Marka 8:31 - Testamente Ledrimpswha ni Mapsalma

³¹ Kolanu, asunguli kudondrisa a vadondrisiwa vakwe leswaku swifanekeli a N'wana wa Mhunu atwisiwa kuvaviseka loku kulu, ni kutxukumetiwa hi vakulu va tiko ni vaprista lava vakulu ni vadondrisi va Nawu, ava adlawa, atlhela apfuka kufeni loko kuhundri masiku mararu.

Marka 8:31 Referans Kwoze

Mintiro Ya Vapostola 7:35

Moxe yelweyo vangamulandrula vaku: Hi mani lweyi akubekiki kuva murangeli ni mutremi? Kambe Xikwembu Nkulukumba amurumiki, ava murangeli ni mutiruli, hi ntrumi leyi yihumeleliki ankun'hwini.

Yohana 2:19

Yesu avayangula, aku: Hahlulani a Tempele ledri, kutani mine nitadripfuxa ha masiku mararu.

Lk 24:26

Xake, afa swingafanekeli Kriste atwa kuvaviseka, ava anhingena kuphatimeni kwake?

Lk 17:25

Kambe swifanekeli aranga atwisiwa kuvaviseka loku kukulu, ava adreliwa hi vhanu va nkama lowu.

Marka 12:10

Xana an'wihlayanga a Tralwa ledri driliki: A ribye ledri a vayaki vadridreliki, hi drone driyentxiwaka dra kusungula dra hoka.

Mt 21:42

Kutani Yesu aku ku vone: Xana an'wingihlaya a Matralwa lawa maliki: A ribye ledri a vayaki vadridreliki, hi drone dringayentxiwa ribye ledri dra kusungula dra hoka. Swayentxiwi hi HOSI, na kone hi leswi swihlamalisaka amahlweni yeru!

Mt 12:40

Swanga hi leswi Yona angava khurini dra nhlampfi masiku mararu ni vusiku byiraru, hi swoswo a N'wana wa Mhunu atatrhama masiku mararu ni vusiku byiraru andreni ka misava.

I Kor 15:4

ni leswaku alahliwile ntrhaku apfuka akufeni hi siku dra vuraru, swanga hi kuhlaya ka Matralwa;

Lk 24:44

Yesu ahangaku ku vone: Hiwo maritu lawa ningan'wibyela, loko nahali na n'wine niku: Swifanekeli kuhetiseka hinkwaswu leswi swingatraliwa hinkonta yanga aNawini wa Moxe ni le madrunguleni ya vaprofeta ni le Swidrumiseni.

Yohana 12:48

Lweyi anifularelaka, ava angayamukeli maritu yanga, ani lweyi amuyavanyisaka; a maritu lawa nimahlayaka hi wone matakamuyavanyisa hi siku dra vugamu.

Mt 27:63

vaku: N'winyi weru, hahadrimuka leswaku a mukanganyisi lwiya, loko ahahanya ati: Nitapfuka akufeni loko kuhundri masiku mararu.