Lk 9:11 - Testamente Ledrimpswha ni Mapsalma

¹¹ Loko a vhanu vaswitivile vamulandra kutani Yesu avayamukela, akhanela navu hita Mfumu wa Xikwembu Nkulukumba, kutani aholisa timbabyi.

Lk 9:11 Referans Kwoze

Va-Heberu 4:16

Ahitrhindrekeleni-ke, hi kudumba hinkwaku axiluvelweni xa timpswalu, akuva hiyamukela lirere ni timpswalu ni kukuma kupfuniwa ankameni lowu fanekelaka.

II Tmt 4:2

Rera ritu, utiyisa hi nkama lowu faneliki, ni hinkama lowu wungafanelikiki, khata, khongotela, khwavela hi mbilu ya kuleha, ni hi kudondrisa.

Rm 15:3

Hikusa na kone Yesu angadjulanga leswinga munyoxisaka. Swanga hi leswi kutraliwiki: A swifingeto swa lava afaka vakufingeta swi weli henhla kwanga.

Rm 10:14

Kambe, xana vata khongotisa kuyini ku lweyi vangasikina pfumela ku yene? Kumbe vata pfumelisa kuyini loko vanga yingelanga kukhaneliwa ha yene? Kumbe vatayingelisa kuyini loko kungena lweyi a varerelaka Ivangeli?

Mintiro Ya Vapostola 28:31

na ativisa livaleni ta Mfumu wa Xikwembu Nkulukumba, na afa avadondrisa hita Hosi Yesu Kriste, na kungali na mhunu lweyi amusivelaka.

Yohana 6:37

Hinkwaswu leswi Tatana aninyikaka, switata ku mine; kutani lweyi ataka ku mine, ningaka ningamutxukumeti ni siku ni drin'we.

Yohana 4:34

Yesu aku ku vone: A swakuda swanga hi kuyentxa kurandra ka lweyi anirumiki, ni kuhetisa ntiro lowu anirumiki kuwuyentxa.

Lk 9:2

Avaruma kurera ta Mfumu wa Xikwembu Nkulukumba ni kuhanyisa timbabyi.

Lk 8:10

Yene ayangula aku ku vone: N'wine n'winyikiwi a kutiva swihundla swa Mfumu wa Xikwembu Nkulukumba, kambe ku van'wana nikhanela hi swifaniso, akuva nambi valavisa vangavoni, nambi vayingela vangayingelisisi.

Lk 8:1

A ntrhaku ka swone, Yesu atifambela hi miti ni mitana, a dondrisa Ivangeli ya Mfumu wa Xikwembu Nkulukumba. Lava va khume na vabiri afa vafamba na yene,

Lk 5:31

Yesu ayanguli aku ku vone: Lava vanga vatomi avadjuli n'anga, kambe ntsena lava vavabyaka.

Lk 1:53

Axurisi lava va ndlala hi leswi swinene, ava atlhelisa lava kufuya na vangena ntxhumu.

Mt 21:43

Hileswo-ke nan'wibyela nili a Mfumu wa Xikwembu Nkulukumba wutasusiwa ku n'wine, wutanyikiwa a tiko ledri dritakabeka a mihandru leyi mifanelaka wone. [

Mt 21:31

Hi wini ku lava vabiri ayentxiki a kurandra ka tatana wakwe? Vamuyangula vaku: Hi lweyi wa kusungula. Kutani Yesu aku ku vone: Hikusa nihlayelamfuri nili ku n'wine: A vahlengisi ni vavasati va vumbuye vatan'wirangela kunhingena a Mfun'wini wa Xikwembu Nkulukumba.

Mt 14:14

Aku awahuma abyatrhwini, avona xitrhungu lexi xikulu; kutani axitwela a vurombe, ahanyisa timbabyi hinkwatu leti afaka vatitisa ku Yene.

Rm 10:17

Hileswo-ke a kupfumela kupfa kuyingeleni, kambe akuyingela kupfa aritwini dra Xikwembu Nkulukumba.

Mt 12:15

Loko Yesu aswitivile, asuka kolahu, kutani a vhanu vanyingi vamulandra; Yene ahanyisa hinkwavu

Lk 9:10

A vapostola, loko vatlhelile, vadrungulela Yesu hinkwaswu leswi vaswiyentxiki. Yene avatekela atlhelweni, avayisa atikwanini ledri valiki i Betsayida.

Lk 9:12

Loko a dambu driya kupeleni, a vadondrisiwa lava khume na vabiri, vatrhindrekela kusuhi na Yesu vaku: Tlhelisa a vhanu vaya wisa ni kuya djula a swakuda mitanini ni le masin'wini lawa manga kusuhi, hikusa ku mbangu lowu akuna ntxhumu.