Mpfuletelo 4:6 - Testamente Ledrimpswha ni Mapsalma

⁶ Nakone, amahlweni ka xitrhamu xa vuhosi afa kuni likhulu dra vidru dra kufana ni kristal. A makari ni le matlhelweni ka xitrhamu xa vuhosi afa kuni mune wa swivumbiwa swakuhanya switali hi matihlu, amahlweni ni le ntrhaku.

Mpfuletelo 4:6 Referans Kwoze

Mpfuletelo 15:2

Nivona ni xanga hi likhulu dra xivonivoni xipatraniki ni ndrilo, na kone lava vahumiki na vahlulile xihari xa kulebya ni xifaniso xa xone, ni xikombiso xa xone, ni nhlayu ya vito dra xone, lava afaka vali kusuhi ni likhulu dra xivonivoni na vatameli switrendre swa Xikwembu Nkulukumba.

Mpfuletelo 5:6

Kutani-ke, amakari ka xitrhamu xa vuhosi ni mune wa swivumbiwa leswi swihanyaka, ni le makari ka vakulu-va-vhanu, nivona a Hambana yiyimiki swanga yifile, na yini ntlhanu na tibiri wa timhondro, ni ntlhanu na mabiri wa matihlu, lawa anga ntlhanu na mibiri wa mimoya ya Xikwembu Nkulukumba, leyi mirumiwiki amisaveni hinkwayu.

Mpfuletelo 14:3

Afa vayimbelela lisimu ledrimpswha, amahlweni ka xiluvelo, amahlweni ka mune wa swivumbiwa swakuhanya ni le ku vakulu, akunge na mhunu lweyi angakotaka kudondra lisimu ledrimpswha loko ange lava vakhume dra madzana na mune wa madzana ya madzana na mune wa makume ya madzana (144.000), vaxaviwiki misaveni.

Mpfuletelo 19:4

Kutani a vakulu lava makume mabiri ni mune (24) ni mune wa swivumbiwa, vakhisama, kutani vagandrela Xikwembu Nkulukumba lweyi atrhamiki xiluvelweni na afa vaku: Amen! Aleluya!

Mpfuletelo 5:14

A swivumbiwa swakuhanya leswi swa mune afa swiku: Amen! A vakulu-va-vhanu vone afa vawa, vagandrela.

Mpfuletelo 7:11

A tintrumi hinkwatu afa tiyimi titrandrela a xitrhamu-xa-vufumi, ni vakulu-va-vhanu, ni mune wa swivumbiwa swakuhanya, kutani tiwa hi mimombo amahlweni ka xitrhamu-xa-vufumi, tigandrela Xikwembu Nkulukumba,

Mpfuletelo 22:1

Kutani yini kombi nfula wa mati ya vutomi, lowu vangamaka swanga hi xivonivoni, na wu huma xiluvelweni xa Xikwembu Nkulukumba ni xa Hambana.

Mpfuletelo 21:11

Lowu wunga ni kuphatima ka Xikwembu Nkulukumba. A livaningo dra wone adrifana ni ribye dra lisima ngopfu, swanga ribye dra yaspa, kuketemuka swanga xivonivoni.

Mpfuletelo 15:7

A xin'we ku swivumbiwa leswa mune swakuhanya, xinyika tintrumi ta ntlhanu na tibiri, a swinwelo swa ntlhanu na swibiri swa gole, leswi taliki hi mahlundru ya Xikwembu Nkulukumba, lweyi a hanyaka hi masiku ni masiku.

Mpfuletelo 21:21

A swipfalu le'swakhume na swibiri afa ali khume dra maperola na mabiri, na a xipfalu xin'wana ni xin'wana xihambiwi ha perola drin'we. A huvo ya muti afa drili gole ledra lisima, swanga hi xivonivoni lexa kuxwenga.

Mpfuletelo 21:18

A pangu dra muti dri yakiwi hi yaspa, a muti wone wa kuva gole dra lisima, swanga hi xivonivoni lexi basiki.

Mpfuletelo 7:17

hikusa a Hambana, leyi yinga xitrhan'wini-xa-vuhosi, yitavabyisa, yivayisa atinhlobyeni ta mati ya vutomi, kutani Xikwembu Nkulukumbata atasula minyembeti hinkwayu amahlweni yavu.

Mpfuletelo 4:4

Amatlhelweni ya xitrhamu lexo afa kuni makume mabiri na mune wa switrhamu swa vuhosi, na kutrhami ku swone makume mabiri na mune wa vakulu-va-vhanu vayambaliki swiyambalu swa ntlhohe, na vani tingiyana ta gole atinhlokweni.

Mpfuletelo 5:8

loko yiteki a buku, a swivumbiwa leswi swa mune, ni vakulu-va-vhanu va makume mabiri na mune (24), va khisami amahlweni ka Hambana, na mun'wana-ni-mun'wana ali ni xitende ni makopo ya kuhambiwa hi gole, mataliki hi muri wa kunun'hwela, anga swikhongoto swa vahlawuleki,

Mpfuletelo 5:11

Kutani nivoni niva niyingela a ritu dra tintrumi tinyingi amatlhelweni ya xitrhamu-xa-vufumi, ni swivumbiwa swakuhanya, ni vakulu-va-vhanu; a nhlayu ya tone afa wuli wa madzana-dzana ya madzana-dzana, ni makume ya madzana,

Mpfuletelo 6:1

Kutani nivoni a Hambana loko yipfula xin'we ku swifungu leswi swa ntlhanu na swibiri, niyingela ni xin'we ku swivumbiwa swakuhanya leswi swa mune, na xiku, hi ritu dra kufana ni kudruma ka tilo: Tana!

Mpfuletelo 6:6

Kolahu, niyingela swanga i ritu amakari ka swivumbiwa swakuhanya leswi swa mune, driku: A mpimu mun'we wa tirigo i denari drin'we, a mimpimu miraru ya maphila i denari drin'we; a mafura ni vhinyu ungaswihoni.