Mpfuletelo 13:6 - Testamente Ledrimpswha ni Mapsalma

⁶ Xipfula nomu kusandra Xikwembu Nkulukumba, vito drakwe ni Tende drakwe ni lava yakiki tilweni.

Mpfuletelo 13:6 Referans Kwoze

Mpfuletelo 12:12

Hileswo-ke trhavani matilo, na n'wine n'wiyakiki kone! Kambe yowee ku lava vayakiki misaveni ni le likhulwini, hikusa Diyavulosi axikeli ku n'wine na tali hi mahlundru lawa makulu, hi kutiva leswaku a nkama lowu anga nawu i wutrongo.

Va-Heberu 9:24

Hikusa Kriste anga nhingenanga ambangwini wa kuxwenga lowu yentxiwiki hi mavoko, lexi xinga xifaniso ntsena xa lowu wunga wone. Kambe atilweni antshima ya drone, ayahumelela swoswi amahlweni ka Xikwembu Nkulukumba ahikombelelaka.

Mt 15:19

Hikusa ambilwini kuhuma a miyanakanyu leyi mimfani, a vudlayi, vumbuye, vuwoswi, vuyivi, kufunga madrimi ni swisandru.

Mt 12:34

Lixaka dra swipswhahla! N'wingaswikotisa kuyini akuhlaya mintxhumu leminene, kasi n'wine ha vuswenu n'wi vabihi? Hikusa mun'wana-ni-mun'wana, akhanela leswi anganaswu ambilwini.

Mpfuletelo 21:3

Kutani ni yingeli ritu ledrikulu dripfa xiluvelweni driku: Lowu i ntronga wa Xikwembu Nkulukumba kun'we ni wa vhanu. Xikwembu Nkulukumba atatrhama navu, Kutani vone vatava tiko dra Xikwembu Nkulukumba. Yene Xikwembu Nkulukumba atava na vone.

Mpfuletelo 18:20

Nyoxani, n'wine matilo, na n'wine tinsasi vapostolo ni vaprofeta, hikusa Xikwembu Nkulukumba a wu yavanyiseli tremo drenu.

Mpfuletelo 11:12

Kutani tiyingela a ritu drikulu dripfa tilweni driku ku tone: Tlhantukelani haleno! Tintlhantukela tilweni hi tlavi, na valala va tone vahlalela.

Mpfuletelo 7:9

Ntrhaku ka leswo, nivoni ntalu wukulu wa vhanu, lowu afaka kungali na lweyi angakotaka kuhlaya a ntrengo wa wone, vapfaka hi le ku matiko hinkwawu, tinxaka ni tindrimi hinkwatu. Vayimi mahlweni ka xitrhamu-xa-vufumi ni le mahlweni ka Hambana, na vayambali swiyambalu swa ntlhohe, na vani minkindru amavokweni yavu,

Mpfuletelo 5:13

Kutani niyingela a swivumbiwa hinkwaswu swa le tilweni, ni swa le misaveni, ni swa le hansi ka misava, ni leswi swinga likhulwini, na swiku: Ku lweyi atrhamiki axitrhan'wini-xa-vufumi ni ku Hambana, Lidrumu, xihluwa, kukhensa ni ntamu kukhensiwa, ni xihluwa, ni lidrumu, ni ntamu, hi madzana-ni-madzana ya malembe!

Mpfuletelo 4:4

Amatlhelweni ya xitrhamu lexo afa kuni makume mabiri na mune wa switrhamu swa vuhosi, na kutrhami ku swone makume mabiri na mune wa vakulu-va-vhanu vayambaliki swiyambalu swa ntlhohe, na vani tingiyana ta gole atinhlokweni.

Mpfuletelo 4:1

Antrhaku ka leswo, nilavisile, kutani nivona a xipfalu xipfuliwiki atilweni, ni ritu ledri afaka nidriyingeli hi kuranga na drivulavula na mine, dra kufana ni dra nanga driku: Ntlhantukela halenu, nitakukomba leswi switakahumelela ntrhaku ka leswi.

Va-Heberu 9:2

Hikusa ntronga wa kuranga loko wu yimisiwile, ku wone afa kuni kandelar, ni byangama ni makati ya xikombiso; a mbangu lowu wuhlayiwaka wa kuxwenga.

Rm 3:13

A minkolo yavu yi swanga hi xira ledri dripfulekiki. Vakanganyisa hi lidrimi dravu. A vuhlungu byatinyoka byihuma amilon'wini yavu.

Va-le-Kolosa 2:9

Hikusa Xikwembu Nkulukumba akone hi kuhetiseka ku Kriste, hi Xivumbeko xa miri,

Va-le-Kolosa 1:19

Hikusa avi kurandra ka Xikwembu Nkulukumba leswaku akuhetiseka hinkwaku kutrhama ku Yene,

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Mpfuletelo 7:15

Hi swoleswo vayimiki amahlweni ka xitrhamu-xa-vufumi xa Xikwembu Nkulukumba, na vamutirela nhlikanhi ni vusiku aTempeleni drakwe; mfuri lweyi atrhamiki axitrhan'wini-xa-vufumi, atanalavutela a tende drakwe a henhla kwavu.

Mpfuletelo 15:5

Ntrhaku ka swone, ni lavisa ni vona a Tempele dra ntronga wa vumboni wupfuleka le tilweni.