Mpfuletelo 3:15 - Testamente Ledrimpswha ni Mapsalma

¹⁵ Nitiva a mintiro yaku, leswaku wene awutitimeti mfuri awuhisi. Mawaku loko afa u titimeta kumbe uhisa!

Mpfuletelo 3:15 Referans Kwoze

Rm 12:11

N'wingavi malolo akukhinyeleni kwenu, pfurani moyeni, n'witirela Hosi.

Mt 6:24

Angakone lweyi angakotaka kutirela a tihosi tibiri; hikusa kumbe atavenga yin'we arandra yin'wana, kumbe atanamarela yin'we adrela yin'wana. An'winakuswikota a kutirela Xikwembu Nkulukumba ni mali.

Yakobe 1:8

hikusa i mhunu wa timbilu tibiri, lweyo angatiyangakiki atindleleni takwe hinkwatu.

Mpfuletelo 2:4

Kambe nini lexi nixisolaka ku wene: hileswaku a lirandru draku dra kusungula udritrikile.

Mt 24:12

Hinkonta ya kuyandra ka vubihi, a lirandru dra lava vanyingi dritatitimeta.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

Va-le-Filipiya 1:9

Nakone nikhongota leswaku a lirandru drenu drihundrisa a kukula hi vutlhari ni kuyingelisisa,

II Kor 12:20

Hikusa, na txhava kuta halanu natan'wikuma na n'wingasiva xileswi ni swirandraka, na mine na ningasiva xileswi n'wiswirandraka, akuva kungavi na timholova ni vukwele, ni mahlundru, ni kutravukana, ni mahlevo, ni kulumbetana ni kutikukumuxa, ni madzolonga.

Mt 10:37

Lweyi arandraka a tatana wakwe kumbe mamana wakwe kutlula mine, anganifaneli; ni lweyi arandraka ngopfu a n'wanakwe wa xinuna kumbe wa xisati kutlula mine anganifaneli.

Mpfuletelo 3:1

Ku ntrumi ya kereke ledri dringa Sarde, trala uku: Lweyi angani ntlhanu wa mimoya na mibiri ya Xikwembu Nkulukumba, ni ntlhanu na tibiri wa tinyeleti ahlaya leswi: Nitiva a mintiro yaku, leswaku uni vito dra leswaku wahanya, kasi ufile.

Mpfuletelo 2:2

Nitiva a mintiro yaku, a kukhinyela kwaku ni kutiyisela kwaku ni leswaku awuswirandri akuva kun'we ni lava vamfani; ni leswaku udringi lava vatihlayaka vapostola na kasi ahi vapostola, ukuma leswaku i va madrimi;

II Tsl 1:3

I mfanelo yeru kutlangela Xikwembu Nkulukumba hi minkama hinkwayu ha n'wine vamakweru. Swanga hi leswi swifanelekiki, hikusa a kupfumela kwenu kuvi kukula ni kuhuhuma ka lirandru drenu ku mun'wana-ni-mun'wana dra yengetelana.

I Kor 16:22

Loko kuni lweyi angarandriki Hosi, ave anaatema! Maran atha. (Tana Hosi).

Mpfuletelo 3:16

Hileswo-ke, leswi ukufumelaka ntsena, ungatitimetikiki mfuri ungahisikiki, nitakunhlanta anon'wini wanga.