Marka 10:39 - Testamente Ledrimpswha ni Mapsalma

³⁹ Vone vaku: Hingaswikota! Kambe Yesu aku ku vone: A ntrheko lowu ninwaka, n'witawunwa, na drone a babatiso ledri nibabatisiwaka ha drone, n'witababatisiwa ha drone na n'wine,

Marka 10:39 Referans Kwoze

Mpfuletelo 1:9

Mine Yohana, makwenu ni muhlengeli na n'wine akuxanisiweni, ni le Mfun'wini, ni le kutiyiseleni loku kunga ku Kriste, nivi axihlaleni lexi xitxhuliwaka Patimosi, hinkonta ya ritu dra Xikwembu Nkulukumba, ni vumboni bya Yesu.

Mintiro Ya Vapostola 12:2

adlaya Yakobe makwa Yohana hi lipanga.

Va-le-Kolosa 1:24

Swoswi na nyoxa a mahlomulweni yanga hinkonta yenu, ni hetisisa leswi swisaliki swaku kuxaniseka ka Kriste hinkonta ya miri yake, inga Kereke.

Yohana 17:14

Nivanyiki ritu draku, kutani misava mivavengile, hikusa ahi va misava, swanga ha mine ningeke wa misava.

Yohana 15:20

Drimukani leswi nin'wibyeliki swone, loko niku: A nandra ahi nkulu ku n'winyi wakwe loko vanixanisile, na n'wine vatan'wixanisa; loko vabekisi ritu dranga, ni dro drenu vatadribekisa.

Yohana 13:37

Petrosi aku ku yene: Hosi, xana ninga hluleka kukulandra swoswi hikola kayini xana? Ninga nyiketa vutomi byanga hikola kwaku!

Marka 14:36

Afa aku: Abba, Tatana, ku Wene hinkwaswu swakoteka. Trhindreta a ntrheko lowu kule na mine. Kambe, kungayentxiwi a kurandra kwanga, kambe im'na, akuyentxiwi a kurandra kwaku.

Marka 14:31

Kambe Petrosi afa ahundrisa akuhlaya aku: Nambi swifanekela akuva nifa na Wene, ningaka ningakulandruli. Na vone a van'wana hinkwavu vahlayisa xiswoswo.

Mt 10:25

Swadringana ku mudondri ava swanga hi mudondrisi wakwe, ni nandra ava swanga hi n'winyi wakwe. Loko-ke varuki a n'winyi wa yindlu vamuhlaya Beelzebule, xana vangaka vangatxhuli ngopfu vone lava vatrhamisaka na yene?

Mt 3:6

Afa vababatisiwa ha yene anambyeni wa Yordana, na vatihlaya swidoho swavu.