Marka 2:12 - Testamente Ledrimpswha ni Mapsalma

¹² A mhunu lweyi wa mbabyi ahanga pfuka, ahatla atlakula vunanu, ahuma mahlweni ka hinkwavu, lakakuva vahlamala hinkwavu. Vatwalisa Xikwembu Nkulukumba, vaku: Ahingiswivona swanga hi leswi!

Marka 2:12 Referans Kwoze

Mt 9:33

Loko Yesu ahlongoli demoni, kutani lweyi afaka ali mbheveve asungula kukhanela. A vhanu vahlamala ngopfu vaku: Ahingivona swanga hi leswi a Israyeleni!

Mt 9:8

Loko a switrhungu swivoni leswo, swiveni kutxhava, kutani switwalisa Xikwembu Nkulukumba, lweyi anyikiki ntamu wolowo ku vhanu.

Lk 7:16

Loko vavoni leswi vakhomiwa hi kutxhava hinkwavu vasungula kutwalisa Xikwembu Nkulukumba vaku: A muprofeta lwenkulu ahumeleli a makari kweru! Vatlhela vaku: Xikwembu Nkulukumba ayendreli tiko drakwe!

Mintiro Ya Vapostola 4:21

Kolahu a vafumi vatlhela vavatratriya, vavantrhunxa. Avakumanga laha vangavabaka ha kone, hikusa hinkwavu afa vadrumisa Xikwembu Nkulukumba hi leswi swihumeleliki.

Yohana 9:32

Kusukela akusunguleni ka misava akungiyingeliwa ni siku ni drin'we leswaku mhunu asama apfula mahlu amun'wana mhunu lweyi apswaliwiki na afi mahlu.

Yohana 7:31

Lava vavanyingi amakari ka xitrhungu vapfumela ku yene, vaku: Xana loko Kriste atata, atayentxa mahlolana lawa matlulaka lawa mayentxiwaka hi mhunu lweyi xana?

Lk 17:15

Kambe mun'we ku vone, atiki avona leswaku ahanyisiwile, atlhelela ntrhaku na twalisa Xikwembu Nkulukumba hi ritu ledrakutlakuka.

Lk 13:13

Ava amuntlhanteka ni mavoko, hi nomu-lo awololoka, adrumisa Xikwembu Nkulukumba.

Lk 5:26

Hinkwavu vahlamala ngopfu vatwalisa Xikwembu Nkulukumba, vatala hi kutxhava, vaku: Namunhla hivoni mahlolana!

Marka 1:27

A vhanu vahangahlolelwa hinkwavu, vava vavutisana, vaku: Xana impswini leswi? Van'wana vaku i dondro yimpswha ni ya ntamu! Mfuri yene aleleta ni mimoya leyi mimfani mimuyingiseta.

Mt 15:31

lakakuva a switrhungu swihlamala ngopfu hi kuvona a timbheveve loko tisungula a kukhanela, a swilema swihanyisiwa, a vakukhuta vasungula kufamba swinene, ni vakufa-mahlu vasungula kuvona. Kutani vatwalisa Xikwembu Nkulukumba wa Israyele.

Mt 12:23

A switrhungu hinkwaswu afa swihlamala swiku: Xana yelweyi ahi N'wana Davida?

Marka 2:11

Pfuka, utlakula vunanu byaku, utifambela a kaya kwaku.