56 Vahangaya ku mun'wana mutana.
Ungahluliwe hi swakubiha, kambe hlula swakubiha hi leswi swinene.
Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.
Xikwembu Nkulukumba angarumanga N'wanakwe misaveni akuta yavanyisa misava, kambe afa ayentxela leswaku misava mihuluxiwa hi yene.
A muyivi atela kuyiva ntsena, ni kutlhava, ni kudlaya. Mine nitile leswaku tihamba tanga tivani vutomi, tibyikuma hi ntalo.
Hikusa a N'wana wa Mhunu ateli kudjula ni kuhuluxa leswi swilahlekiki.
Tivonelani! N'wingadreli ni mun'we ku vatrongwana lava. Hikusa nan'wibyela leswaku a tintrumi tavu a Matilweni, minkama hinkwayu tilavisa liso dra Tatana wanga, lweyi anga Matilweni. [
A ritu ledri dra dumbeka, na kone drifanela kuyamukeliwa hi kudumba hinkwaku, leswaku Kriste Yesu ati misaveni, atatahuluxa vadohi, lava mine ninga lwenkulu ku vone.
Ni loko mhunu ayingela maritu yanga, kutani angamabekisi, animuyavanyisi, hikusa anitelanga kuyavanyisa misava, kambe niteli kumihuluxa.
Kutani Yesu aku: Tatana, vadrivalele, hikusa avaswitivi leswi vaswiyentxaka! Vayavelana swiyambalu swake, hi kuswihlahluva hi mpswhampswha.
Yesu ayangula aku: Trikani! N'wingahaswiyentxi. Akhumba ndleve ya lweyo amuholisa.
Kambe mine nili ku n'wine: N'wingayaleleni lweyi mfani. Loko mhunu akuhodlota lirama dra xinene, munyiki ni drin'wana.
Kutani Yesu andrulukeliki ku vone avatshinya.
Loko vali ndleleni, amun'we mhunu aku ku Yesu: Nitakulandra hinkwaku lomu uta kaya kone.
Ha kunene a N'wana wa Mhunu ateli kutahuluxa leswi afaka swilahlekile.]
