Mpfuletelo 22:9 - Testamente Ledrimpswha ni Mapsalma

⁹ Kambe yone yiku ku mine: Ungayentxi, leswo! Hikusa na mine ni le ntirweni wa Xikwembu Nkulukumba swanga ha wene, ni swanga hi vamakwenu, a vaprofeta, ni hinkwavu lava vabekisaka maritu ya buku ledri. Gandrela Xikwembu Nkulukumba.

Mpfuletelo 22:9 Referans Kwoze

Mpfuletelo 19:10

Kolahu ni wela minengeni ya yone akuva ni yigandrela, kambe yone yiku ku mine: Im'hi! Ungayentxi leswo! Mine ni nandra-kuloni ni wa vamakwenu lava vanga ni vumboni bya Yesu. Gandrela Xikwembu Nkulukumba. Hikuva a vumboni bya Yesu i Moya wa kurera kweru.

Mpfuletelo 14:7

Yiku hi ritu drikulu: Txhavani Xikwembu Nkulukumba, n'wimutwalisa, hikusa kutlhasi nkama wakwe wa kuyavanyisa! Khinsamelani lweyi ayentxiki tilo ni misava, ni likhulu, ni tinhlovo ta mati.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

Mpfuletelo 4:10

a vakulu-va-vhanu lava va makume mabiri na mune vatawa amahlweni ka lweyi atrhamiki axitrhan'wini-xa-vufumi, vagandrela lweyi ahanyaka hi madzana-ni-madzana ya malembe, vatxukumetela tingiyana tavu amahlweni ka xitrhamu xa vuhosi, na vaku:

Mpfuletelo 22:10

Ntrhaku atlhela aku: Ungafunge maritu ya vuprofeta bya buku ledri, hikusa nkama wukusuhi.

Mpfuletelo 15:4

Hi mani lweyi angatiki kutxhava we Hosi? Lweyi angatiki hlaya a vukulu bya vito draku? Hikusa wene ntsena lweyi wa kuxwenga; Hiswoswo amatiko hinkwawu matata, makhisama amahlweni kwaku, hikusa a kuyavanyisa kwaku kavonekisiwa.

Mpfuletelo 9:20

Kambe a vhanu lava vasaliki, lava vangadlayiwangakiki hi makhombo wolawo, avandrulukanga amintirweni ya mavoko yavu; akuva vangahagandreli a mademoni, ni swikwembu swavu swakuka-ndlela swa gole, ni swa silivhela, ni swa nsuku, ni swa maribye, ni swa mintrandra, leswi swingavoniki, swingayingeliki, mfuri swingafambiki;

Mpfuletelo 22:18

Mine, ni hlaya ku hinkwavu lava yingelaka maritu ya vuprofeta bya buku ledri leswaku: Loko mhunu a yengesela ntxhumu wa kukari, Xikwembu Nkulukumba atamuyengesela makhombo lawa matraliwiki abukwini ledri;

Lk 4:7

Wene-ke, loko unikhisamela unigandrela, hinkwaswu leswi switava swaku.

Mt 4:9

aku: Nitakunyika hinkwaswu leswi loko unikhisamela, unigandrela.

Mpfuletelo 1:1

Apfuletelo wa Yesu Kriste, lowu Xikwembu Nkulukumba amunyikiki, akuva akomba a malandra yake leswi switakahumelela ndreni ka nkamanyana, leswi aswitivisiki na arumeli hikola ka ntrumi yake, ku nandra wakwe Yohana,

Mpfuletelo 1:11

afaka driku: Leswi uswivonaka switrale apapelweni, uswirumela amakerekeni lawa ya ntlhanu na mabiri: A Efesa, ni le Simirna, ni le Pergamosi, ni le Tiyatira, ni le Sardesi, ni le Filadelifiya, ni le Lawodikiya.

Mpfuletelo 22:7

Yesu aku: vonani nata swoswi anihlweli! Kukatekile lavabekisaka maritu ya vuprofeta bya buku ledri.