Marka 12:37 - Testamente Ledrimpswha ni Mapsalma

³⁷ Ke, loko Davida amutxhula Hosi, swingayentxisa kuyini xana Kriste ava n'wanakwe? A xitrhungu hinkwaxu afa ximuyingiseta hi kutrhava.

Marka 12:37 Referans Kwoze

Mpfuletelo 22:16

Mine Yesu, ni rumi ntrumi yanga ya ta n'wibyela hinkwaswu leswi a makerekeni. Hi mine mutru ni lixaka dra Davida, a nyeleti ya kuphatima ya mixo.

Yakobe 2:5

Yingelani swinene vamakweru lava varandriwaka. Xikwembu Nkulukumba atihlawuleli lava vangaswisiwana ku mahlu ya misava, akuva avayentxa swipfundri hi kupfumela ni kuvayentxa vadi vapfindla va mfumu lowu Yene awudumbisiki lava murandraka?

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

Rm 9:5

Vone i valixaka dra vatatana; mfuri Kriste ahumi ku vone, hi nyama, lweyi angahenhla ka hinkwavu, akukhensiwi Xikwembu Nkulukumba hi minkama ni minkama. Amen!

Yohana 12:9

A xitrhungu lexi xikulu xa va-Yuda xiyingela leswaku Yesu akone Betaniya. Kutani xita kunge hikola ka Yesu ntsena, kambe ni kutatavona Lazaro, lweyi Yesu angamupfuxa kufeni.

Lk 21:38

A tiko hinkwadru afa driya ku yene ampundrwini, a ndlwini ya Hosi driya muyingela.

Lk 19:48

Swakuva leswi afaka vapfumala leswi vangayentxaka swone; hi leswi a tiko hinkwadru afaka drinamarela ku yene drimuyingela.

Mt 21:46

Kutani vadjula kumukhoma, kambe afa vatxhava switrhungu hi leswi vanyingi afaka vaku i muprofeta.

Mt 11:25

Ankameni wolowo, Yesu ayangula, aku: Nakukhensa Tatana, HOSI ya Tilo ni misava, hi leswi ungafihlela tintlhari ni vayingeli a timhaka leti, kambe utipfuleteliki ku vatrongwana.

Mt 11:5

Lava vakufa-mahlu vavona, a swilema swafamba, a va nhlokonho vabasisiwa, a vakufa-tindleve vayingela, a vafi vapfuxiwa, a swisiwana switivisiwa a Ivangeli.

Mt 1:23

A wanhwanyana atava ni nyimba, atapswala n'wana wa wandrisanyana, atatxhuliwa Emanuwele, swihlaya leswaku: Xikwembu Nkulukumba ana hine

Mt 21:45

Loko vaprista lava vakulu ni vafarisi vayingeli swifaniso swake, vativa leswaku afa ahlaya vone.