Marka 8:38 - Testamente Ledrimpswha ni Mapsalma

³⁸ A mhunu lweyi atakavani tingana ha mine ni maritu yanga amakari ka lixaka dra kusandra, ni dra kudoha, a N'wana wa Mhunu na yene atava ni tingana ha yene, a siku atakabuya hi kuphatima ka Tatana wakwe, kun'we ni swirun'wa leswi swakuxwenga.

Marka 8:38 Referans Kwoze

Rm 1:16

Aninatingana hi Ivangeli ya Kriste. Hikusa kunene hi wone ntamu wa Xikwembu Nkulukumba wa kuhanyisa hinkwavu lava pfumelaka, kusungula a va-Yuda ni va-Matiko.

I Yhn 2:23

Lweyi alandrulaka N'wana, na kone atrhama na ange na Tatana. Kutani lweyi apfumelaka N'wana, na kone ana Tatana.

Yakobe 4:4

Vhanu lava vangadumbekikiki! An'wiswitivi leswaku avunakulobye ni misava i vunala ku Xikwembu Nkulukumba xana? Hileswo-ke, loko mhunu arandra kuva nakulobye wa misava, atiyentxa nala ku Xikwembu Nkulukumba.

Lk 9:26

Lweyi atakavani tingana ha mine ni hi maritu yanga, na yene N'wana wa Mhunu atava ni tingana ha yene, loko atabuya hi kuphatima kwake ni kuphatima ka Tatana wakwe, ni ka tintrumi ta kuhlawuleka.

II Tmt 1:8

Hileswo-ke ungave ni tingana hi vumboni bya Hosi yeru, nambi kakuva ha mine, ninga mubohiwa wa yone; kambe yingela kuvaviseka kun'we na mine, a Ivhangeleni leyinene, hi ntamu wa Xikwembu Nkulukumba;

Mt 26:64

Yesu ayangula aku ku yene: Uhlayi swone. Mfuri nan'wibyela leswaku, kusukela swoswi, n'witavona a N'wana wa Mhunu atrhami xineneni xa ntamu wa Xikwembu Nkulukumba, ata henhla ka matlavi ya tilo.

Mt 16:27

A N'wana wa Mhunu atata hi kuphatima ka Tatana wakwe, kun'we ni tintrumi takwe, kutani atatlhelisela mun'wana-ni-mun'wana kuya hi matirela yake.

Va-Heberu 11:26

Apimisa leswaku akusandriwa ku Kriste i vupfundri lebyitlulaka nhlengwe ya le Egipta. Hikusa afa a langusela kutlheliseliwa.

Va-Heberu 11:16

Kambe swoswi, vahlunyela tiko ledri yampswaka, hileswaku ledri drale tilweni. Hikolahu kaleswo, Xikwembu Nkulukumba angana tingana hikola kwavu, hikutivitana Xikwembu Nkulukumba wavu, hikusa ava bekiselile muti.

II Tmt 1:12

Hileswo-ke naxaniseka ha swone; kambe anina tingana hikusa nitiva lweyi nipfumeliki ku yene, nidumba leswaku ana ni ntamu wa kubekisa leswi nibekiki ku yene, kukota kutlhasa ledro siku.

Mt 12:39

Kambe Yene avayangula aku ku: A lixaka ledri drimfani, dra vumbuye, dridjula mahlolana! Kambe n'wingaka n'winganyikiwi xikombiso xin'wana, loko kunge xa muprofeta Yona.

Yohana 1:51

Ayengeta aku ku yene: Nihlayelamfuri nili ku n'wine: n'witavona tilo dripfulekile, ni ntrumi ya Xikwembu Nkulukumba yili kari yintlhantuka ni kuxikela ku N'wana wa Mhunu.

Mt 25:31

Kambe kutaku loko a N'wana wa Mhunu ata vumenyemenyeni byake, kun'we ni tintrumi hinkwatu, atatrhamisa a xitrhan'wini xa vumenyemenye byake.

Mt 24:30

Hi laha kutakavoniwa atilweni a xikombiso xa N'wana wa Mhunu, a matiko hinkwawu ya misava matadrila, mfuri matavona a N'wana wa Mhunu loko abuya hi matlavi ya tilo na ani ntamu lowu wukulu ni kuphatima.

Lk 19:26

A n'winyi ayangula: Nan'wibyela nili lweyo ni lweyo, lweyi anganaswu, atanyikiwa; kambe loko ali lweyi angaliki na ntxhumu, atatekeliwa ni leswi switrongo anganaswu.

Mt 13:41

A N'wana wa Mhunu ataruma a tintrumi takwe tihlengeleta a handle ka Mfumu wakwe hinkwavu lava vayentxaka leswaku van'wana vadoha, ni hinkwavu lava vayentxaka leswi swimfani,

Va-Heberu 13:13

Hileswo-ke ahiyeni ku Yene a handle ka magovela, hi rwala xisandru xakwe.

II Tmt 1:16

Aan'winyiki Xikwembu Nkulukumba a vumbilu byake ku ndangu wa Onesiforo, hikusa ha kanyingi animbuweteliki angavanga na tingana ha mine hikuva mine ni bohiwile.

Gl 6:14

Kambe mine, anidjuli kutitwalisa loko kunge xihambanwini xa Hosi yeru Yesu Kriste; lweyi amisava mivambiwiki ku mine ha Yene, na mine ni vambiwile ku yone.

Mintiro Ya Vapostola 5:41

A vapostola vahuma, hubyini na vatrhavi ngopfu, hi kuva vakumi mfanelo ya kuxanisiwa hinkonta ya vito dra Yesu.

Yohana 12:34

A xitrhungu ximuyangula, xiku: Hiyingeli Nawini leswaku Kriste atahanya hi la kungahelikiki. Wene-ke uhlaya ha yini uku: Swifanekeli N'wana wa Mhunu atlakuxiwa? A N'wana lweyi wa Mhunu hi mani?

Yohana 5:27

Na swone amunyiki ni ntamu wa kuyavanyisa hikusa i N'wana wa Mhunu.

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Marka 14:62

Yesu aku: Hi mine. Mfuri n'witavona a N'wana wa Mhunu na atrhami axineneni xa Xikwembu Nkulukumba wa mintamu hinkwayu, apfa hi le henhla ka matlavi ya tilo.

Mt 16:4

Lixaka ledri drimfani ni dra vumbuye drikombela xikombiso xin'we xa mahlolana; kambe dringatinyikiwa xikombiso loko xinge xa Yona. Kutani avasiya, atifambela.

Mt 8:20

Yesu amuyangula aku: A mabuwana mani mimpala, ni tinyanyana ta tilo tini vusaka, kambe a N'wana wa Mhunu angana lomu angadamaka nhloko yake kone.

Mt 16:28

Nihlayelamfuri nili ku n'wine, amakari ka lava vayimiki kola, vakone van'we lava vangatikifa na vangavonanga kutlhasa ka N'wana wa Mhunu akuphatimeni ka Mfumu wakwe.

Marka 8:37

A mhunu anganyika yini a kuxava a hika drakwe?

Marka 13:26

Kolahu vatavona N'wana wa Mhunu, ahumelela matlavini hi ntamu lowu wukulu ni hi lidrumu.

Mintiro Ya Vapostola 10:22

Vone vaku: Hipfa hi ku Korneliyo, a ndruna ya dzana, anga wanuna wa kululama, atxhavaka Xikwembu Nkulukumba, lweyi akhensiwaka hi tiko hinkwadru dra va-Yuda, apfuleteliwiki hi ntrumi ya kuxwenga, akuva akuvitanela a kaya kwake, atayingela leswi utakamubyela swone.

I Tsl 2:19

Hikusa i yini kudumba kweru, ni ngiyana yeru ya kutikutxa, xana a hi n'wine mfuri amahlweni ka Hosi yeru Yesu Kriste akubuyeni kwake?

I Tsl 3:13

Yita tiyisa timbilu tenu akuxwengeni ni kukota kutikombisa n'wihetisekile n'wingena nandru mahlweni ka Xikwembu Nkulukumba Tatana weru, akubuyeni ka Hosi yeru Yesu Kriste ni hinkwatu tinsasi.

I Yhn 2:28

Kutani swoswi ke vana vanga, trhamani ku Yene, akuva loko Yene ativonakalisa hita dumba, na hi ngavi lava vasoliwaka mahlweni kwake, akubuyeni kwake.

Mpfuletelo 14:10

na yene atanwa swavhinyo dra mahlundru ya Xikwembu Nkulukumba, ledritxhululiwiki na dringa patrinyetiwanga antrhekweni wa mahlundru yake, yelweyo ata xanisiwa andrilweni, ni hi xivavula, amahlweni ka tintrumi ta kuxwenga, ni le mahlweni ka Hambana.