi alahlekeliwaka hi vutomi byake hinkonta yanga, atatlhela abyikuma.

I Yhn 3:13

Vamakweru n'wingahlamaleni loko a misava min'wivenga.

Mt 24:9

Kutani vatan'winyiketa akuxanisekeni, vatan'widlaya; n'witavengiwa hi matiko hinkwayu hinkonta ya vito dranga.

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.

Va-Heberu 6:11

Kambe hi navela leswaku mun'wana-ni-mun'wana wenu akombisa nkhinkhi leyinga yin'we, akuva a kulavisela kwenu kuva loku kutiyiki kutlhasa vugamu;

Yohana 17:14

Nivanyiki ritu draku, kutani misava mivavengile, hikusa ahi va misava, swanga ha mine ningeke wa misava.

Gl 6:9

Hinga karaleni a kuyentxa leswi swinene, hikusa hitatrhovela hi nkama wa kone loko hingalolohi.

Lk 6:22

N'witatovoka loko a vhanu van'wivenga, van'wihlongola, van'wiruka, vasandra ni vito drenu swanga hi loko dribihile, hinkonta ya N'wana wa Mhunu.

II Kor 4:11

Hikusa hine hihanyaka, hinyiketiwa kufeni nkama hinkwawu hinkonta ya Yesu, akuva na kone a vutomi byake byitikombisa amirini yeru leyi mifaka.

Mt 5:11

N'witakateka loko van'wiruka, van'wixanisa, vahlaya maritu hinkwawu ya kubiha ha n'wine hi kuhemba, nkonta yanga.

Mpfuletelo 2:17

Lweyi angani tindleve ayingiseti leswi Moya wuswibyelaka a makereke: A muhluli nitamunyika manna lawa mafihliwiki, na kone nitamunyika ni xiribyana xa ntlhohe, mfuri ku xiribyana lexo kutraliwi a vito drimpswha, ledri dringativiwiki ha mhunu, kambe ntsena lweyi adriyamukelaka.

Yohana 7:7

A misava mingaka mingan'wivengi, kambe mine manivenga, hikusa nitiyisa vumboni bya leswaku mintiro ya yone mibihile.

Lk 8:15

A mbewu leyi yiweliki misaveni leminene, hi vhanu lava yingelaka a ritu hi timbilu leti tinene, vayingiseta kutani vadribekisa, vatiya vanyika a ntrhovelo wunene.

Mpfuletelo 3:21

A muhluli nitamunyika a kutrhama na mine axitrhan'wini xanga xa vuhosi, swanga ha mine nihluliki, kutani nitrhamiki na Tatana wanga axitrhan'wini xakwe xa vuhosi.

Mpfuletelo 2:7

Lweyi angani tindleve ayingiseti leswi a Moya wuswibyelaka a makereke: Ku muhluli, nimunyika a kuda a mihandru ya nsinya wa vutomi, lowu wunga Paradiseni dra Xikwembu Nkulukumba.

Va-Heberu 3:14

Hikusa hi yentxiwile lava vangavatirikuloni na Kriste, loko kunene hitiya kutlhasa vugan'wini, a kudumba loku hi viki na kone kusunguleni.

Mpfuletelo 2:26

A muhluli ni lweyi abekisaka a mintiro yanga kutlhasa avugan'wini, nitamunyika ntamu ahenhla ka matiko,

Mintiro Ya Vapostola 9:16

Hikusa nitamukomba mahlomulu hinkwawu atakafanela kumayingela hinkonta ya vito dranga.

Mpfuletelo 2:3

na kone uni kutiyisela, ubyatrhi kuvaviseka hinkonta ya vito dranga, kambe awukaralanga.

Lk 21:17

Mfuri n'witahambuliwa hi hinkwavu hinkonta ya vito dranga,

Lk 21:19

Hi kutiyisela kwenu n'witahuluxa mahika yenu.