Marka 10:30 - Testamente Ledrimpswha ni Mapsalma

³⁰ yelweyo atayamukela leswi switlulaka ka dzana (100) swoswi amisaveni leyi, a tiyindlu ni vamakwavu va vaxinuna ni vaxisati, ni vamamana ni masimu, kun'we ni tinxanisa. Nakone atakuma a vutomi lebyi byingahelikiki ankameni lowu wutaka.

Marka 10:30 Referans Kwoze

Va-le-Filipiya 3:8

Mfuri, nihlaya hinkwaswu leswaku i swakuka ndlela, hinkonta ya vutivi lebyi byitlakukiki ngopfu bya Hosi yanga, Kriste Yesu, hikola kwake nilahlekeliwi hi hinkwaswu, niva ni swifananisa ni swanga xambya, akuva nitakota kukuma Kriste,

Lk 18:30

angatiki yamukela leswi switlulaka ngopfu ankameni lowu, na ankameni lowu wutaka atakuma vutomi lebyi byingahelikiki.

II Kor 6:10

hivi lava vaxukuvalisiwaka, kambe hitrhava hi minkama hinkwayu; swanga swisiwana, kambe hifuyisa lava vanyingi; na hinge na ntxhumu, kambe hive ni hinkwaswu.

Yakobe 1:12

Anindjombo lweyi atiyiselaka mindringweni, hikuva loko akumiwa na atiyiselili andringweni atayamukela a ngiyana ya vutomi lebyi byingahelikiki, lebyi Xikwembu Nkulukumba adridumbisiki lava vamurandraka.

Yakobe 5:11

Hili, vakatekile lava vatiyiseliki. N'wine n'wiswiyingelile loko kukhaneliwa hi kulavisela ka Yob, na kone n'wiswivonile, a Hosi yi munyikile; hikusa a Hosi yitali hi timpswalu ni lirere.

Mpfuletelo 3:18

nakulaya leswaku utixavela ku mine a gole dra lisima ngopfu, akuva utava xipfundri, utavani swiyambalu swa ntlhohe akuva utiyambexa, tingativoneka a tingana ta vusweti byaku, ni muri wa kutota mahlu yaku, akuva utavona.

I Tmt 6:6

Kambe kunene, a vukhongoti kun'we ni kutrhava i bindru drikulu.

Mintiro Ya Vapostola 5:41

A vapostola vahuma, hubyini na vatrhavi ngopfu, hi kuva vakumi mfanelo ya kuxanisiwa hinkonta ya vito dra Yesu.

I Yhn 3:1

Lavisani vukulu bya lirandru ledri Xikwembu Nkulukumba Tatana, ahi randriki ha drone, kukota hihlayiwa vana va Xikwembu Nkulukumba! Kutani hine hi vana ha kunene! Hiswoleswo a misava amihitivi, hi laha mingativikiki Xikwembu Nkulukumba.

II Tsl 2:16

Ingi a Hosi yeru Yesu Kriste ha swake ni Xikwembu Nkulukumba Tatana weru, lweyi ahirandriki hi timpswalu takwe, ahinyikiki xixixi xa kutiya ni kulavisela kukulu,

Rm 6:23

Hikusa a hakelo dra xidoho i kufa, kambe a nyiko leyipfaka ku Xikwembu Nkulukumba i vutomi lebyi byingahelikiki hi ntlhanganu na Kriste Yesu Hosi yeru.

Rm 5:3

Swinge leswo ntsena, kambe hi titwalisa ni le mahlomulweni, hi kutiva leswaku a mahlomulo ma vanga kutiyisela,

Mintiro Ya Vapostola 16:25

A vusikwini, Pawulosi na Silasi afa vayimbelela Xikwembu Nkulukumba hi kukhongota, na vabohiwa van'wana vavayingela.

Yohana 10:23

kutani Yesu afa aratela Tempeleni, aligumbeni dra Salomoni.

Mt 12:32

Ni loko kumbe mhunu ahumexela ritu dra kubiha ku N'wana wa Mhunu, atadrivaleliwa kambe kungaku loko ahlayi, asandra a Moya wa Kuxwenga, angaka angadrivaleliwi, nambi kuva ankameni lowu, nambi ali nkameni lowu wutakata.

Mt 6:33

Djulisisani kusungula a Mfumu wa Xikwembu Nkulukumba ni kululama kwake, kutani hinkwaswu leswo n'witayengeteliwa.

Mpfuletelo 2:9

Nitiva a nhlomulu waku ni vusiwana byaku, kambe uxipfundri, mfuri a kusandra ka lava vatihlayaka va-Yuda, na kasi ahi va-Yuda, kambe vone i sinagoga dra Sathana.

I Yhn 2:25

Lexi hixone xidumbiso lexi Yene ahidumbisiki, anga vutomi lebyingahelikiki.

Mt 13:8

Kutani tin'wana mfuri, tiwela amisaveni leminene, tihumexa a mihandru ya kuxonga: yin'we a mbewu yihumexa dzana (100), yin'wana ntlhanu wa makume na drin'we (60), ni yin'wana makume mararu (30) ya tinhleke.

Mintiro Ya Vapostola 14:22

lomu vatiyisiki vapfumeli, ni kuvaleleta leswaku vaya mahlweni vatiyisela kupfumeleni, ni kuvadondrisa leswaku hikola ka mahlomulu lawa manyingi, swifaneli hinhingena a Mfun'wini wa Xikwembu Nkulukumba.

I Tmt 4:8

Hikusa a kutinyiketela antirweni wa miri swipfuna kutrongo, kambe a ntiro wa vukhongoti wapfuna ku hinkwaswu, na kone wuni xidumbiso xa vutomi bya swoswi ni bya nkama lowu wutaka.