Marka 1:14 - Testamente Ledrimpswha ni Mapsalma

¹⁴ Kuti antrhaku kakubohiwa ka Yohana Mubabatisi, Yesu atlhelela Galileya, arera a Ivangeli ya Xikwembu Nkulukumba, aku:

Marka 1:14 Referans Kwoze

Mt 4:23

Yesu afa afamba hi tiko hinkwadru dra Galileya, adondrisa amasinagogeni ya kone, arera a Ivangeli ya Mfumu, ahanyisa a vhanu lava vanyingi amavabyini yavu hinkwawu ni le tinxanisweni tavu hinkwatu.

Mt 4:12

Loko Yesu ayingeli leswaku Yohana Mubabatisi abohiwile, atlhelela Galileya.

Ef 2:17

Kriste atile, hikolahu ka kutivisa Ivangeli ya kurula, ngopfu ku n'wine lava afaka n'wili kule, kufana ni lava afaka vali kusuhi.

Lk 8:1

A ntrhaku ka swone, Yesu atifambela hi miti ni mitana, a dondrisa Ivangeli ya Mfumu wa Xikwembu Nkulukumba. Lava va khume na vabiri afa vafamba na yene,

Mintiro Ya Vapostola 28:23

Vamubekela a siku. Ntrhaku vayabuya ku yene a ndlwini yake, na vali vanyingi. Yene avatlhavukanyisa hi kuhambela vumboni a Mfumu wa Xikwembu Nkulukumba; adjuletela a kuvakholwisa mayelano na Yesu, na asukela a Nawini wa Moxe ni ku vaprofeta, kusukela amixweni kuyatlhasa amadambyeni.

Mt 9:35

Yesu afa afamba-famba hi miti ni swimitana, adondrisa amasinagogeni, arera Ivangeli ya Mfumu wa Matilo, na ahanyisa hinkwatu tinxaka ta mavabyi ni minkaralu.

Mintiro Ya Vapostola 20:25

Swoswi vonani, naswitiva leswaku n'wingahatlheli n'wivona a liso dranga, n'wine hinkwenu ningafamba-famba amakari kwenu na nidrungulela a ta Mfumu wa Xikwembu Nkulukumba.

Mt 14:2

kutani aku ku malandra yake: Lweyo hi Yohana Mubabatisi apfukiki kufeni. Hileswo-ke a mahlolana lawa mayentxiwa hi yene.

Lk 3:20

Kolahu Heroda ayengesela a vubihi byin'wana byikulu hi kupfalela Yohana abohelweni.

Mt 11:2

Loko Yohana ayingeli, na ali bohelweni, ta mintiro ya Kriste, arumi ku Yene van'we ku vadondrisiwa vakwe,

Mt 4:17

Kusukela kolahu Yesu asungula a kurera aku: Ndrulukani, hikusa a Mfumu wa Matilo wu kusuhi!

Rm 1:1

Mine Pawulosi ningamutiri wa Yesu Kriste, nivitaniwiki nihlawuliwa akuva mupostola wa Ivangeli ya Xikwembu Nkulukumba,