Lk 9:26 - Testamente Ledrimpswha ni Mapsalma

²⁶ Lweyi atakavani tingana ha mine ni hi maritu yanga, na yene N'wana wa Mhunu atava ni tingana ha yene, loko atabuya hi kuphatima kwake ni kuphatima ka Tatana wakwe, ni ka tintrumi ta kuhlawuleka.

Lk 9:26 Referans Kwoze

II Tmt 2:12

Loko hitiyisela na hine hita fuma na Yene; loko himulandrula, na Yene ata hilandrula.

Rm 1:16

Aninatingana hi Ivangeli ya Kriste. Hikusa kunene hi wone ntamu wa Xikwembu Nkulukumba wa kuhanyisa hinkwavu lava pfumelaka, kusungula a va-Yuda ni va-Matiko.

Marka 8:38

A mhunu lweyi atakavani tingana ha mine ni maritu yanga amakari ka lixaka dra kusandra, ni dra kudoha, a N'wana wa Mhunu na yene atava ni tingana ha yene, a siku atakabuya hi kuphatima ka Tatana wakwe, kun'we ni swirun'wa leswi swakuxwenga.

Mpfuletelo 21:8

Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.

Mt 16:27

A N'wana wa Mhunu atata hi kuphatima ka Tatana wakwe, kun'we ni tintrumi takwe, kutani atatlhelisela mun'wana-ni-mun'wana kuya hi matirela yake.

Mt 25:31

Kambe kutaku loko a N'wana wa Mhunu ata vumenyemenyeni byake, kun'we ni tintrumi hinkwatu, atatrhamisa a xitrhan'wini xa vumenyemenye byake.

Yohana 12:43

Hikusa varandri kutwalisiwa hi vhanu kutlula kutwalisiwa hi Xikwembu Nkulukumba.

Mpfuletelo 20:11

Ntrhaku ni voni xiluvelo lexi xikulu xa kuphatima, ni lweyi afaka atrhami ku xone. A tilo ni misava switrutruma mahlweni ka vuso byake, akavanga ni mbangu ku vone.

Yd 1:14

Na yene Henoki, lweyi wa vuntlhanu na vabiri antrhaku ka Adamu, aprofetile ha vone, aku: Lavisa, Hosi yata ni madzana-dzana ya Yone,

II Tmt 1:12

Hileswo-ke naxaniseka ha swone; kambe anina tingana hikusa nitiva lweyi nipfumeliki ku yene, nidumba leswaku ana ni ntamu wa kubekisa leswi nibekiki ku yene, kukota kutlhasa ledro siku.

Mpfuletelo 3:5

A muhluli atayambexisiwa xiswoswo, hi swiyambalu swa ntlhohe, mfuri ningaka ningatimi ni kutrongo a vito drakwe abukwini dra vutomi; na kone nitahlaya a vito drakwe amahlweni ka Tatana wanga, ni le mahlweni ka tintrumi takwe.

Mpfuletelo 1:7

Vonani, awata hi le makari ka matlavi, a mahlu ya vhanu hinkwavu matamuvona, nambi lava vamutlhaviki, mfuri a vhanu va tinxaka hinkwatu ta misava vatamudrilela, im'na, Amen!

Gl 6:14

Kambe mine, anidjuli kutitwalisa loko kunge xihambanwini xa Hosi yeru Yesu Kriste; lweyi amisava mivambiwiki ku mine ha Yene, na mine ni vambiwile ku yone.

Mt 26:64

Yesu ayangula aku ku yene: Uhlayi swone. Mfuri nan'wibyela leswaku, kusukela swoswi, n'witavona a N'wana wa Mhunu atrhami xineneni xa ntamu wa Xikwembu Nkulukumba, ata henhla ka matlavi ya tilo.

Va-Heberu 13:13

Hileswo-ke ahiyeni ku Yene a handle ka magovela, hi rwala xisandru xakwe.

Va-Heberu 11:26

Apimisa leswaku akusandriwa ku Kriste i vupfundri lebyitlulaka nhlengwe ya le Egipta. Hikusa afa a langusela kutlheliseliwa.

II Kor 12:10

Na nyoxa hikola ka gome, aswiruko, akupfumala, akuxanisiwa ni kubindreliwa hinkonta ya lirandru dra Kriste. Hikusa, loko nini gome, lahu hi kone ninga ni ntamu.

Yohana 5:44

Xana n'wingapfumelisa kuyini leswi n'wirandraka kutwalisana, n'wingadjuli kutwalisiwa loku pfaka ku Xikwembu Nkulukumba ha swake?

Mintiro Ya Vapostola 10:22

Vone vaku: Hipfa hi ku Korneliyo, a ndruna ya dzana, anga wanuna wa kululama, atxhavaka Xikwembu Nkulukumba, lweyi akhensiwaka hi tiko hinkwadru dra va-Yuda, apfuleteliwiki hi ntrumi ya kuxwenga, akuva akuvitanela a kaya kwake, atayingela leswi utakamubyela swone.

I Tmt 5:21

Nikuleleta hi ntamu, mahlweni ka Xikwembu Nkulukumba ni le ku Hosi Yesu Kriste, ni le ku tintrumi leti tihlawuliwiki, leswaku ubekisa a swileleto leswi, ungarangisi swiyavanyiso swa magugu, ungayentxi ntxhumu hi xihlawu-hlawu.