Mpfuletelo 14:10 - Testamente Ledrimpswha ni Mapsalma

¹⁰ na yene atanwa swavhinyo dra mahlundru ya Xikwembu Nkulukumba, ledritxhululiwiki na dringa patrinyetiwanga antrhekweni wa mahlundru yake, yelweyo ata xanisiwa andrilweni, ni hi xivavula, amahlweni ka tintrumi ta kuxwenga, ni le mahlweni ka Hambana.

Mpfuletelo 14:10 Referans Kwoze

Mpfuletelo 16:19

A muti lowukulu wuyavana hi swiyenge swiraru, ni miti yamatiko mi wa. Xikwembu Nkulukumba a drimuka Babilona lwenkulu, akuva avanyika ntrheko wa vinyo dra mahlundru ya kulebya kwake.

Mpfuletelo 20:10

Diyavulosi, lweyi a ngava kanganyisa, atxukumetiwi tiveni dra ndrilo ni wa xivavula, lomu kunga ni xihari xa kulebya ni muprofeta wa madrimi. Vata xanisiwa nhlikanhi ni vusiku hi madzana ni madzana ya malembe.

Mpfuletelo 19:20

Kambe kukhomiwi xihari xa kulebya kun'we ni muprofeta wa madrimi, lweyi hi kuyentxa mahlolana ni swikombiso amahlweni ka yone, akanganyisiki lava vangayamukela xikombiso xa xihari xa kulebya, afaka vakhisamela xifaniso xa xone. A xihari ni muprofeta wa madrimi vatxukumetiwa na vaha hanya ativeni dra ndrilo lowu wupfuraka, wa xivavula.

Mpfuletelo 18:6

Munyikani hikutlheliselisa xileswi an'witlheliselisiki xiswone, Muhakelani hi kuhindra mayelana ni mintiro yake, kuntrheko lowu yene apatrinyetiki swakunwa, patrinyetani hikuhindra n'winyika yene.

Mpfuletelo 21:8

Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.

Mt 25:41

Kutani a HOSI yitabyela lava vanga ximantrhini yiku: Sukani ku mine, n'wine lava varuketeliwiki; fambani n'wiya ndrilweni lowu wungatimekikiki, lowu wubekiseliwiki Diyavulosi ni tintrumi takwe.

Yd 1:7

Swanga ha Sodoma na Gomora ni mimiti leyi afaka miyaki kusuhi, leyi mitinyiketele vuwosweni swanga ha yone, ni kulandra yimbeni, yone mibekeliwi akuva xifaniso xa ndrilo lowu wungahelikiki, hikola ka leswo miyamukeli xikhatiso xa ndrilo lowu wungahelikiki, minyiketiwa kukhatisiweni.

Mpfuletelo 18:3

Hikusa hinkwawu matiko manwile vinyo dra kulebya ka vumbuye byake. A vafumi va misava va yentxi vumbuye na yene, ni vaxavisi va misava vandruluki vafuyi hi vumbuye byake bya kukala mpimu.

Mt 26:39

Kutani aya kulenyana, awa a hansi hi liso, akhongota aku: Tatana wanga, loko swikoteka, a ntrheko lowu awuhundre kule na mine; kambe kungayentxiwe a kurandra kwanga, akuyentxiwe a kurandra kwaku.

Mt 20:22

Yesu ayangula aku: An'wiswitivi leswi n'wikombelaka swone. Xana n'wingaswikota a kunwa a ntrheko lowu ninga kusuhi ni kuwunwa? Vone vaku: Im'na hingaswikota!

Marka 8:38

A mhunu lweyi atakavani tingana ha mine ni maritu yanga amakari ka lixaka dra kusandra, ni dra kudoha, a N'wana wa Mhunu na yene atava ni tingana ha yene, a siku atakabuya hi kuphatima ka Tatana wakwe, kun'we ni swirun'wa leswi swakuxwenga.

Mintiro Ya Vapostola 10:22

Vone vaku: Hipfa hi ku Korneliyo, a ndruna ya dzana, anga wanuna wa kululama, atxhavaka Xikwembu Nkulukumba, lweyi akhensiwaka hi tiko hinkwadru dra va-Yuda, apfuleteliwiki hi ntrumi ya kuxwenga, akuva akuvitanela a kaya kwake, atayingela leswi utakamubyela swone.

II Tsl 1:7

Ku n'wine lava vaxanisekaka swanga ha hine, atan'wiwisisa Yene, loko kutahumelela hi le Tilweni Hosi Yesu ni tintrumi ta ntamu wakwe.

Mpfuletelo 15:7

A xin'we ku swivumbiwa leswa mune swakuhanya, xinyika tintrumi ta ntlhanu na tibiri, a swinwelo swa ntlhanu na swibiri swa gole, leswi taliki hi mahlundru ya Xikwembu Nkulukumba, lweyi a hanyaka hi masiku ni masiku.

Mpfuletelo 19:15

Anon'wini wakwe kuhuma tlhari ledra kukariha, akuva ha drone a ba matiko. Ata mafuma hi nhonga ya nhumbu; ata kandretela hi minenge yake, axikhuvutelo xa mihandru ya vinyo ya kulebya ka mahlundru ya Xikwembu Nkulukumba wa ntamu hinkwawu.

Mpfuletelo 20:14

A lifu ni gehena switxukumetiwi tiveni dra ndrilo. A tiva ledri dra ndrilo i lifu dra vubiri.

Marka 9:44

Laha swivungu swingafikiki ni laha ndrilo wungatimekiki.]