Marka 16:17 - Testamente Ledrimpswha ni Mapsalma

¹⁷ Lava vatakavani kupfumela vatatibyiwa hi swikombiso leswi: Hi vito dranga vatahlongola mademoni, ni kukhanela tindrimi timpswha.

Marka 16:17 Referans Kwoze

Mintiro Ya Vapostola 5:16

Kambe a vunyingi bya vayaki va le mitini leyi mivundramaniki na Yerusalema afa vatrutrumela kone, na vabuyisa timbabyi ni lava vaxanisiwaka hi mimoya ya xambya; hinkwavu afa vaholisiwa.

I Kor 12:28

Nakone, Xikwembu Nkulukumba abeki van'we, a Kerekeni, hi kusungula a vapostola; hi kulandra, a vaprofeta; a va vuraru, i vadondrisi; ntrhaku, kulandra a vayentxi va mahlolana; ntrhaku a tinyiko ta kuholisa, ni ta kupfuna, ni ta vurangeli, ni ta kuvulavula a tindrimi ta tinxaka-xaka.

I Kor 12:10

mun'wana mfuri a ntamu wa kuyentxa mahlolana, mun'wana a vuprofeta, mun'wana a kutivisisa a mimoya hi vuyentelelo, mun'wana a kukhanela tindrimi ta tinxaka-xaka, mun'wana a kutitlhamuxela.

Mintiro Ya Vapostola 8:7

Hikusa a mimoya ya xambya leyi afaka mikhomi vanyingi, afa mihuma hi kuhuwelela hi ritu ledri drikulu; ni lava vanyingi va kuwonyana swiro ni va kukhuta afa vahanyisiwa.

Lk 10:17

A vadondrisiwa lava va ntlhanu wa makume na makume mabiri (70), vabuya hi kutrhava vaku: Hosi, nayo mimoya lemimfani amihluliwa ha hine loko hikhanela hi vito draku:

Mintiro Ya Vapostola 10:46

Hikusa afa vavayingela vakhanela hi tindrimi, vadrumisa Xikwembu Nkulukumba. Petrosi ahangavutisa aku:

Yohana 14:12

Nihlayelamfuri nili ku n'wine: Lweyi apfumelaka ku mine, na yene atatira mintiro leyi nimitiraka; atatira ni leyi mitlulaka yone, hikusa niya ku Tatana.

Mintiro Ya Vapostola 19:6

Kutani loko Pawulosi ava ntlhanteka mavoko, a Moya wa Kuxwenga wuxikela henhla kwavu, vahanga khanela hi tindrimi timbeni ni kuprofeta.

I Kor 14:2

Hikusa lweyi avulavulaka hi tindrimi angavulavuli na vhanu, kambe avulavula ni Xikwembu Nkulukumba, hikusa akuna mhunu lweyi amuyingelaka, kambe amoyeni avulavula a swihundla.

I Kor 12:30

Xana hinkwavu vangavani tinyiko ta kuholisa? Xana hinkwawu vavulavula a tindrimi ta tinxaka-xaka? Xana hinkwavu vakota a kutlhamuxela a tindrimi?

I Kor 13:1

Nambi loko mine ningavulavula a tindrimi ta vhanu ni ta tintrumi, loko ningana lirandru, nifana ni nhumbu leyi yipfumaka, xinsimbana lexi xihambaka a mpfumawulu.

Mintiro Ya Vapostola 16:18

Ayentxa swoswo hi masiku manyingi. Kolahu, Pawulosi loko swimukaratile, andruluka aku ku moya wolowo: Nakuleleta hi vito dra Yesu Kriste, leswaku uhuma ku yene! Amoya wahanga huma hi wolowo nkama.

Marka 9:38

Yohana aku ku Yene: Mundondrisi, hivoni mhunu ahlongolaka mademoni hi vito draku, kambe himutsimbile, hi leswi angahilandrikiki.

Mintiro Ya Vapostola 2:33

Hileswo-ke atiki awatlakuxiwa axineneni xa Xikwembu Nkulukumba, ayamukeliki ni xidumbiso xa Moya wa Kuxwenga ku Tatana, atxheli ahenhla kweru leswi na n'wine n'wiswivonaka ni kuswiyingela.