Mpfuletelo 19:19 - Testamente Ledrimpswha ni Mapsalma

¹⁹ Ntrhaku ni voni xihari xa kulebya ni vafumi va misava ni mabutrhu yavu, mahlengeletanile kuyalwa ni lweyi akhandriyiki a hanxi ni mabutrhu yake.

Mpfuletelo 19:19 Referans Kwoze

Mpfuletelo 16:16

Ntrhaku mihlengeletela vafumi a mbangwini lowu hi xiheberu wuhlayiwaka Armagedoni.

Mpfuletelo 16:14

hikusa i mimoya ya mademoni, lemiyentxaka swihlamaliso, yone mikongoma ku vafumi va misava hinkwayu, akuva miya vatlhanganisela kulwa hi Siku drikulu dra Xikwembu Nkulukumba wa Ntamu hinkwawu.

Mpfuletelo 18:9

A vafumi va misava lava vangayentxa vumbuye na yene, lava vangahanya ku swakutinyoxisa na yene, vatamudrilela, vatiba swifuva, loko vavona musi wa kupswha kwake.

Mpfuletelo 14:9

A ntrumi ya vuraru yilandrela hi ritu ledrikulu yiku: Lweyi akhinsamelaka xihari ni xifaniso xa xone, ayamukela ni xikombiso a mombyeni wakwe kumbe vokweni drakwe,

Mpfuletelo 11:7

Loko a timboni titava tiheti a vumboni bya tone, a xihari xa kulebya xitahuma akheleni dra kuyeta ngopfu, xitalwa na tone, xitatihlula xiva xitidlaya,

Mpfuletelo 19:21

Kutani lava vasaliki vadlawi hi lipanga ledri afaka drihuma non'wini wa lweyi akhandriyiki hanxini, kutani tinyanyana hinkwatu ti da tinyama tavu lakakuva tingahatidjuli.