Marka 13:9 - Testamente Ledrimpswha ni Mapsalma

⁹ Tivonelani swinene! Vatan'wiyisa tihubyini, n'witabiwa masinagogeni. Nakone n'witanyiketiwa amahlweni ka tindruna ni vafumi hinkonta yanga, akuva n'wiva timboni.

Marka 13:9 Referans Kwoze

Yohana 16:2

Vatan'wihlongola amasinagogeni; na swone a nkama wata lowu mun'wana-ni-mun'wana lweyi atakan'widlaya atakapimisa leswaku atirela Xikwembu Nkulukumba.

Marka 13:5

Yesu ahangasungula kuvabyela, aku: Tivonelani leswaku a mhunu angatin'wikanganyisa!

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.

Mpfuletelo 2:10

Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.

Mpfuletelo 1:9

Mine Yohana, makwenu ni muhlengeli na n'wine akuxanisiweni, ni le Mfun'wini, ni le kutiyiseleni loku kunga ku Kriste, nivi axihlaleni lexi xitxhuliwaka Patimosi, hinkonta ya ritu dra Xikwembu Nkulukumba, ni vumboni bya Yesu.

II Tsl 1:5

Leswo i xikombiso swoswi xa yavanyiso dra kululama, ledri Xikwembu Nkulukumba ataka paluxa mfanelo ya Mfumu wakwe, hi lirandru droledri n'wine n'wirwaliki mahlomulo ya kunhati.

Va-le-Filipiya 1:29

Hikusa hinkonta ya Kriste n'winyikiwile, kunge hi kupfumela ku Yene ntsena, kambe na swone hi kuvaviseka ha Yene;

Mintiro Ya Vapostola 21:11

loko atlhasi ku hine, ateka bandi dra Pawulosi, atitrimba minenge ni mavoko aku: A Moya wa Kuxwenga wuhlaya leswaku anuna lweyi a bandi ledri dringa drakwe, a va-Yuda vata mutrimbisa xiswoswi a Yerusalema, vamunyiketa amavokweni ya va-Matiko.

Mintiro Ya Vapostola 9:16

Hikusa nitamukomba mahlomulu hinkwawu atakafanela kumayingela hinkonta ya vito dranga.

Mintiro Ya Vapostola 7:54

Vaku vayingela leswo, vahlundrukisisa timbilwini tavu, vamuketrenyela menyo.

Yohana 15:20

Drimukani leswi nin'wibyeliki swone, loko niku: A nandra ahi nkulu ku n'winyi wakwe loko vanixanisile, na n'wine vatan'wixanisa; loko vabekisi ritu dranga, ni dro drenu vatadribekisa.

Lk 9:5

Kambe loko vangan'wiyamukeli atikweni ledro humani ku drone, phumunani ntrhuri aminengeni yenu, byitava vumboni ku vone.

Marka 6:11

Nakone loko ku mun'we mbangu vayala a kun'wiyamukela ni kun'wiyingiseta, sukani kone n'wiphumuna a ntrhuri lowu wunga minengeni yenu, swanga xitiviso ku vone.

Marka 1:44

Tivoneli, ungayibyela mhunu xa ntxhumu. Kambe famba ku muprista, akuva uyisa ku yene leswi Moxe angaleleta swone, hinkonta ya kubasisiwa kwaku, leswaku byiva vumboni ku vone.

Mt 5:22

Kambe mine nili ku n'wine: Mun'wana-ni-mun'wana lweyi ahlundrukelaka wa-le-kwavu, atafanela kuyavanyisiwa; ni lweyi arukaka a wa-le-kwavu amutxhula singe atayavanyisiwa hi huvu; ni lweyi atakamutxhula xihunguki afanekeliwa hi kutxukumetiwa a Geheneni (andrilweni lowu wungatimekikiki).

Marka 13:8

Hikusa drin'we tiko dritapfukela drin'wana, ni mfumu mun'we wutapfukela wun'wana; na kone kutava ni kutrekatreka ka misava, ku mimbangu min'wana kutava ni tindlala. Hinkwaswu leswo atava masungulu ya mahlomulu.

II Yhn 1:8

Tivonelani, akuva n'wingalahlekeliwi hi mihandru ya leswi n'wiswitireliki, kambe akuva n'wiyamukela hakelo ledri fanekelaka.