Mpfuletelo 3:3 - Testamente Ledrimpswha ni Mapsalma

³ Ke, drimuka leswi uswiyamukeliki uva uswiyingela; swibekisi uva utisola. Hikuva loko ungahiteki, nitata swanga hi muyivi, kutani ungawutive ni kutrongo a nkama lowu nitakakutela ha wone.

Mpfuletelo 3:3 Referans Kwoze

Mpfuletelo 2:5

Drimuka-ke lomu uwiki kone! Tisole, utlhelela ku mintiro yaku ya kusungula; loko swingali tanu, nakutela, nitasusa a motre waku ambangwini wa wone, loko ungatisoli.

II Ptr 3:10

Kambe a siku dra Hosi dritlhasa swanga hi muyivi, hi siku ledro a matilo mata hundra hikudruma lokukulu, hinkwaswu swivumbiwa switapswha swihela, kutani a misava ni hinkwaswu leswinga kuyone, switahisiwa.

I Tsl 5:2

Hikusa n'wine mfuri n'waswitiva swinene leswaku a siku dra Hosi dri tata swanga hi muyivi avusikwini.

Mpfuletelo 16:15

Lavisani! Nita swanga hi leswi atisaka xiswone muyivi! Ku katekile lweyi a lavelelaka ni lweyi a bekisaka swiyambalo swake, akuva angafambi na angayambalanga ntxhumu, kutani akhomeka tingana amakari ka van'wana!

Mt 25:13

Hileswo-ke hitekani, hikusa an'witivi a siku ni nkama.

Va-Heberu 2:1

Hikolahu ka leswo, hi fanekeli kuva hi bekisa hikutiya, atimhaka leti hi tiyingeliki, akuva hingatxhuki hi lahlekelana na tone.

I Tmt 6:20

Ke we' Timotewu, bekisa leswi swibekiwiki ku wene hi kudumbeka, udrela a swivula-vula swakuka-ndlela ni swakusandra, ni kukanetana ka kutiva loku kuhlayisiwaka xiswoswo na kungali kutiva;

Marka 13:36

Swingatxhuki swiyentxeka leswaku abuya hi kuhangwesa, an'wikuma na n'wikhutriyelile.

Marka 13:33

Tivonelani, hitekani, hikusa an'witivi leswaku dritatlhasa drini a siku ledro.

Mpfuletelo 3:19

Mine nikhwavela niva nikhata lava nivarandraka, hileswo-ke, ufanela a kukhinyela na utisola!

II Ptr 3:1

Varandriwa, ledri i papela dra vubiri ledri ni n'witralelaka; ku wone, nidjulisisa kupfuxeta mimpimiso yenu leyinene hi swidrimuxo,

Mpfuletelo 3:11

Nabuya swoswi-swoswi. Bekisa hi kutiyisa leswi unganaswu, akuva kungavi na mhunu lweyi atakateka ngiyana yaku.

Mpfuletelo 2:25

kambe bekisani leswi n'winganaswu kukota nitlhasa!

II Ptr 1:13

Nambi swili tanu, na nahali kola antrongeni, nipimisa leswaku swilulamile kun'wikawuka hi swidrimuxo leswi,

II Tmt 1:13

Tamelisisa a mpimu wa maritu lawa manene lawa umadondriki ku mine, hi kupfumela ni lirandru leswinga ku Kriste Yesu.

Mpfuletelo 3:2

Hiteka, utiyisa leswi swisaliki, leswi afaka swili kusuhi ni kufa, hikusa nikumi leswaku a mintiro yaku amihetisekanga amahlweni ka Xikwembu Nkulukumba wanga.

Mpfuletelo 22:7

Yesu aku: vonani nata swoswi anihlweli! Kukatekile lavabekisaka maritu ya vuprofeta bya buku ledri.