Marka 10:14 - Testamente Ledrimpswha ni Mapsalma

¹⁴ Yesu atiki aswivona, asola, aku ku vone: Trikani a vatrongwana vata ku mine, n'wingavatsimbeni hikusa a Mfumu wa Xikwembu Nkulukumba i wa volava vafanaka na vone.

Marka 10:14 Referans Kwoze

Mt 19:14

Kambe Yesu aku ku vone: Trikani vatrongwana vata ku mine. N'wingavasiveleni hikusa a Mfumu wa Matilo i wa lava vanga ha vone.

Mt 18:10

Tivonelani! N'wingadreli ni mun'we ku vatrongwana lava. Hikusa nan'wibyela leswaku a tintrumi tavu a Matilweni, minkama hinkwayu tilavisa liso dra Tatana wanga, lweyi anga Matilweni. [

Mt 18:4

Hileswo-ke lweyi atakatitrongohata swanga hi ntrongwana lweyi, hi yene anga lwenkulu a Mfun'wini wa Matilo.

I Ptr 2:2

swanga swihlangi leswi swahaka kubelekiwa, navelani a ntrwamba lowu nene wa moya, akuva ha wone n'wikula akuhulukeni,

II Tmt 3:15

Ni leswaku wa mativi nawehentrongo, a Matralwa ya Kuxwenga, lawa manga ni ntamu waku kutlharihisa, ukota uhuluxiwa hi kupfumela loku kunga ku Kriste Yesu.

Mpfuletelo 14:5

Akukumiwanga madrimi a milon'wini yavu. Hikusa avatihonanga.

II Tmt 1:5

hi kukumbuka kupfumela kwaku loku ngeke na kukanganyisa, loku afaka ali naku kokwana waku Loyide kusunguleni, ni mamana waku Ewunice, ni nikudumba leswaku unaku na wene.

Ef 4:26

Hlundrukelanani, kambe n'winga dohi; n'wingavi trika a dambu dri pela na n'waha hlundrikile.

I Kor 14:20

Vamakweru, n'wingavaneni switrongotwana amayanakanyeleni, vanani switrongotwana ku leswi swimfani; kambe amayanakanyeleni, vanani lava vawupfiki.

I Kor 7:14

Hikusa a nuna lweyi angapfumelikiki axwengisiwa hi nsati, ni wansati lweyi angapfumelikiki, axwengisiwa hi nuna. Loko afa swingali tanu, a vana venu ana vangabasanga; kambe swoswi vaxwengile.

Rm 11:28

Hi kuyelana ni Ivangeli, a va-Yuda i valala va Xikwembu Nkulukumba hinkonta yenu. Kambe vahatama vava vahlawuliwa va Xikwembu Nkulukumba hinkonta ya vakokwana vavu.

Rm 11:16

Hileswo-ke, loko swirangana swixwengile, na yo mbila ya xwenga. Loko a mutru wu xwengile, na to tinkambu ta xwenga.

Mintiro Ya Vapostola 3:25

N'wine n'wi vana va vaprofeta ni vana va xipfumelelanu lexi Xikwembu Nkulukumba angaxihamba ni vatatana venu, loko aku ku Abrahamu: avatukulwini vaku, a matiko hinkwawu matakatekisiwa.

Mintiro Ya Vapostola 2:39

Hikusa a xidumbiso i xenu ni vana venu, ni hinkwavu lava vanga ku le, anga hinkwavu lava Hosi Xikwembu Nkulukumba weru atakavavitana.

Marka 8:33

Kambe Yene andruluka avona vadondrisiwa vakwe alaya Petrosi aku: Suka lani ku mine Sathana! Hikusa awuyanakanyi swa Xikwembu Nkulukumba kambe uyanakanya a swa vhanu.

Marka 3:5

Yesu atiki avarala-rala hi mahlu na ahlundrukile, avaviseka hinkonta yakunonon'hwa ka timbilu tavu, aku ku nuna lweyo: Nalavuta a voko. Ahanga drinalavuta, dritlhela driwololoka.

Mt 5:3

Vakatekile lava vanga swisiwana amoyeni, hikusa a Mfumu wa Matilo i wavu!

Mt 5:10

Vakatekile lava vaxaniseliwaka kululama, hikusa a Mfumu wa Matilo i wavu!

Yohana 3:3

Yesu amuyangula, aku: Nihlayelamfuri nili ku wene, akuna mhunu lweyi angavonaka Mfumu wa Xikwembu Nkulukumba, loko angatlhelanga apswaliwa hi vumpswha

Yohana 3:5

Yesu ayangula, aku: Nihlayelamfuri nili ku wene, loko mhunu angapswaliwi hi mati ni Moya, angaka anganhingeni Mfun'wini wa Xikwembu Nkulukumba.