Mpfuletelo 11:3 - Testamente Ledrimpswha ni Mapsalma

³ Nakone nitanyika timboni tanga leti ta tibiri, akuva titaprofeta hi xipimo xa khume dra madzana, na madzana mabiri na ntlhanu na drin'we wa makume ya masiku, na tiyambali masaka.

Mpfuletelo 11:3 Referans Kwoze

Mpfuletelo 12:6

Lweyi wansati a trutrumela huleni, lomu abekiseliwiki mbangu hi Xikwembu Nkulukumba, lomu ataka phameliwa kone ha khume dra madzana na mabiri, na ntlhanu wa makume na drin'we ya masiku (1260).

Mpfuletelo 11:2

Kambe a phangu dra le handle ka Tempele drisiye handle, ungadripime, hikusa drinyikiwi ku va-Matiko; kutani vatakakandretela a muti wa kuxwenga hi mune wa makume ya tihweti na tibiri.

Mpfuletelo 13:5

Kutani vaxinyika nomu waku khanela mintxhumu ya swisandru, vaxinyiki ntamu wa kuva xitira ha mune wa makume ya tihweti na tibiri.

Mintiro Ya Vapostola 13:31

kutani avoniwi hi masiku manyingi hi lava kusukela a Galileya, afaka antlhantukeli na vone a Yerusalema, lava swoswi vanga timboni takwe amahlweni ka tiko dra Israyele.

Mintiro Ya Vapostola 1:8

Ke, n'witanyikiwa ntamu loko a Moya wa Kuxwenga wutava wuxikeli ku n'wine, kutani n'witava timboni tanga la Yerusalema, ni le tikweni hinkwadru dra Yudeya, ni le Samariya, ni kuyatlhasa avugan'wini bya misava.

Lk 24:48

N'wine n'wi timboni ta mintxhumu leyi.

II Kor 13:1

Ledri i dravuraru na nita ku n'wine, hi nomu wa vabiri kumbe vararu, amhaka hinkwayu yita tiyisiwa.

Mintiro Ya Vapostola 2:32

Yesu yelweyo, Xikwembu Nkulukumba amupfuxile kufeni, kutani hine hinkweru hi timboni ta swone.

Yohana 15:27

Na n'wine n'witahamba vumboni hikusa n'witrhama na mine kusukela akusunguleni.

Mt 18:16

Kambe loko angakuyingeli, vitana mun'we kumbe vabiri, akuva a mhaka hinkwayu yitatiyisiwa hi milomu ya timboni tibiri kumbe tiraru.

Mpfuletelo 19:10

Kolahu ni wela minengeni ya yone akuva ni yigandrela, kambe yone yiku ku mine: Im'hi! Ungayentxi leswo! Mine ni nandra-kuloni ni wa vamakwenu lava vanga ni vumboni bya Yesu. Gandrela Xikwembu Nkulukumba. Hikuva a vumboni bya Yesu i Moya wa kurera kweru.

Mpfuletelo 1:5

ni hi le ku Yesu Kriste, a Mboni ya kudumbeka, mativula ya lava va kufa, Hosi ya vafumi va misava. Ku lweyi ahirandraka, ahitrunxiki ku swidoho sweru hi ngati yake,

Mintiro Ya Vapostola 3:15

Hi ndlela leyo, n'widlayi Hosi ya vutomi, leyi Xikwembu Nkulukumba ayipfuxiki kufeni, kutani hine hi timboni ta swone.

Mpfuletelo 20:4

Nakone nivoni swiluvelo, ku swone afa kutrhami lava vone vanyikiwiki ntamu wa kutrema. Nahanga vona na kambe, amahika ya lava afaka vatremiwi tinhloko hinkonta ya vumboni lebyi vabyibekiki bya Yesu, ni hi kurera ritu dra Xikwembu Nkulukumba, hi lava vanga gandrelangakiki xihari xa kulebya, nambi xi xifaniso xa yone, nambi kuli kuva ni xifungo a mi mombyeni, kumbe mavokweni yavu. Kutani vahanya na Yesu, hi mpfhuka wa khume dra madzana ya malembe (1000).

Ef 4:11

Hi yene mfuri anga nyika van'we kuva vapostola, ni van'wana kuva vaprofeta, van'wana kuva vavhangeli, ni van'wana kuva vabyisi ni vadondrisi;

I Kor 12:28

Nakone, Xikwembu Nkulukumba abeki van'we, a Kerekeni, hi kusungula a vapostola; hi kulandra, a vaprofeta; a va vuraru, i vadondrisi; ntrhaku, kulandra a vayentxi va mahlolana; ntrhaku a tinyiko ta kuholisa, ni ta kupfuna, ni ta vurangeli, ni ta kuvulavula a tindrimi ta tinxaka-xaka.

Yohana 3:27

Yohana ayangula, aku: A mhunu angaka angavina ntxhumu, loko angawunyikiwanga wupfa Tilweni.

Mt 11:21

Yowee, ku wene Korazini! Yowee, ku wene Betsaida! Hikusa, loko afa a mahlolana lawa mayentxiwiki ku n'wine afa mayentxiwi a mitini ya Tiri na Sidoni, afa vayaki va yone vandruluki khale, vayambala masaka ni nora.

Lk 10:13

Yowee Korazini! Yowee Betsayida! Hikusa a mahlolana lawa mayentxiwiki amakari kwenu, loko fanga mayentxiwi amitini ya Tiri na Sidoni, inha mindruluki khale miyambala a saka, mitola ni nora.

Mpfuletelo 11:6

A timboni leto tini ntamu wa kupfala a tilo, akuva a mpfula yingani hi masiku ya kuprofeta ka tone, mfuri tini ntamu wa kundruluta a mati mava ngati, ni wa kuvavisa a misava hi tinxaka hinkwatu ta makhombo, ha kanyingi swanga hi lana tidjulaka ha kone.