Mpfuletelo 1:16 - Testamente Ledrimpswha ni Mapsalma

¹⁶ A vokweni dra xinene afa atameli ntlhanu wa tinyeleti na tibiri, anon'wini wakwe afa kuhuma lipanga dra kulotiwa ha matlhelo mabiri; ni mombo wakwe afa wufana ni dambu loko driphatima hi ntamu wa drone.

Mpfuletelo 1:16 Referans Kwoze

Va-Heberu 4:12

Hikusa a ritu dra Xikwembu Nkulukumba dra hanya, dri ni ntamu, dra kariha kutlula lipanga ledri drilotiwiki hi matlhelo mabiri. Drinhingena ndreni kuyatlhasa lana driyavanyisaka a hika ni moya, ni kutlhangana ka marambu ni mongo, na kone draswikota kuyavanyisa miyanakanyu ni makungu ya mbilu.

Mpfuletelo 2:16

Kolahu-ke tisole! Loko swingali tanu, nakutela swoswi, nitatalwa na vone hi lipanga dra nomu wanga.

Mpfuletelo 19:15

Anon'wini wakwe kuhuma tlhari ledra kukariha, akuva ha drone a ba matiko. Ata mafuma hi nhonga ya nhumbu; ata kandretela hi minenge yake, axikhuvutelo xa mihandru ya vinyo ya kulebya ka mahlundru ya Xikwembu Nkulukumba wa ntamu hinkwawu.

Mpfuletelo 2:12

Ku ntrumi ya kereke ledri dringa Pergamo trala uku: Lweyi angani lipanga dra kutrema hi matlhelo mabiri, drilotiwiki, ahlaya leswi:

Ef 6:17

Nakone tekani xintlontlo xa kuhuluka ni lipanga dra Moya, dringa Ritu dra Xikwembu Nkulukumba.

Mpfuletelo 19:21

Kutani lava vasaliki vadlawi hi lipanga ledri afaka drihuma non'wini wa lweyi akhandriyiki hanxini, kutani tinyanyana hinkwatu ti da tinyama tavu lakakuva tingahatidjuli.

Mt 17:2

Kutani andrulutiwa mahlweni kwavu. A liso drakwe driphatima swanga hi dambu, ni swiyambalu swake swindruluka swiva swa ntlhohe swanga hi livaningo.

Mpfuletelo 1:20

Hi lowu a ntlhamuxelo wa xihundla xa ntlhanu na tibiri wa tinyeleti, leti utivoniki avokweni dranga dra xinene, ni xa ntlhanu na mabiri wa mimotre, ya gole: A ntlhanu na tibiri wa tinyeleti i tintrumi ta ntlhanu na mabiri wa makereke; kasi-ke a ntlhanu na mabiri wa mimotre hi ntlhanu na mabiri wa makereke.

Mpfuletelo 3:1

Ku ntrumi ya kereke ledri dringa Sarde, trala uku: Lweyi angani ntlhanu wa mimoya na mibiri ya Xikwembu Nkulukumba, ni ntlhanu na tibiri wa tinyeleti ahlaya leswi: Nitiva a mintiro yaku, leswaku uni vito dra leswaku wahanya, kasi ufile.

Mintiro Ya Vapostola 26:13

Hi nkama wa nhlikanhi, na nahali ndleleni, we hosi, nivona kuvaninga loku kupfaka tilweni, loku kutlulaka kuphatima ka dambu, kunitrandrela mine, ni lava afaka vafamba na mine.

Mpfuletelo 12:1

Ka kuvoneka a xikombiso lexikulu tilweni. Afa ali wansati, na ayambali dambu, ni hweti a hansi ka minenge, ni ngiyana yin'we ya khume dra tinyelete na tibiri a nhlokweni.

Mpfuletelo 10:1

Nivoni ntrumi yin'wana ya ntamu na yixika hi le tilweni, yiyambali tlavi; ahenhla ka nhloko ya yone afa kuni nkwangulatilo, a vuso bya yone byifana ni dambu, ni minenge ya yone swanga timhandre ta ndrilo;

Mpfuletelo 2:1

Ku ntrumi ya kereke dra le Efesa trala uku: A hlaya leswi, lweyi atamelaka ntlhanu na tibiri wa tinyeleti avokweni drakwe dra xinene, lweyi afambaka a makari ka ntlhanu na mibiri wa mimotre ya gole: