Lk 7:34 - Testamente Ledrimpswha ni Mapsalma

³⁴ Loko a N'wana wa Mhunu ati na ada, anwa, n'wiku: Vonani wa magolo ni mpopswi, nakulobye wa vahlengisi.

Lk 7:34 Referans Kwoze

Lk 15:2

A Vafarisi ni vadondrisi va Nawu van'unun'utela vaku: Lweyi, ayamukela vadohi ada navu.

Yohana 12:2

Vamululamisela swakuda, kutani Marta afa avatirela. Lazaro afa ali mun'we wa lava vanga kudeni na Yesu.

Lk 19:7

Loko vaswivonile hinkwavu, van'unun'uta vaku, anhingeni ndlwini ya nuna wamudohi, awisa kone.

Lk 14:1

Kati loko Yesu anhingeni a kaya ka mun'we wa mufambisi wa vafarisi, hi Savata, a kuyada kone, a vafarisi vone afa valavisisa Yesu leswi atakaswiyentxa.

Lk 7:36

Amun'we wa mufarisi arambi Yesu akuva atatada. Hi loko Yesu aya ndlwini yake atrhamisa atafuleni.

Lk 5:29

Ntrhaku, Levi ahambela Yesu a nkhuvu wukulu amutini wakwe; ni vunyingi bya vahlengisi, ni vambeni vhanu vatrhamisi kun'we vada navu.

Mt 9:11

Loko a vafarisi vavona leswi vavutisa vadondrisiwa vakwe vaku: Hayini a Mudondrisi wenu ada kun'we ni vahlengisi ni vadohi xana?

Yohana 2:2

Yesu ni vadondrisiwa vakwe afa varambiwi nkhubyini na vone.

Lk 11:37

Yesu aku na ahavulavula, amun'we wa mufarisi a mukhongota kuyada na yene. Anhingeniki atrhama kudeni.

Mt 5:46

Hikuva loko n'wirandra ntsena lava van'wirandraka, n'wini hakelo drini xana? Na vone a vahlengisi avayentxisi xiswoswo xana?

Mt 11:19

A N'wana wa Mhunu atile na ada, anwa, vaku i wa magolo ni mpopswi, i nakulobye wa vahlengisi ni vadohi. Kambe a vutlhari byikombisiwa a kululama ka byone hi mintiro ya byone.

Lk 7:33

Hikusa Yohana Mubabatisi ati na angadi kati, anganwi vhinyo, n'wine n'witi ani moya lowumfani.

Lk 7:35

Kambe a kululama ka vutlhari kukombisiwi ku vana va byone hinkwavu.