Marka 8:34 - Testamente Ledrimpswha ni Mapsalma

³⁴ Kutani avitana a xitrhungu kun'we ni vadondrisiwa vakwe, aku ku vone: Loko a mhunu arandra a kunilandra, atiyale, atirwexe xihambano xakwe anilandra.

Marka 8:34 Referans Kwoze

Mt 10:38

Lweyi angarwalikiki a xihambano xakwe anilandra anganifaneli.

Yohana 10:27

A tihamba tanga tiyingela ritu dranga. Tadritiva, kutani tanilandra.

Gl 5:24

Kambe avaka Kriste Yesu va vambi nyama ni kurandra ni kunavela ka yone.

Gl 2:20

Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

I Yhn 3:16

Hileswo, hitiva lirandru: leswaku Kriste anyiketiki vutomi byake hinkonta yeru, hine hifaneli kunyiketa vutomi byeru hinkonta ya vamakweru.

Mt 16:24

Yesu ahangaku ku vadondrisiwa vakwe: Loko mhunu arandra a kunilandra atiyale, atirwexe xihambano xakwe anilandra.

Va-le-Filipiya 3:10

akuva nitiva ni ntamu wa kupfuka kwake, ni kutlhangana atinxaniseni, ni ndrulutiwa hi kufana ni kufa kwake;

Rm 8:17

Ke, loko hili vana, na kone mfuri hi vadi va pfindla. Hi vadi vapfindla dra Xikwembu Nkulukumba kun'we na Kriste. Loko hi xaniseka kun'we na yene, na kone hitatwalisiwa kun'we na Yene.

Lk 9:23

Kutani aku ku hinkwavu: Loko mhunu adjula kuva mudondrisiwa wanga, aatiyale, aatirwexe xihambano xakwe hi siku drin'wana-ni-drin'wana, kutani anilandra.

Va-le-Kolosa 3:5

Hileswo-ke, dlayani ku n'wine hinkwaku ku navela ka laha misaveni: a vumbuye, ni vuwoswi, ni vunfani, ni kunavela ka kubiha, ni kufelela loku kunga lixaka dra kugandrela swifaniso.

Va-le-Filipiya 3:7

Kambe leswi afaka swili bindru ku mine, ni swiyentxi swaku ka ndlela hinkonta ya Kriste.

I Ptr 4:1

Leswi-ke Kriste axanisekiki anyameni, na n'wine hi mayanakanyela wolawo randranani, hikusa lweyi axanisekiki anyameni, atravukani ni xidoho,

Gl 6:14

Kambe mine, anidjuli kutitwalisa loko kunge xihambanwini xa Hosi yeru Yesu Kriste; lweyi amisava mivambiwiki ku mine ha Yene, na mine ni vambiwile ku yone.

I Kor 15:31

Mine nafa siku drin'wana-ni-drin'wana; vamakweru, nifunga swoswo, swanga hi leswi ningani kutitwalisa ha n'wine ku Yesu Kriste, Hosi yeru.

Rm 6:6

Haswitiva leswaku leswi afaka hilixiswone hine kusunguleni swifile na Kriste axihambanwini, akuva kuhelisiwa leswi ku hine afaka kuni kubiha akuva hinga havi swikarawa swa xihono,

Lk 14:33

Hileswo-ke, lweyi ku n'wine angatrikiki hinkwaswu leswi anganaswu, angana kuva mudondrisiwa wanga.

II Ptr 1:14

nadumba leswaku nita hatla nitrika a ntronga wanga, swanga hileswi nipfuleteliwiki hi Hosi yeru Yesu Kriste.

I Ptr 4:13

kambe hi leswi n'wikumaka a yavelo akuxanisekeni ka Kriste, nyoxani, akuva n'witanyoxa hi kutrhava kukulu, akupfuleteliweni ka kuphatima kwake.

Tito 2:12

tihidondrisaka leswaku hidrela vusandri ni kutrika kunavela ka misava leyi, akuva hihanya hi kutikhoma, vululami, ni hi vukhongoti, ankameni lowu,

Va-le-Kolosa 1:24

Swoswi na nyoxa a mahlomulweni yanga hinkonta yenu, ni hetisisa leswi swisaliki swaku kuxaniseka ka Kriste hinkonta ya miri yake, inga Kereke.

Mintiro Ya Vapostola 14:22

lomu vatiyisiki vapfumeli, ni kuvaleleta leswaku vaya mahlweni vatiyisela kupfumeleni, ni kuvadondrisa leswaku hikola ka mahlomulu lawa manyingi, swifaneli hinhingena a Mfun'wini wa Xikwembu Nkulukumba.

Lk 18:22

Atiki awaswiyingela, Yesu aku ku yene: Kusali xin'we lexi uxipfumalaka: xavisa hinkwaswu leswi unganaswu, uyavela swisiwana. Hi kone utakava ni nhlengwe a matilweni. Hi kone ungataka, unilandra.

Lk 13:24

Khinyelani kunhingena hi nyangwa leyi ya kukhuma hikusa nan'wibyela, lava vanyingi vatadjula kunhingena kambe vatahluleka.

Mt 27:32

Loko vahuma, vakuma a wanuna lweyi valiki i Simoni wa le Kirene, lweyi vamusindrisiki a kubyatrha a xihambanu xa Yesu.

Mpfuletelo 2:10

Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.

Va-Heberu 13:13

Hileswo-ke ahiyeni ku Yene a handle ka magovela, hi rwala xisandru xakwe.

II Tsl 3:11

Hiyingeli kuhlayiwa leswaku halanu kufamba-famba vakukari vangayentxikiki ntxhumu, kumbe vatitata hiswakuka lisima.

I Kor 9:19

Hikuva nambi nitrunxekile ku hinkwavu, nitiyentxi a nandra wa hinkwavu, akuva nitakuma lava vanyingi.

I Kor 8:13

Hileswo-ke, loko a swakuda swikhunguvanyisa a makweru, ningaka ningahadi nyama ni siku ni drin'we, akuva ningatitxhuka nikhunguvanyisa a makweru.

Yohana 19:17

Kutani Yesu ahuma na abyatrhi xihambanu xakwe, aya mbangwini lowu afaka vaku i Pala hi Xiheberu Golgota.

Lk 20:45

A tiko hinkwadru driku na drimuyingela, Yesu aku ku vadondrisiwa: Tivonani ku vadondrisi va Nawu lava varandraka kuratela, na vayambali swiyambalu leswi swakuleha, varandra ni kulosiwa tihubyeni.

Marka 10:21

Kambe Yesu amulavisa, amurandra, aku ku yene: I xin'we ntsena lexi upfumalaka xone; famba uyaxavisa hinkwaswu leswi unganaswu unyika a mali ku swisiwana, kutani utavani nhlengwe atilweni. Ntrhaku tana unilandra.

Marka 7:14

Yene ayengeta avitana a xitrhungu aku ku xone: Niyingelani hinkwenu n'wiva n'wiyingelisisa.