Mpfuletelo 21:7 - Testamente Ledrimpswha ni Mapsalma

⁷ Lweyi ataka hlula atava mudi wapfindla wa mintxhumu leyi, mine nitava Xikwembu Nkulukumba wakwe, na yene atava n'wananga.

Mpfuletelo 21:7 Referans Kwoze

II Kor 6:18

mine nitava tatana wenu, na n'wine n'witava vana vanga vava vanuna ni vavasati, kuhlaya Hosi ya ntamu hinkwayu.

Va-Heberu 8:10

Hikusa lexi i xipfumelelanu lexi ni taka xiyentxa ni tiko dra Israyele ntrhaku ka masiku lawo, kuhlaya Hosi: Nita beka milawu yanga miyanakanywini yavu, na kone nita mitrala ni le timbilwini tavu. Nita va Xikwembu Nkulukumba wavu, na vone vatava tiko dranga.

Mpfuletelo 21:3

Kutani ni yingeli ritu ledrikulu dripfa xiluvelweni driku: Lowu i ntronga wa Xikwembu Nkulukumba kun'we ni wa vhanu. Xikwembu Nkulukumba atatrhama navu, Kutani vone vatava tiko dra Xikwembu Nkulukumba. Yene Xikwembu Nkulukumba atava na vone.

Mpfuletelo 2:11

Lweyi angani tindleve ayingiseti leswi a Moya wuswibyelaka a makereke. A muhluli angatxuki akuma a kuvavisiwa hi lifu dra vubiri.

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Mpfuletelo 2:17

Lweyi angani tindleve ayingiseti leswi Moya wuswibyelaka a makereke: A muhluli nitamunyika manna lawa mafihliwiki, na kone nitamunyika ni xiribyana xa ntlhohe, mfuri ku xiribyana lexo kutraliwi a vito drimpswha, ledri dringativiwiki ha mhunu, kambe ntsena lweyi adriyamukelaka.

Mt 19:29

Mun'wana-ni-mun'wana lweyi atrikiki tiyindlu, vamakwavu va xinuna ni va xisati, ni tatana wakwe kumbe mamana wakwe, kumbe nsati ni vana, kumbe masimu hinkonta yanga, atayamukela hi ka dzana (100) ni kuhindra, ava ada pfindla dra vutomi lebyi byingahelikiki.

Mpfuletelo 2:7

Lweyi angani tindleve ayingiseti leswi a Moya wuswibyelaka a makereke: Ku muhluli, nimunyika a kuda a mihandru ya nsinya wa vutomi, lowu wunga Paradiseni dra Xikwembu Nkulukumba.

I Ptr 3:9

n'wingatlheliseli vubihi hi vubihi kumbe xiruku hi xiruku, kambe hi kuhambana ni leswo, hlayelani maritu manene hikusa n'wivitaneliwi leswo, akuva n'wiyamukela a pfindla dra nkateko.

Mpfuletelo 2:25

kambe bekisani leswi n'winganaswu kukota nitlhasa!

Marka 10:17

Kuti loko Yesu ahumi kone, akhoma a ndlela, mun'we mhunu atrutruma ata ku yene, akhisama, amuvutisa aku: Mudondrisi lweyi munene, xana nitayentxa yini akuva nitada a pfindla dra vutomi lebyi byingahelikiki?

Mt 25:21

A hosi yake yiku ku yene: I swa hombe, mutiri lweyi munene, wa kudumbeka. Leswi udumbekiki atimhakeni leti titrongo, nitakubeka ahenhla ka leti tinyingi. Nhingena akutrhaveni ka hosi yaku.

Rm 8:14

Hinkwavu lava fambisiwaka hi Moya wa Xikwembu Nkulukumba, i vana va Xikwembu Nkulukumba.

Rm 8:19

A misava hinkwayu n'wirindrela hi kunavela lokukulu ampfuletelo wa Xikwembu Nkulukumba ku vana vakwe.

II Kor 6:16

Kuni ntlhanganu muni amakari ka yindlu ya Xikwembu Nkulukumba ni swikwembu swakuka ndlela xana? Hileswaku hine hi tiyindlu ta Xikwembu Nkulukumba lweyi a hanyaka, swanga hi kuhlaya kwake: ni ta yaka makari kwavu ni famba na vone. Nitava Xikwembu Nkulukumba wavu vone va tava tiko dranga.