Mpfuletelo 2:9 - Testamente Ledrimpswha ni Mapsalma

⁹ Nitiva a nhlomulu waku ni vusiwana byaku, kambe uxipfundri, mfuri a kusandra ka lava vatihlayaka va-Yuda, na kasi ahi va-Yuda, kambe vone i sinagoga dra Sathana.

Mpfuletelo 2:9 Referans Kwoze

Mpfuletelo 3:9

Vona, nitakunyika van'we va sinagoga dra Sathana, lava vatihlayaka leswaku i va-Yuda nakuve ahi va-Yuda, vohemba. Vona, nitayentxa leswaku vatatakhinsama aminkondrweni yaku, ni kutiva leswaku nikurandrile.

II Kor 8:9

hikusa n'wine n'witiva swinene a lirandru dra Hosi yeru Yesu Kriste, lweyi nambi loko ali xipfundri kambe a tindruluti xisiwana hinkonta yenu akuva n'windruluka swipfundri hinkonta ya vusiwana byake.

Rm 9:6

Hinga yanakanyeni leswaku a xidumbiso xa Xikwembu Nkulukumba xidluvekile, hikusa ahi hinkwavu va tinxaka taka Israyele vanga tiko dra Israyele;

II Kor 6:10

hivi lava vaxukuvalisiwaka, kambe hitrhava hi minkama hinkwayu; swanga swisiwana, kambe hifuyisa lava vanyingi; na hinge na ntxhumu, kambe hive ni hinkwaswu.

I Tmt 6:18

ni leswaku vayentxa leswinene, vava swipfundri hi mintiro leminene, vavani nkhinkhi akuhananeni, vava vanabyala akuva vayavela a swavu;

Lk 4:18

A Moya wa Hosi wule henhla kwanga, hikusa yi nitotile, akuva nidrungulela swisiwana a Ivangeli, yi nirumi kuhuwelela kuntrhunxeka ku lava vabohiwiki, ni kubuyisela kuvona ku lava vakufa-mahlu, ni kuntrhunxa lava vaxanisiwaka;

Mpfuletelo 2:2

Nitiva a mintiro yaku, a kukhinyela kwaku ni kutiyisela kwaku ni leswaku awuswirandri akuva kun'we ni lava vamfani; ni leswaku udringi lava vatihlayaka vapostola na kasi ahi vapostola, ukuma leswaku i va madrimi;

Lk 6:20

Yesu alavisa a vadondrisiwa vakwe, aku ku vone: N'wikatekile n'wine swisiwana, hikusa a Mfumu wa Xikwembu i wenu.

Rm 12:12

Nyoxani akulaviseleni, n'wiva ni xixixi amahlomulweni, n'witiyisela a kukhongoteni.

Rm 5:3

Swinge leswo ntsena, kambe hi titwalisa ni le mahlomulweni, hi kutiva leswaku a mahlomulo ma vanga kutiyisela,

I Tmt 1:13

mine lweyi kusungula afaka nili mufingeti ni muxanisi, ni muyeyisi; kambe niyentxeliweke lirere hikusa nayentxi hi kukala ningaswitivi, ni kuka-vupfumeli.

I Tsl 3:4

A nkama afaka hili halanu, afa han'wibyelile leswaku hifaneli kuxanisiwa. Naswihumelelile, swanga hi leswi n'wiswitivaka.

II Kor 8:2

Hikusa andreni ka mindringo leyi minyingi ya kuxaniseka, avusiwaneni byavu lebyi byikulu vayandrisile vupfundri bya kuhanana kwavu.

Rm 8:35

Hi mani lweyi ataka hitravukanisa ni lirandru dra Kriste? Nhlomulo, kunonon'hweliwa, kuxanisiwa, ndlala, vusweti, timhangu, a lifu?

Mpfuletelo 7:14

Kutani mine niku ku yene: Hosi yanga, hi wene uswitivaka! Kutani yene aku ku mine: Lava, hi lava vapfaka hi le nhlomulweni lowukulu, vahlampswiki a swiyambalu swavu, vaswiyentxa swa ntlhohe angatini ya Hambana.

Lk 22:65

Ni swin'wana leswi swakutala, swimuvulavulela swimuruka.

Lk 12:21

Yesu aheta hi kuhlaya leswi aku: Hi swoswo ni ku lweyi atihlengeletelaka vupfundri na angafuyeli ku Xikwembu Nkulukumba.

Rm 2:17

Wene utihlayaka mu-Yuda, utiseketelaka nawini utikukumuxaka hi kutiva Xikwembu Nkulukumba.

Mintiro Ya Vapostola 26:11

Amasinagogeni hinkwawu, ni vaxanisi ha kanyingi, nivasindrisa akuva vasandra vupfumeli byavu. Nivahlundrukela ngopfu, nivahlongola kuyatlhasa mitini ya va-Matiko.

Mintiro Ya Vapostola 14:22

lomu vatiyisiki vapfumeli, ni kuvaleleta leswaku vaya mahlweni vatiyisela kupfumeleni, ni kuvadondrisa leswaku hikola ka mahlomulu lawa manyingi, swifaneli hinhingena a Mfun'wini wa Xikwembu Nkulukumba.

Yohana 16:33

Nin'wibyeli leswo akuva n'wivani kurula ku mine. Amisaveni leyi n'witavani nhlomulu, kambe tiyani ntamu, mine nihluli misava.

Mt 4:10

Yesu amuyangula aku: Suka Sathana! Hikusa kutraliwi leswaku: Utagandrela HOSI Xikwembu Nkulukumba waku, utirela yene ntsena.

Mpfuletelo 1:9

Mine Yohana, makwenu ni muhlengeli na n'wine akuxanisiweni, ni le Mfun'wini, ni le kutiyiseleni loku kunga ku Kriste, nivi axihlaleni lexi xitxhuliwaka Patimosi, hinkonta ya ritu dra Xikwembu Nkulukumba, ni vumboni bya Yesu.

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.

Mpfuletelo 2:24

Kambe swoswi nili ku n'wine, ni ku van'wana a Tiyatira, hinkwavu lava vangaliki ni dondro leyo, lava vangativiki a mintxhumu ya vuyentelelo ya Sathana, kufana ni leswi valiki: Anin'wirwexi ntrhwalu wumbeni,