Mpfuletelo 21:8 - Testamente Ledrimpswha ni Mapsalma

⁸ Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.

Mpfuletelo 21:8 Referans Kwoze

Mpfuletelo 2:11

Lweyi angani tindleve ayingiseti leswi a Moya wuswibyelaka a makereke. A muhluli angatxuki akuma a kuvavisiwa hi lifu dra vubiri.

Mpfuletelo 22:15

Kambe a handle kutrhama timbyana, ni vangoma, ni va vumbuye, ni vadlayi, ni lava vagandrelaka swifaniso ni hinkwavu lava varandraka kuyentxa madrimi hi maritu ni mintiro.

I Yhn 3:15

Lweyo ni lweyo anyenyaka makwavu, i mudlayi. Kambe n'wine n'waswitiva leswaku a vadlayi avana vutomi lebyingahelikiki ndreni kwavu.

Mpfuletelo 19:20

Kambe kukhomiwi xihari xa kulebya kun'we ni muprofeta wa madrimi, lweyi hi kuyentxa mahlolana ni swikombiso amahlweni ka yone, akanganyisiki lava vangayamukela xikombiso xa xihari xa kulebya, afaka vakhisamela xifaniso xa xone. A xihari ni muprofeta wa madrimi vatxukumetiwa na vaha hanya ativeni dra ndrilo lowu wupfuraka, wa xivavula.

Va-Heberu 13:4

A vukati abyi bekeliwi xihluwa hi vhanu hinkwavu, na byone likuku byinga nyenyentsisiwi, kambe loko vali vayentxi va vumbuye ni vuwoswi, Xikwembu Nkulukumba ata vayavanyisa.

I Tmt 4:2

hi mandrendre ya vahlayi va madrimi, lava a vanonon'whisiki a lipfalu dravu,

Mt 8:26

Yene avayangula aku: Ha yini n'wivani vutoya? Swipfumelinyana! Ahangasekeleka, akhwavela mheho ni mavimbi, kuva ni kurula loku kukulu.

Mpfuletelo 9:21

na kone avandrulukanga amintirweni yavu ya vudlayi, ni ya vuloyi, ni ya vumbuye, ni ya kuyiva.

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

Mt 10:28

Nakone n'wingatxhaveni lava vadlayaka a miri, na vangakotiki kudlaya a hika; kambe txhavani ngopfu lweyi angani ntamu wa kusuvisa a hika ni miri akheleni dra ndrilo.

I Yhn 2:22

Kolahu i mani lweyi wa madrimi? Loko kunge lweyi ahlayaka leswaku Yesu ahi Kriste? Lweyo hi lweyi anga Nala wa Kriste, lweyi alandrulaka Tatana ni N'wana.

I Yhn 5:10

Lweyi apfumelaka ku N'wana wa Xikwembu Nkulukumba ani vumboni, lweyi angapfumelikiki ku Xikwembu Nkulukumba, amuyentxa amuhembi, hikusa angapfumelanga a vumboni lebyi Xikwembu Nkulukumba ahinyikaka hinkonta ya N'wana wakwe.

Mpfuletelo 2:2

Nitiva a mintiro yaku, a kukhinyela kwaku ni kutiyisela kwaku ni leswaku awuswirandri akuva kun'we ni lava vamfani; ni leswaku udringi lava vatihlayaka vapostola na kasi ahi vapostola, ukuma leswaku i va madrimi;

II Tsl 2:9

A musomboloki atahumelela hi ntamu wa Sathana, atanyika swikombiso swa ntamu wukulu hi mahlolana ya kuka ndlela, ni swikombiso.

Va-Heberu 12:24

ni ku Yesu, mutlhanganisi wa xipfumelelanu leximpswha, ni ngati ya xuvo leyi yihlayaka leti tinene kutlula ya Abele.

Tito 1:16

Vone vali vamutiva Xikwembu Nkulukumba, na kasi vamulandrula hi mintiro yavu. I vamfani ni vakutiyalisa, vangakotikiki ntxhumu amintirweni hinkwayu leminene.

Mpfuletelo 9:17

Xileswo, axivonisweni lexo, nivoni a mahanxi ni vakhandriyi va wone na vani switlhangu swa ndrilo, ni swa yasinta, ni xivavula (enxofre); a tinhloko ta mahanxi afa tifana ni tinhloko ta tinghonyama, amilon'wini ya tone afa kuhuma ndrilo, ni musi, ni xivavula.

Mpfuletelo 14:10

na yene atanwa swavhinyo dra mahlundru ya Xikwembu Nkulukumba, ledritxhululiwiki na dringa patrinyetiwanga antrhekweni wa mahlundru yake, yelweyo ata xanisiwa andrilweni, ni hi xivavula, amahlweni ka tintrumi ta kuxwenga, ni le mahlweni ka Hambana.

Mpfuletelo 21:27

Ku wone kungaka kungahanhingeni ntxhumu lowu wa xambya, nambi kunhingena kone vagandreli va swikwembu swakuka ndlela ni vahembi, kutanhingena ntsena lava traliwiki bukwini dra vutomi dra Hambana.

Mt 25:25

hikutxhava, niyifihla a talanta draku amisaveni. Vona, hi ledri, drehe draku.

Marka 9:44

Laha swivungu swingafikiki ni laha ndrilo wungatimekiki.]