Mpfuletelo 2:10 - Testamente Ledrimpswha ni Mapsalma

¹⁰ Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.

Mpfuletelo 2:10 Referans Kwoze

Yakobe 1:12

Anindjombo lweyi atiyiselaka mindringweni, hikuva loko akumiwa na atiyiselili andringweni atayamukela a ngiyana ya vutomi lebyi byingahelikiki, lebyi Xikwembu Nkulukumba adridumbisiki lava vamurandraka.

Mt 10:22

N'witahambuliwa hi misava hinkwayu hinkonta yanga; kambe lweyi atakatiyisela kutlhasa vugan'wini atahuluxiwa.

I Ptr 5:4

kutani loko a mubyisi lwenkulu ku hinkwavu abuya, n'witayamukela a ngiyana ya kuphatima leyi yingabolikiki.

Marka 13:13

N'wine n'witavengiwa hi hinkwavu hinkonta yanga. Kambe lweyi atiyiselaka kutlhasa vugan'wini, atahuluxiwa.

Ef 6:12

Hikusa ahi lwi ni ngati kumbe ni nyama, kambe hi lwa ni mimfumu, ni mintamu, ni vafumi va munyama wa minkama leyi, ni kulwa ni mimoya ya vubihi amimbangwini ya le henhla.

Mpfuletelo 2:9

Nitiva a nhlomulu waku ni vusiwana byaku, kambe uxipfundri, mfuri a kusandra ka lava vatihlayaka va-Yuda, na kasi ahi va-Yuda, kambe vone i sinagoga dra Sathana.

Mt 24:13

Kambe lweyi atiyiselaka kuyatlhasa vugan'wini, atahuluxiwa.

I Ptr 5:8

Tikhomani, n'wilavelela! A nala wenu, Diyavulosi, aratela swanga hi nghonyama leyi yidruma-drumekaka, na yidjula lweyi yingamuphatlulaka yimuda;

I Kor 9:25

Hinkwavu lava vapalisanaka, vatikhoma ku mintxhumu hinkwayu; vone vaswiyentxela ntsena akuva vayamukela a ngiyana leyi yibolaka, kasi hine hiyentxela a kukuma a ngiyana leyi yingabolikiki.

Mt 10:28

Nakone n'wingatxhaveni lava vadlayaka a miri, na vangakotiki kudlaya a hika; kambe txhavani ngopfu lweyi angani ntamu wa kusuvisa a hika ni miri akheleni dra ndrilo.

Mpfuletelo 13:7

Nakone xinyikiwa ntamu wa kulwa ni valulami, ni kuvahlula. Xinyikiwi mfuri ni kufuma henhla ka tinxaka hinkwatu ta vhanu, ni tindrimi, ni matiko.

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

Yohana 13:2

Kutani, loko vatrhami kudeni, Diyavulosi afa abeki khale ambilwini ya Yudasi Iskariyota, n'wana Simoni arengu dra kuwonga Yesu.

Yohana 12:25

Lweyi arandraka vutomi byake, byita mulahlekela; kambe lweyi avengaka vutomi byake misaveni leyi, atabyibekisa hi la kungahelikiki.

Lk 21:12

Kambe leswo na swingasina humelela, vatan'wikhoma van'wixanisa, van'winyiketa masinagogeni ni le bohelweni, van'wiyisa ku vafumi ni le tindruneni, hinkonta ya vito dranga,

Marka 8:35

Hikusa lweyi arandraka kuhuluxa a vutomi byake atabyilahla, kambe lweyi atakalahla a vutomi byake ha mine ni hi dondriso dranga, yene atabyihuluxa.

Mpfuletelo 13:2

A xihari lexi xakulebya, ninga xivona afa xifana ni yingwe, a minenge ya xone ya nga ya bere(urso), ni nomu wa xone wa nga nomu wa ndrawu. A dragoni drixinyika ntamu wadrone, ni xiluvelo xadrone, ni vuhosi lebyikulu.

Mintiro Ya Vapostola 21:13

Kolahu Pawulosi ayangula aku: Xana n'wiyentxa yini, n'widrila, n'witrhova a mbilu yanga? Hikusa mine anitibekiselanga kubohiwa ntsena, kambe ni kufa a Yerusalema hi vito dra Hosi Yesu.

Mintiro Ya Vapostola 20:24

Kambe anitihlayeli ntxhumu hi vutomi byanga, aniyanakanyi leswaku byini lisima ku mine; nitakota kuheta a mpfhuka wanga ni ntiro, lowu niwuyamukeliki ku Hosi Yesu, wa kuva ni hambela vumboni Ivangeli ya timpswalu ta Xikwembu Nkulukumba.

Yohana 13:27

Ntrhaku ka kuyamukela akatinyana, Sathana anhingena ku Yudasi. Kutani Yesu aku ku yene: Leswi udjulaka kuswitira, kahlula uswitira.

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.

Mpfuletelo 13:14

Xikanganyisa lava yakiki misaveni hinkonta ya swikombiso leswi xinyikiwiki kuswitira mahlweni ka xihari xa kulebya, xibyela vayaki va misava yentxa xifaniso xa xihari xa kulebya lexi xinga tlhabyiwa hi tlhari, kutani xihanyiki.

Mpfuletelo 17:14

Vone vata lwa ni Hambana, kambe a Hambana yitavahlula, hikusa i Hosi ya tihosi, ni Mufumi wa vafumi, vatahlula na vone lava vanga na Yene, lava vavitaniwiki, vahlawuliwiki ni lava vadumbekiki.