Mpfuletelo 4:4 - Testamente Ledrimpswha ni Mapsalma

⁴ Amatlhelweni ya xitrhamu lexo afa kuni makume mabiri na mune wa switrhamu swa vuhosi, na kutrhami ku swone makume mabiri na mune wa vakulu-va-vhanu vayambaliki swiyambalu swa ntlhohe, na vani tingiyana ta gole atinhlokweni.

Mpfuletelo 4:4 Referans Kwoze

Mpfuletelo 11:16

A vakulu-va-vhanu va makume mabiri na mune, lava vatrhamiki aswitrhan'wini swavu swa vufumi amahlweni ka Xikwembu Nkulukumba, vawa hi mimombo yavu, vagandrela Xikwembu Nkulukumba,

Mt 19:28

Yesu avayangula aku: Nihlayelamfuri nili ku n'wine: Loko kutlhasa a nkama lowo, hinkwaswu switakapfuxeteliwa; loko a N'wana wa Mhunu atatrhama axiluvelweni xakwe xa kuphatima, n'wine lava vanilandriki, n'witatrhama ku khume dra switrhamu na swibiri, akuva n'wiyavanyisa a tinxaka leti ta khume na tibiri ta Israyele.

Mpfuletelo 4:10

a vakulu-va-vhanu lava va makume mabiri na mune vatawa amahlweni ka lweyi atrhamiki axitrhan'wini-xa-vufumi, vagandrela lweyi ahanyaka hi madzana-ni-madzana ya malembe, vatxukumetela tingiyana tavu amahlweni ka xitrhamu xa vuhosi, na vaku:

Mpfuletelo 7:11

A tintrumi hinkwatu afa tiyimi titrandrela a xitrhamu-xa-vufumi, ni vakulu-va-vhanu, ni mune wa swivumbiwa swakuhanya, kutani tiwa hi mimombo amahlweni ka xitrhamu-xa-vufumi, tigandrela Xikwembu Nkulukumba,

Mpfuletelo 20:4

Nakone nivoni swiluvelo, ku swone afa kutrhami lava vone vanyikiwiki ntamu wa kutrema. Nahanga vona na kambe, amahika ya lava afaka vatremiwi tinhloko hinkonta ya vumboni lebyi vabyibekiki bya Yesu, ni hi kurera ritu dra Xikwembu Nkulukumba, hi lava vanga gandrelangakiki xihari xa kulebya, nambi xi xifaniso xa yone, nambi kuli kuva ni xifungo a mi mombyeni, kumbe mavokweni yavu. Kutani vahanya na Yesu, hi mpfhuka wa khume dra madzana ya malembe (1000).

Mpfuletelo 5:14

A swivumbiwa swakuhanya leswi swa mune afa swiku: Amen! A vakulu-va-vhanu vone afa vawa, vagandrela.

Mpfuletelo 5:8

loko yiteki a buku, a swivumbiwa leswi swa mune, ni vakulu-va-vhanu va makume mabiri na mune (24), va khisami amahlweni ka Hambana, na mun'wana-ni-mun'wana ali ni xitende ni makopo ya kuhambiwa hi gole, mataliki hi muri wa kunun'hwela, anga swikhongoto swa vahlawuleki,

Lk 22:30

akuva n'wida, n'winwa atafuleni dranga aNfun'wini wanga; n'witrhama switrhan'wini swa vufumi, n'witrema timhaka ta tinxaka leti ta khume na tibiri ta Israyele.

II Tmt 4:8

Kutani swoswi nibekeliwa ngiyana ya kululama, leyi Hosi a muyavanyisi lweyi wa kululama, yitakaninyika asikwini ledro; a nge mine swanga vatahananiwa hinkwavu lava valaviselaka kubuya kwake.

Mpfuletelo 19:4

Kutani a vakulu lava makume mabiri ni mune (24) ni mune wa swivumbiwa, vakhisama, kutani vagandrela Xikwembu Nkulukumba lweyi atrhamiki xiluvelweni na afa vaku: Amen! Aleluya!

Mpfuletelo 7:9

Ntrhaku ka leswo, nivoni ntalu wukulu wa vhanu, lowu afaka kungali na lweyi angakotaka kuhlaya a ntrengo wa wone, vapfaka hi le ku matiko hinkwawu, tinxaka ni tindrimi hinkwatu. Vayimi mahlweni ka xitrhamu-xa-vufumi ni le mahlweni ka Hambana, na vayambali swiyambalu swa ntlhohe, na vani minkindru amavokweni yavu,

Mpfuletelo 19:14

Ni mabutrhu ya le tilweni afa mamulandra na makhandriyi mahanxi lawa ya ntlhohe, mayambali a line ledra kuxonga dra ntlhohe, dra lisima.

Mpfuletelo 6:11

Kutani vanyikiwa, mun'wana-ni-mun'wana a xiyambalu xa ntlhohe, vava vabyeliwa leswaku vawisa hi nkamanyana wutrongo, kukondra kutlhanganisiwa a nhlayo ya malandra-kulobye ni vamakwavu lava na vone afaka vatadlayiwa swanga ha vone.

Mpfuletelo 9:7

A xivumbeko xa humbi leyo afa xifana ni mahanxi lawa mabekiseliwiki kulwa; atinhlokweni ta yone afa kuni leswi ingiki i tingiyana ta gole, a vuso bya yone byifana ni vuso bya vhanu;

Mpfuletelo 2:10

Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.

Mpfuletelo 3:18

nakulaya leswaku utixavela ku mine a gole dra lisima ngopfu, akuva utava xipfundri, utavani swiyambalu swa ntlhohe akuva utiyambexa, tingativoneka a tingana ta vusweti byaku, ni muri wa kutota mahlu yaku, akuva utavona.

Mpfuletelo 4:6

Nakone, amahlweni ka xitrhamu xa vuhosi afa kuni likhulu dra vidru dra kufana ni kristal. A makari ni le matlhelweni ka xitrhamu xa vuhosi afa kuni mune wa swivumbiwa swakuhanya switali hi matihlu, amahlweni ni le ntrhaku.

Mpfuletelo 5:6

Kutani-ke, amakari ka xitrhamu xa vuhosi ni mune wa swivumbiwa leswi swihanyaka, ni le makari ka vakulu-va-vhanu, nivona a Hambana yiyimiki swanga yifile, na yini ntlhanu na tibiri wa timhondro, ni ntlhanu na mabiri wa matihlu, lawa anga ntlhanu na mibiri wa mimoya ya Xikwembu Nkulukumba, leyi mirumiwiki amisaveni hinkwayu.

Mpfuletelo 5:11

Kutani nivoni niva niyingela a ritu dra tintrumi tinyingi amatlhelweni ya xitrhamu-xa-vufumi, ni swivumbiwa swakuhanya, ni vakulu-va-vhanu; a nhlayu ya tone afa wuli wa madzana-dzana ya madzana-dzana, ni makume ya madzana,

Mpfuletelo 14:3

Afa vayimbelela lisimu ledrimpswha, amahlweni ka xiluvelo, amahlweni ka mune wa swivumbiwa swakuhanya ni le ku vakulu, akunge na mhunu lweyi angakotaka kudondra lisimu ledrimpswha loko ange lava vakhume dra madzana na mune wa madzana ya madzana na mune wa makume ya madzana (144.000), vaxaviwiki misaveni.