Mpfuletelo 7:3 - Testamente Ledrimpswha ni Mapsalma

³ yiku: Minga honeni misava, nambi likhulu, nambi minsinya, kukota hifunga a malandra ya Xikwembu Nkulukumba weru amimombyeni yavu.

Mpfuletelo 7:3 Referans Kwoze

Mpfuletelo 22:4

Matavona vuso byake, ni le mimombyeni yavu kuni vito drakwe.

Mpfuletelo 9:4

Kutani a humbi yileletiwa leswaku yingahoni a byanyi bya misava, nambi ntxhumu wun'wana wa lihlaza, nambi minsinya; kambe ntsena a vhanu lava vangaliki na xone a xifungu xa Xikwembu Nkulukumba amimombyeni yavu.

Mpfuletelo 20:4

Nakone nivoni swiluvelo, ku swone afa kutrhami lava vone vanyikiwiki ntamu wa kutrema. Nahanga vona na kambe, amahika ya lava afaka vatremiwi tinhloko hinkonta ya vumboni lebyi vabyibekiki bya Yesu, ni hi kurera ritu dra Xikwembu Nkulukumba, hi lava vanga gandrelangakiki xihari xa kulebya, nambi xi xifaniso xa yone, nambi kuli kuva ni xifungo a mi mombyeni, kumbe mavokweni yavu. Kutani vahanya na Yesu, hi mpfhuka wa khume dra madzana ya malembe (1000).

Mpfuletelo 14:1

Ntrhaku ni lavisa, kutani kuvoneka Hambana yi yimi Nhaveni ya Siyoni, Kun'we na yone afa ku ni khume dra madzana ya madzana na mune wa madzana ya madzana na mune wa makume ya madzana ya vhanu (144.000), lava a mimombyeni yavu afaka kutraliwi vito dra Hambana ni dra Tatana wa yone.

Mpfuletelo 13:16

Xiyentxa leswaku hinkwavu vhanu lavakulu ni lavatrongo, vafuyi ni swisiwana, vantrhunxeki ni switiri, vabekiwa xikombiso a vokweni dra xinene, kumbe mimombyeni yavu.

Mpfuletelo 19:2

Hikusa a mitremo yake i minene, milulamile. Hikusa ayavanyisi muyentxi lwenkulu wa vumbuye, lweyi afaka a bolisa misava hi vumbuye byake. Xikwembu Nkulukumba adrihisile ni ngati ya malandra yake.

Mpfuletelo 6:6

Kolahu, niyingela swanga i ritu amakari ka swivumbiwa swakuhanya leswi swa mune, driku: A mpimu mun'we wa tirigo i denari drin'we, a mimpimu miraru ya maphila i denari drin'we; a mafura ni vhinyu ungaswihoni.

Yohana 12:26

Loko mhunu adjula kunitirela, a anilandre, kutani laha ninga kone, na yene nandra wanga atava kone. Loko mhunu anitirela, Tatana atamukomba xitxhavu.

Mt 24:22

Loko a masiku lawo amangagomisiwanga, afa kungahulukanga mhunu ni mun'we; Kambe hinkonta ya vahlawuliwa, amasiku lawo matagomisiwa.

Rm 6:22

Swoswi kutani n'wintrhunxekiki ku xidoho, n'windrulukiki n'wiva switiro swa Xikwembu Nkulukumba. N'wini handru wenu akuva n'wibasisiwa, akuva n'witava ni vutomi lebyi byingahelikiki.

Mt 24:31

Ataruma a tintrumi takwe hi mpfumawulu wa mhalamhala, akuva swihlengeleta vahlawuliwa vakwe vapfa ku mune wa matlhelo ya misava, kusukela ku tlhelo drin'we kuyatlhasa ku tlhelo drin'wana dra tilo.

Yohana 3:33

A mhunu lweyi ayamukelaka vumboni byake, atiyisa leswaku Xikwembu Nkulukumba awadumbeka.

Mpfuletelo 7:1

Ntrhaku ka leswo, nivoni mune wa tintrumi tiyimi ku mune wa makhona ya misava, na titameli mune wa timheho ta misava, akuva ni yin'we meho yingahungeli misaveni, nambi likhulwini, nambi minsinyeni.

Mpfuletelo 7:2

Nivoni yin'wana ntrumi afaka yitlhantuka hi lomu kuhumaka a dambu, na yini xifungu xa Xikwembu Nkulukumba lweyi ahanyaka, kutani yibandlukana hi ritu ledrikulu ku mune wa tintrumi leti tinyikiwiki a ntamu wa kuhona misava ni likhulu,

Mpfuletelo 13:17

Akuva kungavi na mhunu lweyi akotaka kuxava ni kuxavisa, loko ange lweyi angani xikombiso, kumbe vito dra xihari xa kulebya, kumbe a nhlayo ya vito dra xone.

Mpfuletelo 14:9

A ntrumi ya vuraru yilandrela hi ritu ledrikulu yiku: Lweyi akhinsamelaka xihari ni xifaniso xa xone, ayamukela ni xikombiso a mombyeni wakwe kumbe vokweni drakwe,