Marka 9:31 - Testamente Ledrimpswha ni Mapsalma

³¹ Hikusa afa adondrisa a vadondrisiwa vakwe aku ku vone: A N'wana wa Mhunu atanyiketiwa amavokweni ya vhanu. Vatamudlaya, kambe atapfuka loko kuhundri masiku mararu.

Marka 9:31 Referans Kwoze

Mt 16:21

Akusukela nkama lowo Yesu asunguli kutlhamuxela vadondrisiwa vakwe, leswaku swifaneli aya Yerusalema, kambe a vakulu va tiko, a vaprista lava vakulu ni vatrali, vatamuxanisa ngopfu, vamudlaya, kambe hi siku dra vuraru atapfuxiwa akufeni.

Marka 9:12

Yene aku ku vone: Eliya swifanekeli aranga ata ha kunene, atlhelisela hinkwaswu akululameni. Nakone xana ku Matralwa kutraliwi yini hi N'wana wa Mhunu, swaku atavaviseka ngopfu ni kudreliwa?

Marka 8:31

Kolanu, asunguli kudondrisa a vadondrisiwa vakwe leswaku swifanekeli a N'wana wa Mhunu atwisiwa kuvaviseka loku kulu, ni kutxukumetiwa hi vakulu va tiko ni vaprista lava vakulu ni vadondrisi va Nawu, ava adlawa, atlhela apfuka kufeni loko kuhundri masiku mararu.

Lk 24:26

Xake, afa swingafanekeli Kriste atwa kuvaviseka, ava anhingena kuphatimeni kwake?

Mt 26:2

N'waswitiva leswaku ntrhaku ka masiku mabiri a Paska dritava kone, kutani a N'wana wa Mhunu atanyiketiwa akuva avambiwa.

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

II Tmt 2:12

Loko hitiyisela na hine hita fuma na Yene; loko himulandrula, na Yene ata hilandrula.

Yohana 10:18

A kuna mhunu lweyi anganitekelaka byone. Mine nibyinyika hi kurandra kwanga. Nini ntamu wa kubyinyiketa, ni ntamu wakutlhela nibyikuma. Hi swoleswi Tatana wanga anileletiki kuyentxa swone.

Yohana 3:14

Kufana ni leswi Moxe angahayeka nyoka huleni, N'wana wa Mhunu na yene atafanela kuhayekiwa hi ndlela yoleyo,

Yohana 2:19

Yesu avayangula, aku: Hahlulani a Tempele ledri, kutani mine nitadripfuxa ha masiku mararu.

Lk 9:44

Yingisetani swinene leswi atindleveni tenu: A N'wana wa Mhunu atanyiketiwa amandleni ya vhanu.

Mt 27:63

vaku: N'winyi weru, hahadrimuka leswaku a mukanganyisi lwiya, loko ahahanya ati: Nitapfuka akufeni loko kuhundri masiku mararu.

Marka 10:34

vatamuhleka, vava vamuthukela mari, vamuba hi ntshilana vamudlaya. Kambe atapfuka-kufeni hi siku dra vuraru.