Lk 8:15 - Testamente Ledrimpswha ni Mapsalma

¹⁵ A mbewu leyi yiweliki misaveni leminene, hi vhanu lava yingelaka a ritu hi timbilu leti tinene, vayingiseta kutani vadribekisa, vatiya vanyika a ntrhovelo wunene.

Lk 8:15 Referans Kwoze

Va-Heberu 10:36

Hikusa swadjuleka n'wiva ni kutiyisela, akuva loko n'witava n'wiyentxile kurandra ka Xikwembu Nkulukumba, n'wikuma leswi n'widumbisiwiki swone.

Lk 6:45

A mhunu lweyi munene ahumexa leswi swinene anhlengweni leyi yinene ya mbilu yake, na yene lweyimfani ahumexa leswi swimfani anhlengweni leyi yimfani ya mbilu yake. Hikusa a nomu wakwe wukhanela leswi switaliki ambilwini yake.

I Yhn 2:3

Laha hi switivaka ha kone leswaku hamutiva Tatana hi loko hi bekisa swileleto swake.

Va-le-Kolosa 1:10

akuva n'wifamba hi kululama amahlweni ka Hosi, n'wimutrhavisa ku hinkwaswu, n'wibeka mihandru amintirweni hinkwayu leminene, na n'wikula akutiveni ka Xikwembu Nkulukumba;

Va-le-Kolosa 1:6

yitlhasiki ku n'wine ni le misaveni hinkwayu; yibeka mihandru na mikula swanga hileswi swihumeleliki makari kwenu, kusukela ku siku ledri n'witiviki timpswalu ta Xikwembu Nkulukumba hi xihlayelamfuri.

Yohana 14:15

Loko n'winirandra, n'witabekisa milawu yanga.

Lk 11:28

Kambe Yesu aku: Ngopfu vakatekile lava vayingelaka Ritu dra Xikwembu Nkulukumba vava vadribekisa.

Va-le-Filipiya 1:11

N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.

Rm 7:4

Hiswoswo vamakweru, na n'wine n'wifile nawini hikola ka miri ya Kriste, akuva n'wiva ku mun'wana lweyi angapfuka akufeni, akuva hibekela Xikwembu Nkulukumba a mihandru.

Rm 6:22

Swoswi kutani n'wintrhunxekiki ku xidoho, n'windrulukiki n'wiva switiro swa Xikwembu Nkulukumba. N'wini handru wenu akuva n'wibasisiwa, akuva n'witava ni vutomi lebyi byingahelikiki.

Yohana 15:10

Loko n'wibekisa milawu yanga, n'witatrhama alirandrwini dranga, swanga hi leswi na mine nibekisiki milawu ya Tatana wanga, kutani nitrhami lirandrwini drakwe.

Mt 24:13

Kambe lweyi atiyiselaka kuyatlhasa vugan'wini, atahuluxiwa.

Va-Heberu 2:1

Hikolahu ka leswo, hi fanekeli kuva hi bekisa hikutiya, atimhaka leti hi tiyingeliki, akuva hingatxhuki hi lahlekelana na tone.

Ef 2:8

Hikusa hi timpswalu n'wihuluxiwile, hinkonta ya kupfumela; kutani leswo aswipfi ku hine, i nyiko ya Xikwembu Nkulukumba;

I Kor 7:19

A kusoka ahi ntxumu, ni kukala a kusoka ahi ntxhumu; a swa lisima i kubekisa a swileleto swa Xikwembu Nkulukumba.

Rm 7:18

Hikusa naswitiva leswaku a vunene abyi trhamanga ku mine, nidjula kuhlaya leswaku antumbulukwini wanga. Nambi nini kunavela ka kuyentxa leswi swinene, aniswikoti leswo.

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.

Yakobe 1:4

Kambe akutiyisela akuve ni ntiro wa kuhetiseka, akuva n'wiva lava valulamiki hikuhetiseka na n'wingapfumali ntxhumu.

Lk 8:14

A mbewu leyi yiweliki mitweni hi lava vadriyingeliki, kambe ha kutrongo-kutrongo vatrika kukhongota hi mihlatiyelo ya vutomi, ni vukosi, ni kutitrhavela hi swa vutomi kutani hi ndlela leyi vanganyiki mihandru.

Lk 8:16

Akuna mhunu lwyi alumekaka a motre, ntrhaku awufukumeta hi xibya, kumbe awubeka hansi ka vunanu, kambe awuhayeka ahenhla, akuva lava vanhingenaka vavona livaningo.

Rm 8:25

Kambe loko hine hilavisela leswi hingasiki na swivona, hiswilavisela hi kutiyisela.