Mpfuletelo 17:14 - Testamente Ledrimpswha ni Mapsalma

¹⁴ Vone vata lwa ni Hambana, kambe a Hambana yitavahlula, hikusa i Hosi ya tihosi, ni Mufumi wa vafumi, vatahlula na vone lava vanga na Yene, lava vavitaniwiki, vahlawuliwiki ni lava vadumbekiki.

Mpfuletelo 17:14 Referans Kwoze

Rm 8:30

Lava ava hlawuliki, lavo na vone ava vitanile, ni lava avavitaniki na vone avahlayile valulami, ni lava avahlayiki valulami avatwalisile.

I Tmt 6:15

loku atakakukombisa aminkameni leyi mibekisiwiki, ha Yene ntsena n'winyi lweyi ankhensekaka, Hosi ya tihosi, n'winyi wa vinyi;

Mt 22:14

Hikuva lava vavitaniwiki i vanyingi, kambe lava vahlawuliwiki i vatrongo.

Mpfuletelo 3:21

A muhluli nitamunyika a kutrhama na mine axitrhan'wini xanga xa vuhosi, swanga ha mine nihluliki, kutani nitrhamiki na Tatana wanga axitrhan'wini xakwe xa vuhosi.

Mpfuletelo 1:5

ni hi le ku Yesu Kriste, a Mboni ya kudumbeka, mativula ya lava va kufa, Hosi ya vafumi va misava. Ku lweyi ahirandraka, ahitrunxiki ku swidoho sweru hi ngati yake,

Mpfuletelo 2:10

Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.

Mpfuletelo 16:14

hikusa i mimoya ya mademoni, lemiyentxaka swihlamaliso, yone mikongoma ku vafumi va misava hinkwayu, akuva miya vatlhanganisela kulwa hi Siku drikulu dra Xikwembu Nkulukumba wa Ntamu hinkwawu.

I Kor 15:24

Ntrhaku ata vugamu, atanyiketa a mfumu ku Xikwembu Nkulukumba ni Tatana, loko atava ahohloti a vuhosi hinkwabyu, ni kufuma hinkwaku, ni mintamu hinkwayu.

Rm 8:37

Kambe ku hinkwaswu leswi hine hi hundrisa ngopfu kuhlula, hi lweyi ahirandriki.

Mt 28:18

Kolahu Yesu atrhindrekela akhanela navu aku: Ninyikiwi ntamu hinkwawu ni vuhosi atilweni ni le misaveni.

Mpfuletelo 11:7

Loko a timboni titava tiheti a vumboni bya tone, a xihari xa kulebya xitahuma akheleni dra kuyeta ngopfu, xitalwa na tone, xitatihlula xiva xitidlaya,

I Ptr 2:9

Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;

II Tmt 2:4

Akuna musotxha lweyi loko aya yimpini atikarataka hi mintxhumu ya vutomi lebyi, hikusa a kunavela kwake i kuyingiseta lweyi amuhlomisiki.

Yohana 15:16

Ahi n'wine n'winihlawuliki; kambe hi mine nin'wihlawuliki, nin'wibekiki akuva n'wiya n'wibeka mihandru, ni mihandru yenu miva leyi mitrhamiki; akuva nambi n'wikombela yini na yini ku Tatana hi vito dranga, atan'winyika.

Mt 25:40

Kambe a HOSI yitavayangula yiku ku vone: Nihlayelamfuri nili ku n'wine: Loko n'wiswiyentxi ku mun'we amakari ka vamakweru lava vatrongo, lava, n'wiswiyentxi ku mine.

Rm 1:6

Ku n'wine lava vanga Roma n'wikumeka ntlaweni lowo wa lava vavitaniwiki kuva va Yesu Kriste.

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.