Mpfuletelo 1:17 - Testamente Ledrimpswha ni Mapsalma

¹⁷ Loko nimuvonile niwi aminkondrweni yake swanga nifile. Kutani abeka a voko drakwe dra xinene a henhla kwanga, aku: Ungatxhave! Ni wa kuranga ni wa vugamu;

Mpfuletelo 1:17 Referans Kwoze

Mpfuletelo 22:13

Hi mine Alfa na Omega, lweyi wa kuranga ni wa vugamu, a masungulo ni kuhela.

Mpfuletelo 2:8

Ku ntrumi ya kereke ledri dringa Smirna trala uku: Lweyi wa kusungula ni wa vugamu, lweyi afaka afile kambe swoswi atlheliki ahanya, ahlaya leswi:

Mpfuletelo 1:8

Mine ni Alfa mfuri ni Omega, kuhlaya Hosi Xikwembu Nkulukumba, lweyi anga yene, afaka ali yene, ni lweyi atakata, lweyi anga wa ntamu hinkwawu.

Mpfuletelo 1:11

afaka driku: Leswi uswivonaka switrale apapelweni, uswirumela amakerekeni lawa ya ntlhanu na mabiri: A Efesa, ni le Simirna, ni le Pergamosi, ni le Tiyatira, ni le Sardesi, ni le Filadelifiya, ni le Lawodikiya.

Mt 28:4

kutani a valaveleli vatrekatreka hi kutxhava yone vava vandruluka swanga hi vafi.

Yohana 21:20

Petrosi kambe andruluka, kutani avona mudondrisiwa lweyi afaka arandriwa hi Yesu na ali kari avalandra. Hi lweyi afaka atiseketeli axifuveni xa Yesu, loko vali xilalelweni, lweyi angaku: Hosi, hi mani lweyi akuwongaka?

Yohana 13:23

Mun'wana wa vadondrisiwa vakwe, lweyi Yesu afaka amurandra, afa atrhami hi tlhelo dra Yesu, dra xinene;

Mt 14:27

Kambe Yesu avabyela aku ku: Rulani! Hi mine. N'wingatxhaveni!

Mt 28:5

A ntrumi yiku ku vavasati lavaya: N'wine n'wingatxhaveni; naswitiva leswaku n'widjula Yesu, lweyi avambiwiki.

Mpfuletelo 1:4

Mine Yohana, ku makereke lawa ya ntlhanu na mabiri lawa manga Aziya: A timpswalu ni kurula aswive na n'wine swipfaka hi le ku Lweyi anga kone, afaka ali kone, mfuri ahataka, ni hi le ku mimoya leyi ya ntlhanu na mibiri, leyi minga mahlweni ka xitrhamu xakwe xa vuhosi,