Lk 9:47 - Testamente Ledrimpswha ni Mapsalma

⁴⁷ Yesu, ativiki leswi afaka vapimisa swone, ateka a ntrongwana, amuyimisa kusuhi na yene,

Lk 9:47 Referans Kwoze

Yohana 16:30

Swoswi hayingelisisa leswaku utiva hinkwaswu, kolahu aswifaneli leswaku mhunu akuvutisa ntxhumu. Hikola ka leswo, hapfumela leswaku upfa ku Xikwembu Nkulukumba.

Mpfuletelo 2:23

Nitadlaya a vana vakwe hi lifu. Kutani a makereke hinkwawu mataswitiva leswaku hi mine lweyi akambisisaka miyanakanyu ni timbilu ta vhanu, mfuri nitan'winyika, mun'wana-ni-mun'wana hi kulandra a mintiro yenu.

Va-Heberu 4:13

Mfuri akuna xivumbiwa lexi xifihliwiki xingavonekisiwiki amahlweni kwake, kambe hinkwaswu swe dlaa, swi le livaleni, amahlweni ka lweyi hifanekelaka kutiyangulela.

Lk 5:22

Kambe Yesu ativa leswi vaswiyanakanyaka, avayangula aku: Xana n'wipimisela yini xiswoswo?

Mt 9:4

Kambe Yesu atiki ativa miyanakanyu yavu, avavutisa aku: Xana n'wiyanakanyela yini leswi swakubiha atimbilwini tenu?

I Kor 14:20

Vamakweru, n'wingavaneni switrongotwana amayanakanyeleni, vanani switrongotwana ku leswi swimfani; kambe amayanakanyeleni, vanani lava vawupfiki.

Yohana 21:17

Atlhela aku ku yene dra vuraru: Simoni, n'wana Yohana, xana wanirandra xana? Petrosi avaviseka hi mhaka ya leswi amuvutisiki dra vuraru aku: Xana wanirandra xana? Kutani aku ku yene: Hosi, utiva hinkwaswu, waswitiva leswaku nakurandra. Yesu aku ku yene: Byisa tihamba tanga.

Yohana 2:25

Na swone afa swingafanekeli leswaku mhunu mun'wana amubyela ta mun'wana, hikusa afa ativa leswi swinga mbilwini ya mhunu.

Mt 12:15

Loko Yesu aswitivile, asuka kolahu, kutani a vhanu vanyingi vamulandra; Yene ahanyisa hinkwavu