Mpfuletelo 1:18 - Testamente Ledrimpswha ni Mapsalma

¹⁸ ni lweyi ahanyaka! Afa nifile, kambe swoswi nahanya hi madzana-ni-madzana ya malembe, mfuri nini mimpfungulu ya lifu ni ya le Hades.

Mpfuletelo 1:18 Referans Kwoze

Rm 6:9

Ha switiva leswaku, loko Kriste lweyi apfuxiwiki akufeni, angahafi; a lifu adrina ntamu henhla kwake.

Va-Heberu 7:25

Hileswo-ke, vangaswikota kuhuluxa lava trhindrekelaka ku Xikwembu Nkulukumba, leswi ahanyaka hilaha kungahelikiki akuva ava khongotelela.

Mpfuletelo 3:7

Ku ntrumi leyi yinga kerekeni ledri dringa Filadelifiya trala, uku: Lweyi wa kuxwenga ni wa xihlayelamfuri, lweyi angani mpfungulu wa Davida, lweyi apfulaka kungapfali mhunu, lweyi apfalaka kungapfuli mhunu, ahlaya leswi:

Va-Heberu 12:2

Na hi lavisa ku Yesu hikutiya, amuvangi ni muhetisisi wa kupfumela, lweyi hi kunyoxa loku abekeliwiki kone atiyiseliki xihambanwini, adrela tingana ta xone, swoswi atrhami xineneni xa xiluvelo xa Xikwembu Nkulukumba.

Mt 16:19

Nitakunyika mimpfungulu ya Mfumu wa Matilo. Leswi utakaswitrimba amisaveni switatrimbiwa ni le Tilweni, leswi utakaswintrhuxa laha misaveni switantrhuxiwa ni le Tilweni.

Mpfuletelo 20:14

A lifu ni gehena switxukumetiwi tiveni dra ndrilo. A tiva ledri dra ndrilo i lifu dra vubiri.

Va-Heberu 1:3

Yene lweyi angakuphatima ka lidrumu drakwe, ni ritu dra kuhetiseka dra vumhunu byake, atameli mintxhumu hinkwayu hi ritu dra ntamu wakwe. Ntrhaku ka kuva a yentxile ntiro wa kuhlampswa swihono, ateki vutrhamu byake xineneni xavunkulukumba, a henhla-henhla.

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

Mpfuletelo 4:9

Loko a swivumbiwa leswo switanyika lidrumu, ni xihluwa, ni kukhensa ku lweyi atrhamiki axitrhan'wini-xa-vufumi, lweyi ahanyaka hi malembe ni malembe,

Va-Heberu 7:16

lweyi abekiwiki na kunge hi kulandra milawu ni swileleto swa nyama, kambe kuli hi ntamu wa vutomi lebyingekena kuhela.

II Kor 13:4

Hikusa, kunene, avambiwile a gomeni, ku hinkwaswu, awa hanya hi ntamu wa Xikwembu Nkulukumba, hikuva na hini gome ha Yene, kambe hita hanya ha Yene, hi muhanyela hi ntamu wa Xikwembu Nkulukumba.

Mpfuletelo 9:1

A ntrumi ya vuntlhanu yiyimbi a nanga; kutani nivona a nyeleti yipfiki hi le tilweni, yiwela amisaveni, yinyikiwa a mpfungulu wa khele dra kuyeta,

Yohana 14:19

Antrhaku ka nkamanyana, a misava mingahanivoni, kambe n'wine n'witanivona. Leswi ni hanyaka, na n'wine n'witahanya.

Va-le-Kolosa 3:3

Hikusa n'wine n'wifile na Kriste a vutomi byenu byifihliwi kun'we na yene ku Xikwembu Nkulukumba.

Mpfuletelo 5:14

A swivumbiwa swakuhanya leswi swa mune afa swiku: Amen! A vakulu-va-vhanu vone afa vawa, vagandrela.

Mt 11:23

Wene ke Kapernawume, utatlakuxiwa kuyatlhasa tilweni? Utaxixiwa kuyatlhasa Hades Hikusa loko fanga a mahlolana lawa mayentxiwiki ku wene, mayentxiwi ku Sodoma, a muti lowo ni namuhla afa wahatava kone.

Lk 24:5

Vavani kutxhava, vakaramelisa liso ahansi. Kambe vavanuna vaku ku vone: Xana n'widjulela yini lweyi ahanyaka ku lava va kufa?

Yohana 11:25

Yesu aku ku yene: Hi mine kupfuka kufeni ni vutomi. Lweyi apfumelaka ku mine, nambi angafa, atahanya.

Mpfuletelo 2:8

Ku ntrumi ya kereke ledri dringa Smirna trala uku: Lweyi wa kusungula ni wa vugamu, lweyi afaka afile kambe swoswi atlheliki ahanya, ahlaya leswi:

Mpfuletelo 6:8

Kutani nilavisa, nivona a hanxi dra halandi, ni lweyi afaka atrhami henhla ka drone, afaka ani vito dra ku Lifu, na alandriwa hi Hades (tiko dra vafi), kutani vanyikiwa a ntamu henhla ka xiyenge xa vumune xa misava hinkwayu, akuva vasuvisa hi lipanga, ni hi ndlala, ni hi lifu, ni hi swihari swa kulebya swa misava.

Mpfuletelo 10:6

yifunga hi lweyi ahanyaka hi madzana ni madzana ya malembe, lweyi angatumbuluxa a tilo ni leswi swinga ku drone; misava ni leswi swinga ku yone, ni likhulu ni leswi swinga ku drone, yiku: Akahana nkama;

Mpfuletelo 15:7

A xin'we ku swivumbiwa leswa mune swakuhanya, xinyika tintrumi ta ntlhanu na tibiri, a swinwelo swa ntlhanu na swibiri swa gole, leswi taliki hi mahlundru ya Xikwembu Nkulukumba, lweyi a hanyaka hi masiku ni masiku.

Mpfuletelo 20:13

A likhulu drinyikela vafi lava afaka vali ku drone, a lifu ni gehena na swone swinyikeli a vafi va swone, na mun'wana-ni-mun'wana atremeliwa tremo hi mintiro yake.