Mpfuletelo 20:12 - Testamente Ledrimpswha ni Mapsalma

¹² Nakone ni voni ni vafi hinkwavu, lavakulu ni lavatrongo, lava faka vayimisiwile mahlweni ka xiluvelo na vapfuli mabuku. Nangweso mapfuliwile mabuku, ni buku drin'wana, kupfuliwa ni buku dra vutomi. Kutani a vafi vatremeliwi ntremo mayelana ni mintiro yavu, ni hi leswi afaka switraliwile amabukwini lawo.

Mpfuletelo 20:12 Referans Kwoze

II Kor 5:10

Hikusa swifanelile leswaku hinkweru hita ya tikombisa mahlweni ka huvu ya kuyavanyisa ya Kriste, leswaku mun'wana-ni-mun'wana ayamukela mayelana ni leswi nene kumbe leswakubiha aswiyentxiki, akuhanyeni kwake lani misaveni.

Mt 16:27

A N'wana wa Mhunu atata hi kuphatima ka Tatana wakwe, kun'we ni tintrumi takwe, kutani atatlhelisela mun'wana-ni-mun'wana kuya hi matirela yake.

Mpfuletelo 22:12

Vonani! Nata naningahlweli, nita ni hakelo, akuva ni nyika mun'wana-ni-mun'wana swanga hi mintiro yake.

Mpfuletelo 2:23

Nitadlaya a vana vakwe hi lifu. Kutani a makereke hinkwawu mataswitiva leswaku hi mine lweyi akambisisaka miyanakanyu ni timbilu ta vhanu, mfuri nitan'winyika, mun'wana-ni-mun'wana hi kulandra a mintiro yenu.

Mpfuletelo 11:18

A matiko mahlundrukile, kambe a mahlundru yaku na wone mahumelele, ni nkama wa kuyavanyisiwa ka vafi ni wa kuva unyika a hakelo ku vaprofeta, a malandra yaku, ni ku vahlawuleki, ni ku lava vatxhavaka a vito draku, lava vatrongo, ni lava vakulu, ni wa kuhelisa lava vahelisaka misava!

Mpfuletelo 3:5

A muhluli atayambexisiwa xiswoswo, hi swiyambalu swa ntlhohe, mfuri ningaka ningatimi ni kutrongo a vito drakwe abukwini dra vutomi; na kone nitahlaya a vito drakwe amahlweni ka Tatana wanga, ni le mahlweni ka tintrumi takwe.

Mpfuletelo 20:13

A likhulu drinyikela vafi lava afaka vali ku drone, a lifu ni gehena na swone swinyikeli a vafi va swone, na mun'wana-ni-mun'wana atremeliwa tremo hi mintiro yake.

Mpfuletelo 21:27

Ku wone kungaka kungahanhingeni ntxhumu lowu wa xambya, nambi kunhingena kone vagandreli va swikwembu swakuka ndlela ni vahembi, kutanhingena ntsena lava traliwiki bukwini dra vutomi dra Hambana.

Mintiro Ya Vapostola 24:15

ningani kulavisela loku na vone vanganaku, ku Xikwembu Nkulukumba, ka leswaku ku tava ni kupfuka ka hinkwavu a va kufa, valulami swanga hi lava vamfani.

Mpfuletelo 20:11

Ntrhaku ni voni xiluvelo lexi xikulu xa kuphatima, ni lweyi afaka atrhami ku xone. A tilo ni misava switrutruma mahlweni ka vuso byake, akavanga ni mbangu ku vone.

Mpfuletelo 19:5

Kutani kuhumi a ritu xiluvelweni ledri afaka driku: Drumisani Xikwembu Nkulukumba weru, hinkwenu lava vamutirelaka, hinkwavu lava vamutxhavaka, ku lavatrongo ni lavakulu!

Va-le-Filipiya 4:3

Nikombela na wene, mutirikulori lweyi wa xihlayelamfuri, leswaku upfuna a vavasati lavo, vatiriki kun'we na mine na Klimente, ku Ivangeli, kun'we ni van'wana vapfuneti, lava a mavito yavu ma traliwiki abukwini dra vutomi.

Lk 10:20

Nambi swilitanu, n'winganyoxeni hi leswi a mimoya mihluliwaka ha n'wine. Kambe nyoxani hi leswi a mavito yenu matraliwiki Matilweni.

Mpfuletelo 13:8

Vata xigandrela hinkwavu lavayakiki misaveni, lava mavito yavu mangatraliwangakiki abukwini dra vutomi, ledringa dra Hambana leyinga dlawa kehe kusunguleni ka misava.

Rm 2:6

lweyi atakatlhelisela mun'wana-ni-mun'wana kuya hi mintiro yake,

Mpfuletelo 17:8

A xihari xa kulebya lexi uxivoniki afa xihanya, afa xili xone, kambe a hi xone, kutani xitahuma akheleni ledra kuyeta, xiya kusuveni. Lava vayakiki misaveni, lava a mavito yavu manga traliwangakiki abukwini dra vutomi kusukela akutumbulukeni ka misava, loko va xivona vatahlamala, leswi afaka xili xone kutani axehe xone, hanya, kambe xitatlhela xi humelela.

I Kor 4:5

Hileswo-ke, n'wingayavanyiseni ntxhumu na nkama wungasinatlhasa, kukota kutlhasa Hosi; anga Yene atakavaninga leswi swifihlekiki, swa munyama, atakavonekisa ni makungu lawa manga timbilwini ta vhanu; laho-ke mun'wana-ni-mun'wana atayamukela a kukhensiwa hi Xikwembu Nkulukumba.

Mt 11:22

Nambi swili tanu, nan'wibyela, nili: Asikwini dra yavanyiso kutavevukeliwa Tiri na Sidoni kutlula n'wine.

Mpfuletelo 20:15

Kutani lweyi afaka kunga traliwanga vito drakwe abukwini dra vutomi, atxukumetiwi ativeni dra ndrilo.