Lk 9:1 - Testamente Ledrimpswha ni Mapsalma

¹ Yesu a hlengeleta vadondrisiwa vakwe va khume na vabiri, avanyika a ntamu ni vufumi a henhla ka mimoya hinkwayu lemimfani, ni kuholisa ka mavabyi.

Lk 9:1 Referans Kwoze

Yohana 14:12

Nihlayelamfuri nili ku n'wine: Lweyi apfumelaka ku mine, na yene atatira mintiro leyi nimitiraka; atatira ni leyi mitlulaka yone, hikusa niya ku Tatana.

Lk 10:19

Yingisetani! Nin'winyiki a ntamu wakukandretela tinyoka ni mibalana ni le henhla ka ntamu hinkwawu wa nala; akuna xa kuva xitaka n'wihona ha ntxhumu.

Mintiro Ya Vapostola 4:30

unalavuta a voko draku, akuva kuhumelela a kuholisiwa ka vuvabyi, ni swikombiso ni mahlolana, hi vito dra Nandra wa kuxwenga, Yesu.

Mt 16:19

Nitakunyika mimpfungulu ya Mfumu wa Matilo. Leswi utakaswitrimba amisaveni switatrimbiwa ni le Tilweni, leswi utakaswintrhuxa laha misaveni switantrhuxiwa ni le Tilweni.

Mintiro Ya Vapostola 1:8

Ke, n'witanyikiwa ntamu loko a Moya wa Kuxwenga wutava wuxikeli ku n'wine, kutani n'witava timboni tanga la Yerusalema, ni le tikweni hinkwadru dra Yudeya, ni le Samariya, ni kuyatlhasa avugan'wini bya misava.

Mintiro Ya Vapostola 9:34

Petrosi aku ku yene: Eneya, Yesu Kriste awakuholisa. Sekeleka utikhondlela vunanu byaku. Kolahu, yene asekeleka.

Mintiro Ya Vapostola 3:16

Hi kupfumela ku vito dra Yesu, a vito drakwe dritiyisi a mhunu yelweyo n'wimuvonaka, n'wimutivaka; ke a kupfumela ku Yesu kunyiki vutomi kulweyi n'wimuvonaka lana hinkwenu.

Mt 4:24

Afa kutwala kwake kuhangalaka atikweni dra Siriya. Vamutisela hinkwavu lava vavabyaka hi mavabyi ya tinxaka-xaka, ni mahlomulo ni tinxanisa ni lava vangani mademoni, ni va mavabyi ya kuwutleka, ni vakuwonyana a swiro, kutani Yene afa avahanyisa.

Mt 8:9

Hikusa na mine ninga mhunu lweyi afumiwaka, nini masotxha lawa manga hansi kwanga, loko niku ku mun'we wavu: Famba; awafamba; loko niku ku mun'wana: Tana; awata; ni loko niruma a nandra wanga leswaku ayentxa xa kukari, awaxiyentxa.

Lk 10:1

A ntrhaku ka swone, Hosi Yesu ahlawuli van'wana va ntlhanu wa makume na makume mabiri na vabiri (72), avaruma ha vabiri-vabiri amahlweni kwake, amitini hinkwayu ni le mimbangwini hinkwayu lomu atakafamba ha kone.