Mpfuletelo 5:9 - Testamente Ledrimpswha ni Mapsalma

⁹ na kone afa vayimbelela lisimu drimpswha, vaku: Uni mfanelo ya kuyamukela buku ni kupfula a swifungu swa drone, hikusa udlayiwile uva uxavela Xikwembu Nkulukumba hi ngati yaku, a vhanu, va tinxaka hinkwatu, ni tindrimi hinkwatu ni va-Matiko hinkwawu;

Mpfuletelo 5:9 Referans Kwoze

I Yhn 1:7

Kambe loko hi famba livaningweni, swanga ha Yene anga livaningweni, hitlhangana kun'we, ni ngati ya Yesu, N'wanake, yihibasisa swidoho hinkwaswu.

Mt 26:28

hikusa leswi i ngati yanga, ya xipfumelelanu ximpswha, leyi yihalateleliwaka lava vanyingi a kudrivaleliweni ka swidoho.

Mpfuletelo 14:6

Ntrhaku ni voni yin'wana ntrumi yi hahaka makari ka tilo, afa yili ni Ivangeli leyi yingahelikiki, akuva yi drungulela lava yakiki misaveni, ku hinkwawu matiko, ni tinxaka ta vhanu, ni tindrimi.

I Kor 6:20

Ke leswi n'wixaviwiki hi ntrengo wa kukari, hikolahu-ke, twalisani Xikwembu Nkulukumba hi miri wenu.

Mpfuletelo 5:12

na tihlaya hi ritu ledrikulu tiku: A Hambana leyi yingadlayiwa yini mfanelo ya kuyamukela ntamu, ni vukosi, ni vutlhari, ni ntamu, ni xihluwa, ni lidrumu, ni kukhensiwa.

Mpfuletelo 4:11

Uni mfanelo, we Hosi ni Xikwembu Nkulukumba weru, ya kuyamukela a lidrumu, ni xihluwa, na ntamu, hikusa utumbuluxi mintxhumu hinkwayu, hikola ka kurandra kwaku, minga kone, mfuri mivumbiwiki.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Mpfuletelo 5:6

Kutani-ke, amakari ka xitrhamu xa vuhosi ni mune wa swivumbiwa leswi swihanyaka, ni le makari ka vakulu-va-vhanu, nivona a Hambana yiyimiki swanga yifile, na yini ntlhanu na tibiri wa timhondro, ni ntlhanu na mabiri wa matihlu, lawa anga ntlhanu na mibiri wa mimoya ya Xikwembu Nkulukumba, leyi mirumiwiki amisaveni hinkwayu.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

II Ptr 2:1

Kahumeleli vaprofeta va madrimi amakari ka tiko dra va-Yuda, swanga hi leswi vataka va kone makari kwenu a vadondrisi va madrimi, lava taka dondrisa tidondro leti honisaka ta madrimi vatalandrula ni Hosi leyi vatiruliki, kambe vatatekeliwa kulahlekeni hi kuhangwesa.

Va-le-Kolosa 1:14

Lweyi ha Yene hingani kutiruliwa, kunga kudrivaleliwa ka swihono.

Ef 1:7

Ku Yene hikuyamukela kuntrhunxeka hinkonta ya ngati yake, a lidrivalelo dra swidoho, hikola ka lifuyu dra timpswalu.

I Yhn 2:2

Hi yene anga mhamba ya kususa swidoho sweru; swinge sweru ntsena, kambe swakuva swa misava hinkwayu.

I Kor 7:23

N'wixaviwi hi ntrengo wukulu, n'wingaveneni swikarawa swa vhanu.

Mpfuletelo 13:8

Vata xigandrela hinkwavu lavayakiki misaveni, lava mavito yavu mangatraliwangakiki abukwini dra vutomi, ledringa dra Hambana leyinga dlawa kehe kusunguleni ka misava.

Mpfuletelo 11:9

Kutani vanyingi ku vhanu va-Matiko, va tinxaka, ni va tindrimi, vahlalela mintrumbu ya tone ha masiku mararu ni hafu ya siku; vangapfumeli leswaku a mintrumbu ya tone milahliwa amaxireni.

Va-Heberu 11:14

Hikusa lava vakhanelisaka xileswi vakombisa leswaku vafamba vadjula tiko.

Va-le-Kolosa 1:23

Loko kunene, n'witrhamile kupfumeleni, n'wisimekiwa n'witiya, n'winga titrhindreti kule ni kulavisela ka Ivangeli, leyi n'wiyiyingeliki yihlayiwa ku vhanu hinkwavu vahansi ka misava, leyi mine Pawulosi, ni ndrulukiki murumiwa wa yone.

Ef 5:19

n'wikhanelisana hi Mapsalma, amakari kwenu, yimbani n'widrumisa Hosi hi mbilu, hi tinsimu ni kuyimbelela ka Moya.

Mpfuletelo 10:11

Kolahu nibyeliwa leswi: Kudjuleka leswaku utlhela uprofeta mayelano ni vhanu va-Matiko, ni tindrimi, ni vafumi vanyingi.

Mpfuletelo 13:7

Nakone xinyikiwa ntamu wa kulwa ni valulami, ni kuvahlula. Xinyikiwi mfuri ni kufuma henhla ka tinxaka hinkwatu ta vhanu, ni tindrimi, ni matiko.

Mpfuletelo 15:3

Afa vayimbelela lisimu dra Moxe, nandra wa Xikwembu Nkulukumba, ni lisimu dra Hambana vaku: I mikulu, mahlamalisa, a mintiro yaku! Hosi Xikwembu Nkulukumba xa ntamu hinkwawu, tilulamile i tinene, a tindlela taku! Wene Mufumi wa matiko!

Mpfuletelo 17:15

Kutani a ntrumi yitlhela yiku ku mine: A mati lawa ungamavona, lomu atrhamiki kone wansati wa vumbuye, i vhanu ni matiko, ni switrhungu, ni tindrimi.