Mpfuletelo 2:18 - Testamente Ledrimpswha ni Mapsalma

¹⁸ Ku ntrumi ya kereke ledri dringa Tiyatira trala uku: A N'wana wa Xikwembu Nkulukumba, lweyi angani mahlu lawa mafanaka ni langavi dra ndrilo, ni minkondro yake mifanaka ni nsuku lowu wukhuxiwiki, ahlaya leswi:

Mpfuletelo 2:18 Referans Kwoze

Mpfuletelo 1:11

afaka driku: Leswi uswivonaka switrale apapelweni, uswirumela amakerekeni lawa ya ntlhanu na mabiri: A Efesa, ni le Simirna, ni le Pergamosi, ni le Tiyatira, ni le Sardesi, ni le Filadelifiya, ni le Lawodikiya.

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Mt 3:17

Kutani kutwala ritu dripfaka hi le Tilweni driku: Lweyi i N'wananga lweyi nimurandraka, lweyi nitrhavisiwaka ha yene.

Rm 8:32

Yene lweyi angatretrelelangakiki a N'wana wakwe, kambe ahinyiketi yene hinkweru, xana angaka angahihanani hinkwaswu kun'we ni N'wana wakwe?

Rm 1:4

kambe a kombisiwiki hi ntamu leswaku, i N'wana wa Xikwembu Nkulukumba hinkonta ya Moya wa Kuxwenga, hi kupfuka kwake ku vafi, anga Yesu Kriste a Hosi Yeru.

Yohana 10:36

xana n'wine, n'wihlaya ha yini n'wiku nisandra Xikwembu Nkulukumba, na kasi mine nihlawuliwi niva nirumiwa misaveni ha Yene, xana?

Yohana 5:25

Nihlayelamfuri nili ku n'wine: A nkama wata, ni swoswi wutlhasile, lowu vafi vatakayingela ritu dra N'wana wa Xikwembu Nkulukumba, kutani lava vadriyingelaka vatahanya.

Yohana 3:18

Lweyi apfumelaka ku N'wana, angayavanyisiwi; kambe lweyi angapfumelikiki ayavanyisiwile ni swoswi, hikusa anga pfumelanga ku N'wana wa Xikwembu Nkulukumba lweyi wa mun'we.

Yohana 3:16

Hikusa Xikwembu Nkulukumba arandri misava swakunhati, ako anyika N'wanakwe lweyi apswaliwiki ali swake, leswaku mani na mani lweyi apfumelaka ku yene, angatxhuki alahleka, kambe akuma vutomi lebyi byingahelikiki.

Lk 1:35

Kambe a ntrumi yimuyangula yiku: A Moya wa Kuxwenga wutaxikela ahenhla kwaku, ni ntamu wa Lweyi wa le henhla-henhla wutakufukumeta swanga hi tlavi. Hileswo-ke lweyi atakapswaliwa i wa kuxwenga, atatxhuliwa N'wana wa Xikwembu Nkulukumba.

Mt 27:54

A ndruna ya dzana (100) dra mabutrhu ni mabutrhu lawa afaka malavelela Yesu, loko vavona kutrekatreka ka misava, ni leswi swihumeleliki, vatxhava ngopfu vaku: Ha kunene, lweyi afa ali N'wana wa Xikwembu Nkulukumba.

Mt 17:5

Kaku loko Petrosi ahakhanela, a tlavi dra kuphatima drihumelela drivafukumeta, atlavini kutwala ritu, ledri driliki: Lweyi hi N'wananga lweyi a randrekaka, lweyi nitrhavaka ha yene, muyingisetani.

Mpfuletelo 2:1

Ku ntrumi ya kereke dra le Efesa trala uku: A hlaya leswi, lweyi atamelaka ntlhanu na tibiri wa tinyeleti avokweni drakwe dra xinene, lweyi afambaka a makari ka ntlhanu na mibiri wa mimotre ya gole:

Yohana 1:49

Nataniyele amuyangula, aku: Rabi, u N'wana wa Xikwembu Nkulukumba, u Hosi ya Israyele.

Mintiro Ya Vapostola 8:36

Vaku na vafamba hi ndlela, vatlhasa lomu kungani mati, a ndruna yiku: Hi lawa mati! Xana kuni xa ntxhumu xingasivelaka leswaku nibabatisiwa? [

Mintiro Ya Vapostola 16:14

Mun'we wansati atxhuliwaka Lidiya, muxavisi wa swivunguvungu, wa muti wa Tiyatira, afaka atxhava Xikwembu Nkulukumba, afa ahiyingela swinene, kutani a Hosi yimupfula mbilu akuva atikaratela leswi afaka swihlayiwa ha Pawulosi.

Mpfuletelo 2:24

Kambe swoswi nili ku n'wine, ni ku van'wana a Tiyatira, hinkwavu lava vangaliki ni dondro leyo, lava vangativiki a mintxhumu ya vuyentelelo ya Sathana, kufana ni leswi valiki: Anin'wirwexi ntrhwalu wumbeni,